•  
  • اجعلنا صفحتك الرئيسية
اعمال شغب في "بارحة اربد" - صور
الصفحة الرئيسية أخبار محلية اعمال شغب في "بارحة اربد" - صور

اعمال شغب في "بارحة اربد" - صور

30-06-2012 11:40 PM
من قلب الحدث

اربد - احمد الهامي - صعد ابناء عشيرة بني هاني في اربد من احتجاجاتهم وقاموا مساء اليوم باغلاق شارع القدس في منطقة البارحة، احتجاجا على عدم استجابة الجهات المعنية لمطالبهم في تعيين ابنائهم في الدولة، اضافة الى سوء الخدمات المقدمة للمنطقة وغياب العدالة في توزيع الخدمات.

وقام المئات من سكان المنطقة باغلاف الشارع الرئيسي ومنعوا دخول وخروج المركبات وسط غياب امني واضح في المنطقة، فيما فشل محافظ اربد خالد ابو زيد من احتواء المشكلة والحيلولة دون تصعيد الاحتجاج.

وقام شبان برشق دورية امنية بالحجارة عندما قامت باطلاق الغاز المسل للدموع على المتظاهرين في المنطقة

 

           

 

 

 

 



ميدوه
30-06-2012 11:47 PM
الله يستر من شيء اعضم
الرمثاوي
30-06-2012 11:52 PM
البلد خربانة، الأمن بدأ بالتلاشي والوضع أصبح خطير جدا ، يجب وضع حد لهكذا مهازل بأسرع وقت!
ابن البلد الحر
01-07-2012 01:02 AM
والله انهم رجال لانو الناس ضاجت كل واحد واسطته وبس لمتى نسكت
ابن الجبل
01-07-2012 01:19 AM
كيف غياب امني واضح ؟ وقامت دوريه باطلاق غاز مسيل للدموع . فيه تناقض بالموضوع اخ ابو هيثم
سلطي
01-07-2012 01:24 AM
والله عيب يا جماعه والله كنت اسمع زمان مثل الي مالو كبير اللي ماله كبير يطيح في البي
حقهم
01-07-2012 01:25 AM
وقريبا رح تصير في مختلف مناطق المملكه لأنو الوضع السيء يعم الجميع ولا يخص احد
مواطن اردني حر
01-07-2012 01:31 AM
يجب بضرب بيد من حديد لكل من تسول له نفسه بعمل اعمال تخريبية و تقطع يد كل مخرب جبان ... هذه اعمال جبانه من انااس جبناااء
محمد بكار
01-07-2012 01:45 AM
شو مال اربد على المشكال
ولك يا نسا انتو ابتتهاوشو مع حكومتكم
مع الي بحموكو من اسرائل افهمو الاشي
بدل ما تتزلمو على حكومتكم
اطلعو لبرا على اسرائيل وفلسطين وحاربو فرجونا
لا حول ولا قوة الا بالله عليكم الناس صارت بلآ عقل
يوسف البشتاوي
01-07-2012 01:58 AM
ولكم حرام عليكم خربتو البلد بآشياء واقعة
انا مع قرابتي محمد بكار حياك الله على هيك كلام
جد لا تخبو بلدنا اطلعو برا فرجونا يا..... ويا عشائر الثانية
اشرف الشاويش
01-07-2012 02:13 AM
ليش همي فاتحين للحدود عشان يروحو ع فلسطين والعراق شو هالهبل هاض
ما الي دخل
01-07-2012 02:18 AM
ولعت
ربداوي صريح
01-07-2012 02:26 AM
اللــه حيهم رجال بني هاني من يومهم ومعهم الحق والله
mahdi alawneh
01-07-2012 02:30 AM
اولا ملكنا الي بيحمينا من اسرائيل مش الحكومه
وثانيا حكومتنا جوعت الشعب وهي بدها تخرب البلد
والله يحمي ملكنا وبلدنا
صخري
01-07-2012 02:34 AM
كان هجوم لاذع ع ابناء بني صخر لما اعتصموا ووصفتوهم بالبدو وانهم متخلفين
محمد العمري ( ابو جواد )
01-07-2012 03:13 AM
اي اي اي عفية عليكو يالنشاما والله انكو رجال و الله محيي اصلكوا
اردني حتى النخاع
01-07-2012 03:22 AM
الى 2 انتوا عليهم عليهم معاهم معاهم اذا في انتماء تنتموا اذا في مشاكل تخربو الدنيا
luay
01-07-2012 03:35 AM
لسا ما شفنا شي الناس كمان يومي راح توكل بعض من طفر الاردن وحياتكم راح تولع اكتر كمان
مع الحق
01-07-2012 03:35 AM
والله معهم حق الله يقويهم عالواسطات الى بتسير والظلم والى حاط الخبر مش عارف شو يحكي
هاظ اني
01-07-2012 03:49 AM
بس يا ريت يا جماعه ما نخرب الاشياء اللي بتخدمنا
يعني ما كان في داعي لتكسير مدرسة عين جالوت ولا لفصل الكهرباء اللي بتوصل بيوتكوا وما حدا داري عنا
في طرق احسن لحتى ينسمع صوتنا
Ghadasalti
01-07-2012 03:52 AM
واللة حرام نساوي ببلدنا هيك الحرق والتخريب كل ما نشوف اشي بدنا نقلدوة بدل ما نعمرها بدنا نرجع مية سنة لا ورا المشاكل تنحل بدون تخريب
hussam
01-07-2012 04:39 AM
يا اخوان معهم حق بس بترضو يصير فينا زي اهل سوريا وليبيا نتذبح وانشوف دم على الارض اولادنا والله ما بصير
حسام الكوفحي
01-07-2012 04:47 AM
ارجو من كل واحد اردني انو يحافض على بلدو لانو مش حلوه الواح يحارب البلد الي ربي فيه لازم نكون ايد وحده مشان نبنيه مش مشان نرميه ويا اخوان والله ما هي مستاهله انو الواحد يعمل هيك بلاش القصه تكبر ويصير فينا مثل ما صار في سوريا ونشوف اهالينا مقتلين ومذبحين ارجو منكم ذللك وبجوز الي بتكسر سياره الشرطه عليه يكون اخوك او ابن عمك او صاحبك ديرو باللكو احنا اخوه يا اردنيه
ahmad mahmoud
01-07-2012 06:15 AM
اذا كل واحد بهاي البلد الو مطالب و ما تنفذت بدو يعمل هيك شو ضل انا ما بقول غير لو كبرنا عقلنا شوي كان كل شيء نحل (و لو صبر القاتل على المقتول كان مات لحالو) بدل ما نعمر البلد و نخليها اروع البلدان بندمرها بأيدينا و الله حرام
ahmad mahmoud
01-07-2012 06:25 AM
استاذ محمد صبا الخير الكل بقول ما في شغلو بعيدو بندب حظو و بحكي البلد و الحكومه .بس انا نفسي اعرف ليش الوافد المصري بيجي على الاردن و بيشتغل و اخر الشهر بتلاقي باعت ل مصر لا يقل عن 500 دينار كيف هذا جا هاي لفلوس لأنو ما خجل من اي عمل بيشتغل في الباطون و بكل شي بس احنا و الحمد لله على ايدينا نقش الحنه ما بنقدر نعمل مثلو يا جماعه الي بدو يشتغل بيشتغل بس احنا بدنا مكاتب و مكيف وراحه و اخر لنهار نروح نقول تعبانين طول اليوم و انا بشتغل فكرو شوي اذا احنا اهل البلد و تحت الرايه الهاشميه بنعمل هيك شو بنحكي لغيرنا الحكومه ما بتقدر توظف كل الشعب الاردني اذا الكل موظف مين راح يعمل في البناء و الانشاء الخ .... خلينا لمره نشغل مخنا و نتعب شوي حكمو عقلكم احنا احسن من غيرنا بألف مره ارجعو للدين شوي بتلاقو الحل الصواب بدل الشغب و الحرق و التكسير فرغ هاي الطاقات الي عندك بدل العامل المصري راح تعيش و تصرف و تدخر كمان و انا بعتذر على الاطاله
رنده
01-07-2012 07:23 AM
والله عيب الاردن مابتستاهل هيك ولا تقلدو تقليد اعمى لبعض الدول حرام عليكم احنا بامان حتى لوجوعانين بكفى نعمت الامان الى عايشين فيها اولادنا حسبى الله على كل واحد بدو يخرب هل البلد
منورين
01-07-2012 07:50 AM
حيهم الاربداويه حيهم اهل البارحه والله ما بتيجي غير منكم حركو الشعب النايم والروس لكبيره اكلوووووووونا ونحنا نتفرج خليكم دافعو يلي بدافعو احتى تشوفو اخرتها والله ما راح تلحقو كيس الخبز الله يخلي سيدنا ابو حسين
محمد الأردني المغترب
01-07-2012 08:18 AM
اذا كان هذا السبب(الوظائف والواسطات) يعني كل الأردن لازم تطلع تتظاهر يعني خربت البلد.والله لو كل واحد ما اله واسطه طلع تظاهر!!!!!!
ايمان الخطيب
01-07-2012 08:22 AM
ما في حد معه حق يخرب البلد ويحرق في كثير من الطرق اما تخرب شوارع حارتك وتحرق البلد شو ذنبها خليها حلوه ومستوره احسن ما نتمنى النوم براحه وما نحصله نتمنى من الحكومه التوقف عن المهزله واثاره الشعب
محسن
01-07-2012 08:56 AM
اللهم اهدي قومي
كركي وافتخر
01-07-2012 09:06 AM
بدهم يعينو أبنائهم بالدوله هي الدوله شو بدها تستحمل تتستحمل ولا فاكرينها مرشد اجتماعي لكل عاطل عن العمل روحو شوفوا شغل في القطاع الخاص بدل منتو بتخربو البلد والله صحيح الفاظي بيعمل قاظي يعني انتو ضد الواسطات والمحسوبيه يعني الابتزاز يلي بتعملوه احسن؟
Aseel Sabbah
01-07-2012 09:18 AM
بصراحة هاد شي مو حضاري بالمرة .. كيف الواحد بعمل هيك بلده؟؟ جد خسارة بناس متل هيك يعيشوا بالبلد وبيجيوا بني هاني بحكوا هاي بلدنا وارجعوا يا فلسطنين ع بلدكم !! ازا هيك بتعملوا ببلدكم فما في عتب عليكم
بكفي خنقتونا
01-07-2012 11:15 AM
الي بحكي هذا مو حضاري لكان الي بتعملو الحكومة شي حضاري بكفي البترول ورفعوه وضريبة على كل شي ورفع رسوم الدفن- بشرفكم ليش رسوم الدفن ليش الميت بكيفو مات -- خاوفو الله
وليش الرواتب شو بدها تكفي حتى السكنات ارتفعت الي ما عنده راتب شو يعمل من قليل العالم صارت تطلع ع الشارع.
ahmad jwd
01-07-2012 12:23 PM
لسا ما شفنا شي الناس كمان يومي راح توكل بعض من طفر الاردن وحياتكم راح تولع اكتر كمان
aliahmad
01-07-2012 05:21 PM
شوية زعران بالشارع ,قطعوا الكهرباء على الناس وخنقونا بالعجلات المحروقة وكسروا المدرسة والمصابيح مشان يهزوا دنب لبعض الاشخاص والشرطة طنشتهم ما شاء الله وما سألت
عبدالله بني هاني
02-07-2012 02:43 PM
ih
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك