•  
  • اجعلنا صفحتك الرئيسية
أخر الأخبار
معماريون اردنيون يشاركون في مؤتمر معماري في الأردن تقرير مصور:: احجية الاسعار في الاردن !! الاردن يدين الارهاب البشع على مدرسة في بيشاور الملكة رانيا تكتب حول ضحايا التطرف الابرياء وزير الاوقاف: هناك فكر ظلامي يسود المنطقة صور :: الغذاء والدواء تضبط "625" طن مرتديلا فاسدة الملك في البادية الجنوبية .. صور مواطن يتبرع شهريا بتكاليف عرس لذوي الاحتياجات الخاصة المصري: الأمة ملزمة بالتواصل والبحث العلمي البناء مشاكل التسجيل في كلية الحصن الجامعية الاعتراف بجامعة آل البيت بشكل رسمي من قبل السعودية بالفيديو.. لاعب تركى يتفوق على ميسى ورونالدو فى الركلات الحرة صور :: عمان : القبض على أعضاء عصابة مسلحة وخطيرة صور:: مبادرة كسرة خبز الشبابية توزع المعاطف على الطلاب الفقراء الذنيبات يؤكد دستورية دور ديوان المحاسبة في التوجيهي راديو هلا تطلق مبادرة (هاشتاق هلا _بالعربي) ''العمل الإسلامي'' يرفض استيراد الغاز من الاحتلال‎ افراد ادارة السير "يفزعون" بدمائهم لمسنة اردنية نسيم الدادا تعلن عن أول الفائزين بمسابقة Skyworth ضبط لحوم مصابة بالكبد الوبائي .. !
إلغاء مقاعد المكرمة الملكية في الجامعات
الصفحة الرئيسية أخبار محلية إلغاء مقاعد المكرمة الملكية في الجامعات

إلغاء مقاعد المكرمة الملكية في الجامعات

30-07-2012 06:40 PM

الوكيل - أصدر الديوان الملكي الهاشمي، اليوم الاثنين، تعديلا على أسس المكرمة الملكية السامية للدراسة الجامعية اعتبارا من العام الدراسي 2012 – 2013، لضمان أعلى درجات تكافؤ الفرص بين الطلبة، وحصولهم على فرص تعليمية متساوية، وذلك في إطار جهود جلالة الملك عبدالله الثاني الإصلاحية والهادفة إلى تحقيق العدالة الاجتماعية، خصوصا التي تدعم مبدأ الكفاءة والجدارة والتميز في المجتمع.

وبحسب بيان صادر عن الديوان الملكي الهاشمي، فقد تم بموجب التعديل، الذي جاء نتيجة توجيه ملكي، وعمل لجنة متخصصة شكلت لهذه الغاية منذ أربعة شهور، إلغاء تخصيص أي مقاعد دراسية نهائيا، حيث ستركز المكرمة الملكية على تقديم المنح الدراسية فقط في الجامعات الحكومية وللطلبة المقبولين من خلال قائمة القبول الموحد، مستندة إلى عدة معايير أهمها التحصيل الأكاديمي للطالب آو الطالبة والجدارة والتميز، والظروف الاقتصادية والاجتماعية للطلبة.

وأكد البيان، أنه ومن ضمن التعديلات، فلن يكون للديوان الملكي الهاشمي دور في عملية استلام وفرز الطلبات، مشددا على أن المكاتب الثقافية التابعة لوزارة التعليم العالي والبحث العلمي في الجامعات هي من سيتولى هذه المهمة.

وقال مصدر مسؤول في الديوان الملكي الهاشمي لوكالة الأنباء الأردنية بترا: 'إن جلالة الملك قد أوعز للمعنيين في أن يكون الديوان الملكي الهاشمي قدوة في عملية الإصلاح التي يقودها على مستوى الوطن، لا سيما المعايير الهادفة إلى تعزيز مبدأ الكفاءة والجدارة والتميز'.

من جهته، أثنى وزير التعليم العالي والبحث العلمي، الدكتور وجيه عويس على التعديلات الجديدة، قائلا 'تعتبر هذه الخطوة الأولى في إصلاح قطاع التعليم العالي في الأردن، وتأتي انسجاما مع سياسة وزارة التعليم العالي في اعتماد القبول الموحد كمرجعية لقبول الطلبة'.

وجاء في البيان، أن المكرمة الملكية تتضمن تخصيص (1420)، الفاً وأربعمائة وعشرون منحة دراسية، ستقدم سنوياً اعتبارا من العام الدراسي الحالي 2012/2013 مع بداية الفصل الدراسي الثاني، ولمن تنطبق عليهم شروط المكرمة، ويتم اختيار المستفيدين من المنح وفق أسس تنافسية واضحة.

يشار إلى أن هذه التعديلات لا علاقة لها بقوائم المدارس ذات الظروف الخاصة (الأقل حظا).



israa sobouh
30-07-2012 06:46 PM
و اخيرا ، كان من زمااان ، والله هاد احسن قرار بسمعو بحياتي ، خلي جامعات هالبلد تنظف بلكي بطلنا نسمع بالمشاكل و الخناقات اللي بتصير و نصير نروح على الجامعة بقلب قوي و بدون خوف ، و خلي الواحد يحس حالو متلو متل اللي جنبو ، مش يكون ما في مقارنة بين معدلك و معلدو و بلاقيه قاعد متلك متلو بنفس التخصص لا و بياخد راتب كمان !!!
الحمدلله لسا في خير
خالددددددددد
30-07-2012 06:51 PM
اقسم بالله العظيم اني بعرف عائلة مكونة من 10 ايتام اجدع شي صحلهم قرض لما كانوا اربعة مع بعض في الجامعات ومن جهة اخرى بعرف واحد ابوه طبيب وامه طبيبة وكان يدرس على حساب الديوان حسبي الله ونعم الوكيل
انا ما بدرس ع حساب المكرمه
30-07-2012 06:56 PM
ليش يشيلو هاي المكرمه ما بصير حراااااااااااام ..والزلمه اللي تعب وهوا يشتغل حتى ما بكرمو وبدرسو ولادو ع حساب المكرم ولا تصير الجامعه تلم طلاب من كل البلاد الا الاردن والله ما ضللنا اشي بالبد
مدير صحه
30-07-2012 06:56 PM
عقبال ما يتم الغاء المعالجه للعسكر لأنهم يأخذون العلاجات مجانا ويلقونها في الزباله
ميس
30-07-2012 06:59 PM
اسمعي ياللي اسمك اسراء اولاد المكارم هدول ولاد الظباط الي بسهرو على راحتك و راحة الشعب ,, هاد ظلم
عيب هيك حكي
30-07-2012 07:00 PM
شو قصدك يا اسراء انه هدول الناس الي بتمتعوا بالمكرمه الملكيه خربنجيه وانتم صفوة المجتمع ........ هذا الحقد بدل عما في داخلك وعما يجول بخاطرك فقط .... عيب تجريح الناس .... بسص الحق مش عليكي الحق على الي نشر التعليق ...
متقاعد
30-07-2012 07:06 PM
خدمنا 20 سنه مشان المكرمه شكرا اطلعنا عالفاضي
روزة
30-07-2012 07:07 PM
هي نفسها مكرمة الجيش
نادر شواقفه
30-07-2012 07:10 PM
هذا القرار لكي يتم تفعيل الواسطه في التعليم ايضا ...
لان الجندي الذي يخدم الوطن والذين امضوا من اعمارهم الشيئ الكثير فالمكرمه لاولاده تعوضه عن كل المتاعب التي واجهها في حياته ويمكن اعتبارها مكافئه لهذا الجندي .... ولكن مذا نقول غير حسبنا الله ونعم الوكيل
عطر الياسمين
30-07-2012 07:15 PM
السلام عليكم ورحمة الله وبركاته

هل المقصود مكرمة أبناء العاملين بالقوات المسلحه ؟
مظلوم2
30-07-2012 07:22 PM
الله يسامحكم على دورنا اجت الحزينة تفرح ما لقت مطرح حسبي الله ونعم الوكيل
من الاخر
30-07-2012 07:34 PM
يعني اول ما دقيتو دقيتو بالمساكين ابناء العسكريين الله
واحد من الناس1
30-07-2012 07:43 PM
يعني ابو الخمسين بطل يدخل الجامعة؟! طيب والتراث والعادات والتقاليد؟ معقول الواحد يروح عالجامعة ما يلاقي متخلفين؟
الرفاعي
30-07-2012 07:50 PM
يا حبي لك يا مليكنا...نعم هذا هو الاصلاح...الاصلاح يبدأ من بيت الملك..الله يرفع شأنك يا ملكنا الغالي...النوابغ و المتفوقين هم اجدر من غيرهم
mohmadanas
30-07-2012 08:14 PM
Mabroook MN zmaaaan lazem haik
ابن عسكري
30-07-2012 08:28 PM
طيب الي خدم الوطن 20 سنه في القوات المسلحه بدهم يلغوا عنه المكرمه ...... ولكن ابن المخيم له مكرمة مخيمات..... وا اسفي عليك يا وطني
7ssan al3jrme
30-07-2012 08:31 PM
طيب ليش ما لغو مكرمة المخيمات ولا ابن المخيم صار اهم وابدا من ابن البلد الي ابوه فنا عمروا لاجل الوطن ومكرمة المعلمين ليش ما يلغوها والله الديوان الي ما بدرسوا على حسابو غير ولاد الذوات والفل........
عربي
30-07-2012 08:33 PM
يعني مكرمة الجيش صار عليها اشي؟
Ahmad Hazaymeh
30-07-2012 08:47 PM
هاض الحكي ما بصير !! على اي اساس يلغوها السنة هاي !! ليش ما فكروا بهاد الاشي من زمان !! في كتير طلاب رح تنحرم من المكرمة و هم جد بستاهلوها !! وين العدل هون ويييين !!!

صح انو الكل خدم الوطن !! بس انا لما احرم 20 سنة بحياتي و انا مدوا اسبوع و اسبوعين بالجيش من العيشة مع ولادي بكون بعمل مشان مستقبلهم !!

هذا القرار خاطئ كثير و ا فيو عدل بالمرة !!
ابن بلد
30-07-2012 08:55 PM
حسبي الله ونعمل وكيل فيكو
نور الاردن
30-07-2012 09:32 PM
هل هذا القرار له علاقه بمكرمة الجيش والمتقاعدين العسكريين فهمونا شو بتخص هاالمكرمه لاي مكارم بالضبط يا ريت تفهمونا
ابو العز
30-07-2012 09:37 PM
اجمل واروع خبر سمعناه حتى الآن، يعيش جلالة الملك عبد الله الثاني وجزاه الله خيرا على هذا القرار الصائب الذي به يلغي التمييز بين افراد الشعب الواحد
حمزة يونس
30-07-2012 09:39 PM
الله يريح بالكم على هالخبر والله يجزيك الخير يا ابو هيثم لانك انت اول من اثار موضوع الغاء المكرمة في الجامعات الله يحيك يا ابو هيثم ....
ra2e3
30-07-2012 09:44 PM
أنا بشدة مع هذا القرار ,, لأن الكثير من الناس معتمدين على هذه المنحة قائلين ( أنا بجيب 80 و بدرس هندسة و طب ) مما يؤدي الى قلة العطاء و الاجتهاد في الدراسة و عدم المساواة حيث هناك طالب بمعدل 80 يدرس هندسة على حساب المكرمة و هناك طالب بمعدل 95 يدرس موازي هندسة مدنية مثلا في الجامعة الاردنية .
ahmed alkhaldi
30-07-2012 09:52 PM
مابحكي الا حسبي الله ونعم الوكيل بهيك قرار...تحية للشعب الاردني المغترب في الاردن........................
اين العداله ؟
30-07-2012 09:52 PM
انا برأيي انه قبل كل هالحكي لازم يتغير اسلوب القبول الموحد !! ويصير قبول موحد للمدارس الحكوميه لحال والمدارس الخاصه لحال !!
وتحديد المكرمات بعد هيك وبالاخص مكرمة ابناء العاملين في الجامعه !!
يعني لضرب المثال لا الحصر... انا معدلي 90 علمي ما طلعلي هندسه !! وغيري بس لانه والده في الجامعه بمعدل 80 دخل احسن هندسه !!

اي الامرين عدل برأيكم ؟؟
العتبان
30-07-2012 10:01 PM
أحسن قرار
evan
30-07-2012 10:05 PM
يعني مكرمة الجيش والمعلمين ؟؟
واحد من الناس
30-07-2012 10:17 PM
والله هاد اروع قرار اصلاحي سمعته من يوم ما بلشت الإصلاحات ,, جد فرحت ,, خلينا نرتاح من الهمل و الزعران الي كل واحد فيهم بجيب 60 بالتوجيهي و بروح على الجامعة للزعرنة و الهمالة والمشاكل و كل هاد لأنه مكرمة ,, لأ هيك خلي بس الي بستحق يدرس و يتعلم والي مش داير باله على حاله و مش هامه المستقبل و داير ورا الهمالة و الزعرنة يضل بالشوارع لحتى ينقرص و يعرف انه المشاكل ما بتطعمي خبز ولا رح تفيده بحياته
غيورة
30-07-2012 10:52 PM
ان شاء الله تلحقها مكرمة المعلمين والعاملين
hanaa
30-07-2012 11:21 PM
yonsor denakkkkkkkkkkkkkkkkk a7la qarar
معالي النعيمات
30-07-2012 11:26 PM
صحيح لشو هالمسكين اللي قضى عمره بخدمة هالوطن يطلع لولادو مكرمه اولاد المخيمات اولى؟؟؟؟؟؟؟؟
ربابعه
30-07-2012 11:36 PM
هاد القرار لمكرمه الديوان الملكي كان يروحو للجامعات الخاصه والحكوميه ما دخله بمكرمه الجيش والمدارس الاقل حظا وغيره من مكارم الهاشميين
الى رقم 3
30-07-2012 11:37 PM
شكلك قليل حيا لازم امثالك ىيحطوهم بالزباله
لاشساثقش
30-07-2012 11:40 PM
احسن شي صح انهم بدو بالاصلاح من هاي النقطة
الجيش خط احمر
30-07-2012 11:43 PM
اذا المقصود المكرمة للابناء العسكرية ترا اللون الاحمر كثر ورح يسيل انهر
ابو العز
30-07-2012 11:47 PM
قرار صائب 100% ، يعيش جلالة الملك ابو حسين
الى 6 متقاعد
30-07-2012 11:49 PM
لقد بدأت نواياكم تظهر، خدمت 20 سنة ليس حبا بالوطن وانما من اجل المكرمة
اخيرا
30-07-2012 11:55 PM
الحمدلله يا رب .... احسن قرار بسمعو بحياتي ... انا دراستي كلفتني 14 الف بجامعة اردنية على العلم انو في ناس ما كان يدفع ولا ترن وفوق هاد بوخذ راتب من المكرمة يلا حسو شوي بمعانات الشعب العادي وكيف بتدين على شان تكمل دراسة وجد جد خلي الجامعات تنظف بكفي عقول مزيته
العداله
30-07-2012 11:57 PM
الكل بيخدم بالبلد مش بس ابناء العسكرين او المعلمين من باب العدل انه المقاعد تتوزع على المعدل وهذا بداية الاصلاح
عسكري الى تعليق رقم 3
31-07-2012 12:02 AM
على فكرة احنا بندفع ثمن العلاج ولو اخذنا وكبيناه بالزباله احسن من الي بروحوه على دورهم بدون صرف مستحق وعشان هيك في كثير مستشفيات حكومية على ديون بالادوية
rawan waleed
31-07-2012 12:19 AM
مكرمة ابناء الشهدا ضمنها يا ريت تجاوبوني
ما بصير نراجع ب ابناء العسكرين
31-07-2012 12:27 AM
ما اتغت مكرمه الجيش يا طبرات
الي صار انه مافي مقاعد مكرمه (20%)بصير القبول موحد والي بطلعله تخصص على التنافس وبكون ابوه معه مكرمه بخذها بعد ما يطلعله قبول موحد
noor alhajry
31-07-2012 12:39 AM
المكارم لا تجوز قانونيا ولا اخلاقيا لان الذي يقول ان العسكري يخدم البلد وسائق التكسي وعامل النظافه وموظف المطار وموظفي المستشفيات لا يخدم فهو غلطان ولنكون واضحين ونسمي الامور بمسمياتها لا احد همه خدمة الةطن او الجهاد بسبيل اللهع الكل يبحث عن لقمة العيش والراتب اخر الشهر فالعسكري يتقاعد وعمره 40 سنه ثم يعمل بعمل ثاني وياخذ راتب ثاني اما باقي الشعب من موظفي خدمات فلهم الله وهم من يدفعون رسوم الجامعات دبل لانهم يصرفون على ابناء المكارم وهذا ليس حق ولا عدل واذا اردنا العدل اما الجميع يدفع واما الجميع لا يدفع الرسوم ولا فرق بين ابن عامل وطن (زبال) وبين سائق تكسي او سرفيس وبين جندي فالكل يخدم الوطن والكل ياخذ راتب على خدمته وليس بدون مقابل ونحن نعرف ان الشخص يضع الف واسطه ليصبح عسكري ولذلك كفى منافقه وكذب لو الراتب غير جيد ولو وجدتوا وظائف افضل لما دخلتوا السلك العسكري
فيكفي وطنيه كذابه وبيع وطنيه البلد صغيره وكلنا نعرف بعض
عوده الجبور
31-07-2012 12:41 AM
ماظل شي يجعلني افتخر باني اردني للاسف المصري واليبي والسوري والعراقي صار الو قيمه اكثر منا بس ماقول الي شار عليك في هذا القرار بدو يشعل الاردن نار بس بطرقه اسرع في هيك ضروف وافهم مشان الله
؟؟؟
31-07-2012 12:41 AM
الغوا كل المكارم مابدنا اياها بس قللو الرسوم الجامعيه على جميع الطلاب ... هيك بصير الكل متساوي
!!!!
31-07-2012 12:42 AM
الى تعليق 39 أحييييييييييك.. فعلا!!
مجد الرواشدة . جامعة اليرموك
31-07-2012 12:45 AM
والله حرام يعني آباءنا خدموا اكثر من عشرين سنة بالجيش وآخر شي كلو بروح ع الفاضي والله حرام انا واختي ندرس على حساب والدنا اللي تعب وخدم بالجيش احنا كل املنا ع المكرمة وانا بحكي لازم يعيدوا النظر بهالقرار والله العظيم حرام هيك بتظلمونا
sameer19
31-07-2012 12:46 AM
انا اويد الاخ ابو العز في تعليقة رقم23 والاخصاحب التعليق 24 لان هذا القرار يضع الجميع سواء ولمن جد وجد. اللة يديمك يا سيدناابو حسين تاجا على راس كل مواطن اردني .
عسكري
31-07-2012 12:49 AM
يا رب يصير بالاردن متل ما صار بسوريا خلينا نشوف اولاد الذوات والمحسوبيات شو رح يعملو احنا عامة الشعب ماكلين هوا عجميع الاحوال
ريم
31-07-2012 12:51 AM
حسبي الله ونعم الوكيل هاي جزات الي يحافظو ع البلد الله يستر من الي ججججججججججججاي يا.....
ابن الاردن اولا
31-07-2012 12:52 AM
يا جماعة الخير والله عيب هالحكي بنضل شعب واحد تحت قيادة واحدة و لايوجد ما يعيب ابن المخيم او ابن البادية او حتى ابن العسكري (الشجاع) وكفانا فخرا بأننامن العرب الاشراف ........... وصراحة ارجوا من الله ان يعيد الديوان الملكي النظر في القرار من زاويه اخرى وهي ان تبقى المكرمة كما هي مخصصة لابناء القوات المسلحة شريطة تحقيق الطالب المعدل المطلوب لدخول الجامعة وتحديدا التخصص الذي يرغب به فليس من العدل طالب بمعدل 95 يدخل تجارة وطالب 75 يدخل تجارة (مكرمة) يرجى من الجميع سعة الصدر ورمضان كريم لبلدنا وامتنا الاسلامية
صخري
31-07-2012 12:53 AM
الي جاي اعضم لسا الاردنيه ما شافو اشي لسا في ذل اكثر
ابو رعد
31-07-2012 12:53 AM
انا متأكد انه لن يلحقنا اي ضلم نحن ابناء البواسل و النشامى اللذين فدوا الاردنو الاردنيين و الهاشميين بأرواحهم في الدفاع امام اي عدو و دخيل على المملكه تحت قيادة ابو حسين الغالي , نحن معك للأبد.
esraa khwaldeh
31-07-2012 01:14 AM
ع فكرة هاد اسمو ظلم ,,, انا بالنسبة الي بدرس على حسابي بس شو ذنبهم الطلاب الي بدرسو على حساب المكرمة هاد حرام ,,,
اول شي لازم تلغو مقعد اولاد العشائر ,, لانو انا اردنية الاصل و بنت عشيرة و مع هيك لا على الديوان طلعلي ولا مكرمة عشائر كمان بالمقابل بعرف بنت فلسطينية الاصل و طلعلها بالتكنو مقعد عشائر بس الواسطة والمحسوبية بتلعب دور كتير كبير ,,, حسبي الله و نعم الوكيل
ابن الكرك / مطلع
31-07-2012 01:21 AM
يا اخوان هاي بس المكرمة الي بتطلع من الديوان الملكي انا مكرمة الجيش وغيرها ما تغيير شي عليها يعني بس المنح الي من الديوان الملكي هي الي تم ايقافها اما الجيش ما تغيرت ولا راح تتغير
MMM
31-07-2012 02:10 AM
أنا درست على حساب المكرمه ....و مع ذلك أعتقد إنه نظام المكرم و الاستثناءات بيخالف نظام المساواة الاجتماعيه لازم تلتغي كل الاستثناءات و المكارم و يكون القبول على أساس موحد بين جامع الطلاب إما معدل التوجيهي ( مع إنه نظام عقيم ) أو إمتحانات كفاءات تقوم بها الجامعات حسب التخصص اللي الطلب بيده يدرسه
و بعد ما يتم القبول تقوم الحكومه بمساعدة الطلبه في الرسوم أو شئ ثاني كل واحد حسب دخله بغض النظر عسكري مدني أو عامل في القطاع الخاص و هيك بتكون الحكومه أدت واجبها إتجاه ذو الدخل المحدود .
لكن بناءا على النظام القديم كان ابن الظابط الكبير اللي راتبه عالي غير إنه سيارته بنزينه كل شئ من الجيش كان يوخد نفس الدعم المادي اللي يوخدوه ابن العسكري اللي راتبه يدوب مكفيه
و الموظف في الحكومه ما حدا سائل عنه ...
بنفس الوقت نلاقي واحد معدله بالستينات يدرس نفس التخصص اللي يدرسه اللي معدله ثمانين و تسعين عشان عنده مكرمه من نوع ما......
نظام المكارم و الاستثناءات مخالف لدستور الذي ينص على أن الأردني سواء
حسبي الله ونعم الوكيل
31-07-2012 02:49 AM
حسبي الله ونعم الوكيل مش اللي خدموا بالجيش 20 و 25 سنه منشان اولادهم يدرسوا على حساب المكرمه ...لانوو ياادوب راتبوو بكفيه مصاريف أكل وشرب عليه وعلى عيلتوا لنهاية الشهر...
وقديش هالراتب بكون غير 350 دينار .....واللي بيكون عندوو عيله 8 و 10 اولاد شوو يعمل بحالو هااد ....ويلوا بدو يصرف عليهم وويلوا بدو يطعميهم وكماان بدوو يدرسهم لانوو شووو بطل فيه مكرمه

عنجد حسبي الله ونعم الوكيل بكل واحد سعى ورا هاد الموضوع
الله لايسامحكوو
semo
31-07-2012 08:44 AM
انا برأيي انه ما كان في عدل بس من ناحية المعدلات...يعني انه يدرسو طلاب المكارم بدون فلوس وبنفس الوقت بيدخلو تخصص معدلهم ما بيسمح يدخلوه هاد كتييييييير...بس انه بدون فلوس عادي وانا مو ضد مع ومع ومع لانه اهاليهم معظمهم من الجيش وبتخيل انه رواتبهم مو كتيييير فعلقليله يدرسو اولادهم...كل بلاد الدنيا بيدرسو الكل بدون فلوس فليه مستكترين على هالأكم طالب يدرسو ببلاش...
بنت الرمثا اليرموكية
31-07-2012 10:31 AM
الحمد الله انا وكل خواتي درسنا مكرمة وهذه نعمة من عند الله اولا لانه مو واسطة او شي وكلنا دخلنا اليرموك بمعدلات عالية لذلك المكرمة من حقنا ,لذلك انا بقول الي معدله عالي وتعب على حالو لازم اله مكرمة وغير هيك مو صحيح
أردني كركي
31-07-2012 12:23 PM
يا الله شو بتجعجعو من غير ما تفهمو كل واحد بغني على كيفه وهيك بتبان نفسيات الناس التافهه مثل رقم 51 العسكري يلي أكيد عسكري بالجيش الصهيوني ومش بالجيش الاردني
احلام
31-07-2012 12:35 PM
الى لعض الناس وهم الشمتانيييييييييييين بحب احكيلكم انو مكرمة الجيش مش هي المقصودة بهالقرار والحمد لله .. وما تنسوا لما سيدنا عبد الله قال ان هذه مكرمة الحسين ولن يمسها شيء
بنت البطوش
31-07-2012 02:55 PM
المكرمه مآآ إلتغت يا جماعه ,,, كل الموضوع إنو التخصص اللي بطلعلك من القبول الموحّد بتدرسو ع حساب المكرمه .... يعني القبول الموحّد بيعطيك التخصص اللي بتستحقو على معدلك بغض النظر إنك مكرمه أو لأ , بعد هيك بتدرس ع حساب المكرمه ,,,
بس العنوان للأسف صيغتو غلط ,,, وبالتأكييييييد هاد الإشي الطبيعي ( بلدنا ما بنسى فضل نشاما القوات المسلحه وما بلغي المكرمه )
الله ,,, الوطن ,,, الملــــك
يارا
31-07-2012 05:19 PM
يعني من هون ورايح ولا الي كان قبل كمان بتشمل
بنت الوطن الغالي
01-08-2012 12:57 AM
ادا في مجال تفهمونا مكرمه الجيش التغت كمان ... والله حرام وظلم اذا التغت في ناس كتير معتمده عليها وما عندهم قدره لتدريس اولادهم واحنا منهم ... ادا ممكن اتفهمونا اكتر مكرمة الجيش التغت ولا لأ
وحسبي الله ونعم الوكيل ...
وطني
01-08-2012 03:15 PM
نتمنى المحافظة وعدم المساس بمكرمة العسكريين فهم حماة الوطن وليس لديهم رواتب اضافية او بدل مناوبات فهم مخلصين لذلك يجب تحسييين ظروفهم لا الضغط
,,,,,
02-08-2012 07:24 PM
..............
توجيهي
07-08-2012 01:00 AM
يعني الناس كيف بدها تدرس والله مني فاهمه كيف يعني تلغوها ومشان الله نزلزا معدل المكرمه هاي السنه وخلوها 75 او 76بدنا ندرس بالجامعه مشان الله
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك