•  
  • اجعلنا صفحتك الرئيسية
أخر الأخبار
الدفاع المدني يروى تفاصيل أحداث الشغب في اربد
الصفحة الرئيسية أخبار محلية الدفاع المدني يروى تفاصيل أحداث الشغب في اربد

الدفاع المدني يروى تفاصيل أحداث الشغب في اربد

10-07-2012 01:44 PM
من احداث ليلة امس

الوكيل- نفت مديرية الدفاع المدني في محافظة اربد على لسان مديرها العميد بسام الجوارنه خبر تناقلته وسائل الاعلام حول اعتداء احد عناصر الدفاع المدني على احد المواطنين في شارع الجامعة مساء امس.

وفي التفاصيل أوضح الجوارنة أن 3 شبان داخل سيارة مرسيدس رفضوا افساح الطريق امام سيارة اسعاف التابعة للدفاع المدني كانت في طريقها لإسعاف حادثة قرب دوار الجامعة ، مضيفا ان الشبان نزلوا من السيارة وقاموا بالاعتداء على رجال الدفاع المدني.

وأشار الجوارنة الى ان الشبان قاموا بالذهاب الى مديرية الدفاع المدني وقاموا بأعمال شغب وشتموا عناصر الدفاع المدني .

ودعا الجوارنة المواطنين الى احترام طريق سيارة الدفاع المدني ، لافتا الى ان عناصر الدفاع يقومون بواجبهم في خدمة المواطنين ومساعدتهم من اي مكروه.

يذكر ان اعمال شغب اندلعت في شارع الدفاع في مدينة إربد احتجاجاً على تعرض أحد رفاقهم إلى الاعتداء من قبل احد عناصر الدفاع المدني حيث تدخلت قوات الدرك لتفريق المحتجين



هيبه
10-07-2012 01:57 PM
هذول تحيونوا قال شباب قال من الحكي الواحد بعرف انهم زعران وهمل
zakaria
10-07-2012 02:02 PM
وتخيلوا انه الي كانوا بدهم يسعفوه هو احد اقرباء ذلك الشاب صاحب المشكلة يعني والله مهزلة
عيسى
10-07-2012 02:03 PM
كلام غير صحيح
اسيل
10-07-2012 02:04 PM
يعني اعتدوا على الدفاع المدني والدفاع المدني ضلوا واقفين يتفرجوا شو هاد الكزب
الشيخ الخطيب
10-07-2012 02:05 PM
حسب روايه اهل اربد اللي وصلتني انه هذا الكلام صحيح و زياده على ذلك كانت السياره معاكسه للسير حسب اقويل الشهود و الله اعلم و رفضوا الابتعاد ..... حرام اللي قاعدين يساووه في البلد و الله حرام و وين الاردن زمان .... الله يحفظ الاردن و يحفظ جلالة سيدنا
احنا مش خرفان
10-07-2012 02:07 PM
ههههههههههههههههههههههههههههه والله قصة بتضحك
كنت هناك
10-07-2012 02:07 PM
انت شفت القصة جمب العلاونة تبع الصرافة في شارع الجامعة. كان في سيارة اطفاء واسعاف وقدامهم سيارة مرسيدس مافتح الطريق نزل وفتح الباب تبع سيارة الدفاع المدني وصار بدو يضرب رجال الدفاع المدني بس دارو علي وطجوه قتلة... يعني افتح طريق ليش النغاشة
eman alzoubi
10-07-2012 02:13 PM
ما اصلاآآآآآآآ شارع الدفاع بعد المغرب بصير قعدات للشباب ومصف للسيارات والواحد ما بئدر يمشي من هناك فلازم يمنعوا القعدات الشبابيه بهيك موقف لانه بأي وئت سياره الدفاع بدها تطلع من المديريه وما في داعي تستنى لحتى توخذ الاذن من الشباب انهم يمرقوها
SALTIA
10-07-2012 02:16 PM
والشعب التعبان بصيروا يحكولك الدفاع المدني بوصل بعد نص ساعه

طبعا اذا ما تعاونا وفتحنا الطريق للدفاع المدني اكيد بدهم يتأخروا
كل واحد يعتبر انو اللي بدهم يسعفوه ابوه او امه

الله محي رجال الامن العام
محمد حمدي ابوشرخ
10-07-2012 02:18 PM
الاخوان الشباب باربد والزرقا وعمان وكل محافظات والعاصمه والقره بحب اذكركم
انوا رجل الامن والدفاع المدني والدرك
وكل النشامى الي ب الوطن عين ساهره علينا وعلى امن هالبلد الحممي باذن الله
واحنا طول عمرنا في المقدمه شعب وولات امر وبالله على كل الشباب والشيوخ لا نطلع على غيرنا خلينا مثل ما الكل بيعرفنا وبهابنا مثل حزمة العصي
Tariq
10-07-2012 02:22 PM
يا جماعة انا مبارح مريت من قدام الدفاع المدني وكان معي صاحبي من دوله شقيقه لفتنا منظر شب وخو بيتفلت ع باب الدفاع المدني وبتلظ الفاظ نابيه وواحد من الشباب اللي معه بهديه والثالث ساكت ..... العسكري اللي ع باب الدفاع المدني سمعت منه كلمتين ...روح من هون ما بيطلعلك تحكي هيكا "بالالف" ...... وبس رجعت عالبيت تفاجئت بالخبر المنشور .... حتى حكيت لصاحبي بالحرف ..شايف الحريه عنا كيف
محمد العقبة
10-07-2012 02:25 PM
يعني لو دعسو بتمو كمان قليل عليه مش ضربوه وبس بستاهل لأنو واحد ما بيفهم اللي بعطل موضوع انساني متل هيك
عماد طلافحه
10-07-2012 02:33 PM
بس معلومه سيارات الدفاع كانت راجعه ع المديريه مش طالعه
انا كنت حاضر هناك ....مش المشكله ب الدفاع المدني بعد ما روحو اهل الشباب الي كانو محجوزين عند الدفاع المدني نفسي اعرف ليش الشرطه هجمت ع الناس وصارو يضربو ومسيل دموع وحالتهم حاله بس حنقو الناس المارقين من الشارع والي كانو يغلطو عليهم ولا حد حكى معهم
محمد الحمايدة
10-07-2012 02:44 PM
الله يرحم أيام زمان لما كان الشرطي بمشي بالشارع كانوا الاشكال هاي تهرب فعلا أشكال ما بتجي الا بالدعس حتى الدفاع المدني ما سلم منكو راح ترجع هيبة الدولة ونشوف الي زيو ما بيطلع من الدار
mohammad abuzaid
10-07-2012 02:54 PM
خربت ‏
البلد ‏ فوق ما هي خربانة ‏
كركي وافتخر
10-07-2012 03:09 PM
طيب الي كان الاسعاف بده يسعفه شو صار فيه انشاء الله بخير علشان اذا لا لازم عيلته تنضم للميمعه وتوقف مع الامن
الشديــــــــــــــــــــــفات
10-07-2012 03:09 PM
الحريه هاي يلي بنادو فيها .. هيبة البلد راحت ع شان واحد يتمشى بسيارتو معلي المسجل كمان ازعجوه الدفاع المدني خربو تزبيط بنت
نحكيلو للشب احنى اسفين والله لو ندري انو بدك تزبط البنت كان ما طلع الدفاع المدني ع الحادث
...............
10-07-2012 03:13 PM
لا يقعد يتفرج عليك وانتا بتعتدي عليه خلص بس امك تحتاج اسعاف شوف حرقت الدم لما تكون ماشي وراهم ويجي واح يعترض طريقك
من خارج الاردن
10-07-2012 03:50 PM
طيب شو يعني ازا شرطي دافع عن حالو يعني يوكل قتله الشرطي ويسكت اصلا هون بأوروبا مسموح الشرطي يدافع عن حالو ازا حدا بدو يضربوا ولازم كل السيارات توقف على اليمين ازا مرر سيارة شرطه او اطفاء
الرمضان
10-07-2012 05:18 PM
الله اهيهديهم بدهم يلفتو الانتباه
لا دخان بدون نار
10-07-2012 05:27 PM
لو انهم الدفاع المدني ما غلطوا عليهم....كان ما تهاوشوا.............................وعلى زمتي
ااااخ يا وطن
10-07-2012 05:35 PM
و الله لازم مسكوا يلي اتهجموا على مركز الدفاع المدني و حبسوهوم....
البلد مش سايبه كل هاد على شان اكم من شب ازعر عيب و الله عيب
ناس عم بأدموا واجبهوم احنا انروح نعدي عليهوم
اااااااااااااخ يا وطن يا حسافه على هيك شباب بلاش احكيها !!
عاطف المومني
10-07-2012 05:57 PM
يا الله شو مسكين هالشعب كل شي بتقوله الحكومه بصدقوه وبتثور حميتهم الله عالمفتري
aseel
10-07-2012 06:13 PM
الصرااااااحه لازم يكون في احتراااام لرجاااال الامن وهاااااااااد الحكي الي صاااااااااااار مرفوض
anwar
10-07-2012 09:14 PM
ممممممممم هالقصة مو خاشة عقلي
عمر السردي
10-07-2012 09:41 PM


والله مو عارف شو احكي. رجل الأمن العام والقوات المسلحة والدفاع المدني وقوات الدرك. تعمل من أجل المواطن. لملذا قامو بتعدي على رجال الدفاع المدني. هل أنه لا يوجد من يردع هاولاء الشباب. أم أن هاهؤلاء الشباب. يريدون أن يضهرو انهم فوق القانون أم أنهم يريدون أن يعملو الفتن داخل أردننا الحبيب. لابد من تكاتف نشأما الأردن من أجل وضع حد لي مثل. هذه الفئه الغير مستقيمه.
ahmad bataineh
11-07-2012 01:52 AM
يا جماعه بدل ما كل واحد يفتي من عقله ويلوم الشباب فكروا بعقلكم كيف الشب رح ينزل يضربه بدون سبب ؟؟؟ المشكله تتكرر الحكومه ومن بعدها اصحاب القرارات يستهينون بعقول وذكاء الشعب ............الموضوع وكما اعرفه انه سيارة الدفاع كانت متوجهه لمركز الدفاع المدني والشب واقف بستنى بصاحبه نزل يشتري دخان وسيارة الدفاع اخدت اليمين ومستعجل الاخ وبدون صفاره ولما شافوه واقف وبعد تزميرات سمع مسبه منهم الشب عشان هيك نزل .........والله العليم طبعا
ليث ابراهيم
11-07-2012 03:26 AM
القصه مفبركة هاد بكونو شباب الدافاع المدني كبو بلاهم عليه وانا متاكد وهو ما الو دخل وتنا شي الي بيحط التعليقات مع المقال شكلهم من الدفاع المدني كمان قال حرية اعلام فعلا مين سمير ؟
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك