•  
  • اجعلنا صفحتك الرئيسية
أخر الأخبار
النائبة الفايز: داعش ''لهاية'' بعد تراجع أسعار « برنت» مشاركة واسعة باستفتاء تاريخي حول مصير أسكتلندا مسودة "التقاعد المدني" تحشر الحكومة بزاوية صعبة 4 مليارات دينار حصة "الكهرباء" من الدين العام 150 ديناراً .. السعر المتوقع للاضحية المستوردة هيكلية داعش.. كيف تتم الإدارة .. من ريع النفط إلى قطع الرؤوس؟ الملك يبحث تطورات الأوضاع بالمنطقة مع مسؤولين فرنسيين قيادة مجموعة الفرسان بالأمن العام تنظم يوما تدريبيا متخصصا مجلس التعليم العالي يلغي ترخيص جامعة العلوم الطبية صور // الأردني صاحب الابتسامة الأجمل صور // الرولر سكيت خطر على اطفالنا الطفيلة: إصابة مواطن في مشاجرة بين سوريين النسور:مشاكل المنطقة تعود لغياب الحل عادل للقضية الفلسطينية الطراونة: قائمة أبناء العشائر لم تتضمن طلبة سوريين شاهد فيلم دليل الحاج الجديد ويلز: أميركا والأردن يواجهان تهديدات "داعش" ذبحتونا: الهاشمية واليرموك تفتحان الطب "لمن يدفع" مادبا: "منسف" يسمم عائلة من 8 أفراد النسور يتابع سير العمل في المعرض الوظيفي ضمن الحملة الثالثة للتشغيل
"صور" مدرسة خديجة بنت خويلد في كفرنجة " .. ياوزير التربية والتعليم !
الصفحة الرئيسية قضايا ومشاكل "صور" مدرسة خديجة بنت خويلد في كفرنجة " .....

"صور" مدرسة خديجة بنت خويلد في كفرنجة " .. ياوزير التربية والتعليم !

23-08-2012 05:06 PM
مدخل المدرسة

الوكيل- حطت على مكاتب الوكيل هذه الشكوى المرفقة بالصور من اهالي مدينة كفرنجة يناشدون فيها وزير التربية والتعليم بزيارة مدرسة خديجة بنت خويلد في كفرنجة - عجلون ، والاطلاع على الوضع المأساوي الذي تعانيه المدرسة .

والذي تظهره الصور المرفقة ، من قمامه ، ووضع مأساوي تعانيه مرافق المدرسة ، وغيرها من الاوضاع الصعبة .

وتاليا الصور والشرح عليها وهي ابلغ من كل التفاصيل :

 

 



محمود اللحام
23-08-2012 05:12 PM
والوزير شو دخلو اذا الطلاب جرب ؟
!!؟
23-08-2012 05:12 PM
اصلاحيه هاي
محمد البطاينه
23-08-2012 05:17 PM
معالي وزير التربيه ارجوا ارسال لجنه الى مدرسه عاصم بن ثابت في اربد حكما الحي الغربي حيث انها لا تصلح حتى لوضع الحيوانات من الرطوبه وضعف الانارة وسوء الخدمات فيها وهي فوقها ثلاثة طوابق وصاحب المبنى استاذ مدرسه وقد اجرها طابق واحد فقط ثم بنى فوقها اسكان ثلاثة طوابق ارجوك يا وزير التربيه حكم ضميرك في الاطفال
القلب الدامي
23-08-2012 05:18 PM
هاي مدرسه ولا مزبله
حسبي الله ونعم الوكيل
لو كنت مكان الطلاب ما بداوم فيها
بلا دراسه بلا قرف
جرشي
23-08-2012 05:18 PM
شي رائع شي بيفتح النفس للدراسه
يعني شوي بحس حالي بمدارس عالميه متوفر فيها خدمات خياليه
ماهر
23-08-2012 05:20 PM
والله حرام يا وزير الحق عليك يا وزير خليك نايم
Mohammad Altanashat
23-08-2012 05:21 PM
شو عرفهم ليش يزورو هيك مدارس مش من مستواهم ؟ حسبنا الله ونعم الوكيل
Rahom Bouti
23-08-2012 05:21 PM
ايييييش هااااااااااااااااااد .. مستحييل تككون مدرسة !!!!!!!!!!!!!!!!!!!!!!!!!! وبيحكوا ليية الاطفال وضعهم متل ما بتعرفوا !!!!!!!!!
بدر السعودي
23-08-2012 05:22 PM
خلينا نحكي بصرااحه ..ليش اي مشكله صغيره متل هييك لازم ندخل الملك والوزير وكل هالعاالم ..يعني متل هالمشكله وووويييين مدير التربيه اللي هالمدرسه تابعه اله !!!!!!!!!! الناس الفقراء متلا ليش الا يجي الملك شخصيا ع بيووتهم !! وين وزارات التنميه والناس المسؤلين عن هالمناطق المعينه ....الكارثه الكبرى النظام المركزي اللي بنعييش فيه !!
ابن كفرنجه
23-08-2012 05:29 PM
شو دخل وزير التربية اذا كانو جيران المدرسة يتسببون بالاذى للمدرسة ومرافق المدرسة
شو دخل وزير التربية اذا كانت ترمى بالنفايات على باب المدرسة
يعين احنا بطلنا نحط اللوم الا على الوزير يعني وزير التربية صار رئيس بلديه
يعني في حد بيقدر ينكر انو المدارس ما بتصير عبارة عن ملعب للشباب قبل الاطفال
واذا كان ع المناظر الموجودة انا بقول بعض هذه المناظر سببها الاهالي القريبين من المدرسة
الى تعليق 1
23-08-2012 05:37 PM
انت فهمان ونشمي ... والله كلو من الطلاب ... ليش في مدارس في المملكه عمرها فوق السبعين والثمانين سنه ومع ذلك والله انه بتجنن وكأنها جنه ..

اللوم لا يوضع على وزير التربيه ...ليش هو وزير التربيه لازم يشوف خزق خزق كل مباني التربيه والتعليم ؟؟ اكيد لا ..
لكن هاي سوء محافظه من الطلبه .. وعلى فكره هاي بتعكس طبيعة الناس اللي بدرسو في هالمدرسه .. لو كانت هالمشكله عنا ما كنا نشرناها لانو بتفضحنا احنا مش بتفضح وزير التربيه
معلمه في وزارة التربيه
23-08-2012 05:39 PM
انا شايفه انه مشكلة المدرسه الاساسيه هي النظافه والمتابعه شوه دخل الوزير بالقمامه ونظافة الحمامات , هاي مسؤولية ادارة المدرسه اولا والمعلمين والطلبه والاهالي
ههههههههههههههههههه
23-08-2012 06:03 PM
الله يعينك يا وزير التربيه..وهاظ اللي اجاك..يعني زي ماقال ابن كفرنجه السبب هم الاهالي.وجيران المدرسه..يعني الحارة الموجوده بيها المدرسه وكل مناطق كفرنجه عبارة عن مزابل...عادي !!وين المشكله؟؟.والسبب هم عمال النظافه والبلديه اللي من شهرين لترجع تزم الحاويات..والواحد انخنق قد ما بحرقوا الحاويات ...بس لا حياة لمن تنادي..
وان غدا لناظرة قريب...لعله خير
سناءءءءءءءءءءءءءءءءءءءءءءءءءءء
23-08-2012 06:04 PM
لا تزعجو الوزير لساتوووو

بنظف اسنانو من كعك العيد

هههههههههههههههه
العجرمي
23-08-2012 06:27 PM
هذا واجب مدير التربيه والتعليم لانه هو ممثل الوزير في هذه المديريه
مدرس ...
23-08-2012 06:37 PM
الحق على النائب علي العنانزة لانها المدرسة بحي العنانزة وعلى فكرة تم ابلاغ مدير التربية ومتصرف كفرنجة بس للاسف مدير التربية كان مو فاضي لانه مشغول بكثر الواسطات اللي اجته لتعيين المدراء والمساعدين ورؤساء الاقسام وبالعزايم الي انعزمها عند بعض الناس خاصة في عنجرة ........من وين رح يجيب وقت قولوا لي؟؟؟؟؟؟؟؟؟؟؟؟
مدرس ........
23-08-2012 06:39 PM
ما دام علي العقلة في ها المديرية ما رح يصير بمدارسنا في عجلون خير اغلب مدارس المحافظة هكذا........هاي مدرسة خمس نجوم بالنسبة لغيرها!!!!!!!!
الى مدير التربية
23-08-2012 06:44 PM
انت للاسف لست بصاحب قرار في المديرية واللي مشيك علي العقلة وبعض رؤساء اقسام همهم تفشيلك ونجحوا....
عجلوني حر
23-08-2012 06:47 PM
نظفوا المديرية من العفن بتنظف المدارس
الى مديرة مدرسة خديجة
23-08-2012 07:18 PM
الظاهر انه المدرسة تمتنع عن الشراء من محلات السيد علي العقلة-المدير الاداري في المديرية- والظاهر انك لا تعرفين ان من لا يشتري منه يحاسبه ويحاسب المدرسة اسالي المدرسين الذين يديرون المقاصف....من يشتري من عنده وقت التدقيق لايحتاج اكثر من التوقيع واذا كان العكس يا ويله!يومين ومرات ثلاث وقد تصل الى اسبوع كل ما زاد عدد طلاب المدرسة كل ما زادت التعقيدات. والا مو صحيح استاذ علي؟ انا لا اتجنى عليك انت تعرفني جيدا وانا ادير مقصف في مدرسة ثانوية
الوزير لا دخل له
23-08-2012 07:25 PM
عالحساب موه حاط ممثل اله سيارة قد القاهرة وينادى:بعطوووووووووووووفة مدير التربية وبيزعل اذا ما حد قاله عطوفة الوزير ما دخله مدير التربية لا يحسن التصرف......مشكلتنا بالكادر الموجود في المديرية والذي لا احد فيه يعرف واجبه وكلهم اتوا بالوساطات وليسوا اصحاب كفاءات الا باللقلقة واثارة النزاعات فلان عزمني وفلان لا

هذا الواقع
مصعب المصري
23-08-2012 10:46 PM
لاحولاولاقوة الا باله
اه لو كنت شاعرا
24-08-2012 12:38 AM
هاي مدارسنا يا حبايب

جرب صارت مثل الزرايب

انت هون يا تربية والاشكلك غايب

مدراسنا يا اسف عليها خرايب

وينك يا علي العقلة بتبيع رايب

يا بياع الشبس يا هارب من الضرايب

لاتزعل علي انت بتعرف انه كلامي صايب

وجودك بهالمديرية اساس كل المصايب
من كفرنجه
24-08-2012 01:10 AM
لا حول ولا قووة الا بالله والله هاي مو مدرسه هاي مكب للنفايات بس وفعلا الحق على جيران المدرسه يلي كل ست بيت بتكب النفايات ممن رابع طابق بس والله حرام لانه هاد بضر على صحة الاطفال يلي فيها وهي فيها رياض اطفال والله حرام ولازمها اصلاحات كثير وبالعكس ادارة المدرسه ناجحه جدا وخاصة المساعده يلي فيها كثير بتقدم شكاوي وحاولت تزيل الاوساخ هاي بس كل ما الطالبات بنضفوا بتوصللها شكاوي من اهاليهم انتي ليش بتشغلي الطالبات وهمه فقط بتعاونوا عالنظافه والعتب والله عالجميع وانا بتمنى من كل مسؤل وقادر انه يعملوا اشي ولا تتطلعوا لبرا بس شوفوا دينكوا واسلامكو والرسول عليه افضل الصلاة والسلام شو حكى عن النظافه لانه الغرب ما بيختلفوا عنا كثير بالعكس مطبقين اخلاق الاسلام صح وبالعكس احنا احسن منهم والله يهدي الجميع ونضل نرقى بس بأخلاقنا ولو كل واحد عرف شو يعني نظافه وشو يعني اماطة الاذى عن الطريق فأحنا بالف خير ونعمه ... بدعي ربنا بالهدايه وتفتيح البصيره للجميييييييييييع .سامحوني .
غيور على البلد
24-08-2012 01:51 AM
الى كل الغيورين على مصلحة البلد يجب ان تكون تعليقاتنا عقلانية و مطالبة الوزير بشي منطقي لانو الوزير معين مدير تربية حتى يمثلو في البلد اما للناس الي قالو المدير معزوم وسطات اطلب من الوزير ان يحقق في الموضوع لانو الوساطة شي صار يومي وعادي وانتي يلى بتقول وسطة لو الك مصلحةكان عملت وسطة والله يحمي البلد واحترام الراي لايفسد للود والحب قضية الاردن اولا بكفي يا اردنين الكل داير على مصلحتو بكفيييييييييييييييييييييييييييييييييييييييييييييييييييييييي
safy
24-08-2012 01:53 AM
يا جماعة الخير تعالوا شوفوا مدخل مديرية التربية والتعليم لمنطقة الزرقاء الأولى... النفايات متراكمة بطريقة تثير الاشمئزاز... يعني اذا المديرية مداخلها مليئة بالنفايات فلا لوم على مداخل المدارس
مفرقاوي
24-08-2012 03:25 AM
من همالة مدير المدرسة لو عنده متابعه او لدية تواصل مع المجتمع المحلى ما كان الوضع هيك ولا الحق مش على الوزير الوزير شو دخلو دخلو اذا المدير طلب صيانه والوزارة رفضت ذلك هون بحكي انو همالة بالوزارة مش بالوزير كمان يعني كل هل الاهمام من المدير ومديرالتربية الى يجي يفتش عليه
كفرنجه
24-08-2012 10:47 AM
والله يا اصدقائي انا مع التعليقين المكتوبين من ابناء كفرنجه نحنا سكان المنطقه وصحيح الحق وكل الحق عالاهالي اللي برضى انه باب بيته يكون هيك وبشوف الوضع هيك وساكت اهم شي نوكل ونشرب وانا اتحداكم حتى لو تغير مكان رمي هالنفايات خلص صار هاد الموقع عرف لازم ينرمى فيه زباله لانه المشوار الجديد رح يكون بعيد شوي وما بزبط يوصله الكيس من الشباك الشارع من الله مو واسع ومدخل مدرسه ومكرهه صحيه ومع كل هالاوضاع الا انه هالحكي ما بخلي مسؤولية التربيه من متابعة نظافة مداخل المدرسه وساحاتها المشكله انه المسؤولين فاهمين موضوع الاختصاص غلط الله يهديكم الاهالي والمقصرين
رقم 1
24-08-2012 11:28 AM
رقم 1 انت على راسي لأنه فعلا شو دخل الوزير إذا الأولاد جرب و تربايتهم جربه و متعودين على المزابل..
كركيه
24-08-2012 05:51 PM
الحق الاول و الاخير على مدير او مديرة المدرسه و هيئة التدريس....ما بقدرو يعملو كنشاط للطلاب حملة تنظيف ويكونوا قدوة للطلاب.....بنص يوم بتكون المدرسة بتضوي ضوي...بس المتعود على قرف بضلو هيك شو ما كبر وصار
انداري
24-08-2012 06:16 PM
هههه مشرووووع مدرسة شر البلية ما يضحك
mohammed alkgateeb
24-08-2012 06:21 PM
اكثر اشي عجبني السخانات الشمسيه الي على سطح المدرسه
ارحمونــــــــــــــي
ayatalsaiday
24-08-2012 06:30 PM
وحده الله يا جماعه كيف وزير التربيه ما اله دخل مو هو يلي بيمثل الدوله ماشي انه الحق على الجيران بس المفروض ما يكون هناك حاويه لازقه بالمدرسه بعدين شو دخل الجيران يلي بجوه المدرسه المدرسه كتير فديمه وبدها كتير شغل اكل الدهر عليها وشرب انا لو طالب ما بداوم لهيك مدارس قرف وكل الحق على التربيه ما بيطلعوا جولات على هيك مدارس ولا بيستفقدوه
معلمات مدرسة خديجه
24-08-2012 08:40 PM
ياأهالي كفرنجه سبب دمار المدرسة هو من المديرة لانها صار لها في المدرسة 3 سنوات ولم تعمل اي صيانة في المدرسة واذا بحثت عن التيرعات تجد انها مصروفة معظمها شكلا على الورق وليس فعلا على مرافق المدرسة هذه المشارب التي ترونها في الصورة وهي لا تصلح ان تكون معالف لحيونات نجد ان المديرة على سجلاتها الوهمية قد عملت لها هذا العام صيانة بملغ 500 دينار هل هذا صحيح من خلال الصورة اين الرقابة والتفتيش لا اثر لها لان المديرة مدعومة من قبل المدير الاداري علي العقلة لانه صاحب سوبر ماركت والمديرة من اعوانه في الشراء للمقصف علمل بان المدرسة يزيد عدد طلابها عن 1000 طالبة لذلك لا يفتش عليها وتعمل كيف ما تشاء ناهيك عن شراء عطرها ومكياجها وشحن خلويها وعمل برادي بيتها على حساب التبرعات المدرسية اننا نناشد وزير التربية بزيارة المدرسة مع فريق من الرقابة في الوزارة ومراجعة بعض الامور المالية فسيجد العجب العجاب في هذه المدرسة
رد على تعليق 16 والتعليق 21
24-08-2012 08:57 PM
انا اولا مع التعليق 1 فعلا اذا الطلاب مو مهتمين باشي اسمه دراسه من الاصل ودايرين ورى المشاكل والطخطخه مين المسؤول يعني ؟ يعني مدير التربيه بده يجي يلم بالطلاب واحد واحد لحتى يشجعهم او يفهمهم انو يديرو بالهم عل مدرسه في ممثل عنه اسمه مدير المدرسه ومعه كادر من المعلمين المفروض يكون الهم الصله المباشره بوضع مثل هيك بعدين هاي اسمها مديرية تربيه قبل ما تكون تعليم يعني اذا لايوجد تربية وانتماء من الطلبه من بيوتهم بدنا مدير التربيه يجي يربيهم ...بعدين اللي بحكي انه مدير التربيه كل يوم واسطات وبتغدى عند فلان فهو غلطان انا مواطن عجلوني الاصل وليس لي علاقه به من قريب ولا بعيد ولكن اشهد انه افضل مدير اجى على تربية عجلون من 20 سنه والكل بشهدله اما في ناس بتيجي لحتى تتواسط عنده وكونه لا يقدم دور على دور وبيعطي كل الناس حقها بروحو بزعلو وبصيرو يطلعو حكي فاضي بعدين السياره لو كان اي حدا ثاني معين مكانه بده يركبها كونها مو ملك شخصي بل للمديرية واللي بدو يعطي رأيه يخاف الله فيه لانو ربنا بحاسب كل انسان على حكيه
ايمان عناب
24-08-2012 09:50 PM
السلام عليكم
انا مديرة المدرسة الحالية واستلمت المدرسة بتاريخ 24\7 \2012 وهي على هذة الحالة السيئة ولا ادري من اين ابدأ وكيف ابدا
ابن كفرنجة
24-08-2012 09:55 PM
وينك يا مدير التربية , المدرسة على هالحال من ثلاث سنوات وانت معك خبر المدرسة
بس يا خسارة مش فاضي
المدير الاداري رايح يخرب جميع مدارس المحافظة
ابو العناز
24-08-2012 10:04 PM
الى تعليق رقم 32
يا ريت تشوف كمان الخزان الي جنب السخان الشمسي من الطوب مفتوح للمطر وداخلة بعض من الحيوانات الزاحفة الميتة
اشي من الاخر
معلمة
24-08-2012 10:06 PM
صيانة المدرسة تكلفتها حوالي 600 دينار بس خلال شهر من مشارب وحنفيات لكن يا خسارة ما في مشارب ولا حنفيات وين ال 600 دينار ؟؟؟؟؟؟؟؟؟؟؟؟؟؟؟
طالبة
24-08-2012 10:09 PM
للعلم انة مفاتيح المدرسة بقيت مع عامل الصيانة لمدة شهرين
المدرسة صرفت من التبرعات على الصيانة والقرطاسية حوالي 2600 دينار ولا يوجد صيانة ولا قرطاسية ؟؟؟؟؟؟؟؟؟؟؟؟؟؟؟؟؟؟
مواطن حر
24-08-2012 10:14 PM
باص المقصف الي ببيع بضاعه للمدارسس هو ملك لاحد المدراء في التربية واذا ما اشتريت منة غضب الله بحطة عليك
jordan1
24-08-2012 10:19 PM
لك الله يا بلد
لا اعرف هل هذه مدرسه ام مكب قمامه .
ومدير التربيه والمشرفيف وهيئه التفتيش اين هم .
ام هل ترى هل يوجد مسؤولين في هذه البلد.
ام ان هذه البلد ليست في الاردن
الى محمود اللحام
24-08-2012 10:22 PM
وما ادراك ان الطلاب جرب
وما ادرانا انك انت لست اجرب
هذا كله بيد الصحه
لا تهرف بما لا تعرف يا استاذ محمود
وكل اناء بما فيه ينضح
الى الاخ غير الاجرب محمود اللحام
24-08-2012 10:23 PM
هل تعرف ما هو الجرب
واين انت منه
وما موقعك
موظف
24-08-2012 11:21 PM
مديرة مدرسة تسرق تغذية الطلاب وتصرف اجور معلمات على حساب التعليم الاضافي لمدة اربعة ايام وهن خارج البلاد . ولا تعاقب الا بأنذار وحسم اسبوع
اين العدالة يا مديرية عجلون
مواطن نزية
25-08-2012 12:30 AM
دروع وهدايا لاصحاب العطوفة والسعادة توزع عليهم في احتفال وطني على حساب التبرعات المدرسية وبعدها بوفية مفتوح ايضا على حساب التبرعات المدرسية والطالب يا حسرتي علية حقة ضايع ونصيبك زيادة يا عطوفة علي العقلة هاتف خلوي من النوع الممتاز بالاضافة لارباح باص المقصف المكتوب باسم ابنك سامر الشرع
كفرنجاوي
25-08-2012 12:33 AM
انا درست هون وانا صغير صف اول قبل 10 سنين تقريبا والله ذاكر نظامها ونظافتها لهسا والدتي كان في وقتها مدرسه ومساعجه ماسكات المدرسه مزبوط لما طلعو خربت -_- انا بلوم مديرة المدرسه على كل اللي بصير
ابن كفرنجة
25-08-2012 12:34 AM
مسكين يا مدير تربيةعجلون رحت بالرجلين وانت مش داري عن حالك والسبب طيبتك وتسليم نفسك لعلي العقلة الشرع
ابناء كفرنجة
25-08-2012 12:37 AM
نناشد وزير التربية زيارة المدرسة بأسرع وقت والاطلاع على الواقع المرير ومعاقبة من كان السبب ونحن في اردن ابا الحسين الذي لا ظلم فية والانسان اغلى ما نملك
ايمن رسمي فريحات
25-08-2012 03:37 AM
بدل من صرف الاموال على الاحتفالات التي ليس لها اي داعي وسرقة ارباح المقسف يجب اصلاح الامور الادارية
عربي اردني وافتخر
25-08-2012 09:06 AM
اللهم احمي بلدنا الاردن من كل سوء
اذا كان مير التربيه وهيئته الاداريه شرفاء فأين هم عن هذه المدرسه
ولماذا اصبحت بهذا الحال
ام ان الواسطات هي الشائعه وهي المدبر والمشغل والمنفذ في كل شي يا تربيتنا
معلمة
25-08-2012 09:22 AM
المفاجئة الكبرى عندما يفتح باب المدرسة في الجناح الثاني ان هنالك اسراب من الجرادين تستقبلك والاكثر من ذلك عندما نفتح جرارات المكاتب بطلع هدية جردون حجم عائلي
معلمة من مدرسة خديجة بنت خويلد
25-08-2012 11:13 AM
المدرسة كانت عبارة عن تحفة وكان يضري فيها المثل وعندما أجت ام حسين على المدرسة دمرتها بشكل ممنهج المشكلة هناك مبلغ 600 دينار بفاتورة لصيانة المشارب ولم يتم صيانة المشارب وهناك مبلغ بقيمة 420دينار مفاتيح وغالات للأبواب بص ولا تصلح أي باب حتى باب صفي وأصلحته على حسابي الخاص لأني عندما طلبت من المديرة قالت لي بالحرف " من وين اجيببلك؟" أما الستائر اللي غطوا فيها الحيطان وشباك الإدرة كانت قيمة الستائر 750دينار وغرفة الستائر مغلقة وممنوع حدا يدخلها والمعلمات ما ألهم غرفة ... وفعلا المديرة الحالية الله يكون بعونها شو بدها تصلح لتصلح ربما تبني مدرسة من أول أبو جديد اريحلها والمديرة السابقة نقلوها على مدرسة خولة بنت الأزور مدرسة روووعة ونلتقي بعد سنةة وشوفوا الدمااااار وخسارة المقصف والظلمات ... الخ
الى محمود اللحام
25-08-2012 03:27 PM
على اي اساس حكيت انهم الطلاب جرب
اللي استنتجته انهن عيونك الجرب وشافن الطلاب جرب
ابن كفرنجة
25-08-2012 03:32 PM
ليس لوزير التربية اي شأن في قذارة المدرسة
بل السبب هو ان المدرسة محاطة بالبيوت
والبيوت المجاورة للمدرسة بترمي كل مخلفاتها امام المدرسة وداخلها
بالاضافة الى ان المدرسة مفتوحة 24 ساعة للي بده يلعب "يعني كل اولاد الحارة عايشين فيه"
والمقصود من كل هالحكي انه كل الحق على اهل الحارة الموجودة فيها المدرسة
مطلع
25-08-2012 03:33 PM
..................................................................................................................................
مواطن أردني
25-08-2012 04:30 PM
بصراحة نحنا بدنا شماعة نعلق عليها أخطاءنا بصراحة مافي هناك أي إنتماء للمدرسة لا طلاب لا هيئة تدريسية ولا إدارة مش ذنب وزير يعلمنا النظافة
مواطن من الحي
25-08-2012 07:57 PM
منذ اعوام ونحن نطالب بحل مشكلة الحاويات امام المدرسةلكن لاحياة لمن تنادي والاهالي يحولون المدرسة الى مكب نفايات وملعب الى جانب التكسير والتخريب والبلدية لاتقدم مساعدة الابعد عدة اتصالات هاتفية ومصرة على وجود الحاويات امام المدرسة واذا كان هناك مسؤول سوف يستخدم الشارع يتم التنظيف امام المدرسة وليس واجب الطلاب تنظيف قاذورات الحي من امام المدرسة وهذا حال كل المدارس في العطلة الصيفية بل حال كل الحاويات يا سلام والشوارع اذا طالبنا بي مطب وحتى الان نحول من مسؤول الى مسؤول وطالبنا بعدم وقوف السيارات بجانب رصيف المدرسةوالحال كما هو
انور عنانبه
26-08-2012 07:01 AM
مع احترامي لكل المعلقين المشكلة ليس في القمامة التي في باب المدرسة فاذاكانت هذه المشكلة ساقوم انا بازالتها اما المشكلة في مديرة المدرسة السابقة التي تم نقلها تاديبا على الامور التالية :

1-التسيب في ادارة المدرسة حيث تسمح لقريبتها بالغياب لمدة 11 يوم وتسافر المعلمة الى الامارات لعمل عقد عمل وتعود الى المدرسة وتستغل الاذنة وترسلها باستمرار الى بيتها لتنظيفه وترتيبه وقطف زيتون الخديقة والمدرسة مزبله كما تشاهدون من الداخل وانسى المدخل فالمصور لم يستطع ان يدخل الى الحمامات لتصويرها لانها مقرفة لان المدرسة بدون اذنة

2- صرف التبرعات المدرسية على الاحتفالات وتقديم الهدايا القيمة لمعارفها الشخصية وعمل بوفيه غداء لمعارفها كلفت اكثر من 800 دينار من التبرعات والمدرسة محرومه كما تلاحظ من ادنى المقومات من مشارب وحمامات

3 - التلاعب بتغذية الطلاب حتى وصل الامر انها كانت تقسم قرن الموز ثلاثة اقساموحصلة الطالب قرن كامل كيف ذاك وعندما سئلت عن التغذية الزيادة كانت تقول نفرقها على بقية الطلاب الله اعلم لكنني اشك في ذلك حتى سببت العقوبة ل24 معلمة بسبب .......

4 - اذا زرت المدرسة تجد المناقصات في عمل صيانة المشارب والحمامات والحديقة والابواب وعندما تقارن بين المكتوب والواقع تجد العجب العجاب لا صيانة ولا..... كيف صرفت هذه التبرعات

5- المديرة تعمل ستائر لادارتها بقيمة 750 دينار والمدرسة بدون مشارب

6 - هذه المدرسة هي مدرسة بنات ومحاط بسور قلما يدخلها بعض الاطفال وبهذا الوضع والتعليقات تحط الحق على الجيران هل الجيران لهم دخل في خزانات المياه على السطح او مشارب المياه او الالواح او الحمامات اعطوا الجيران التبرعات فسوف تعود المدرسة الى سابق عهده تحفة ويشار اليها بالبنان
اهالي مدينة كفرنجه
26-08-2012 07:13 AM
تم تقديم الشكوى التالية الى متصرف لواء كفرنجه والى المديرية والى الوزارة لكن دون جدوى :

بسم الله الرحمن الرحيم

معالي وزير التربية والتعليم الأكرم

السلام عليكم ورحمة الله وبركاته

نحن مجموعة من أهالي مدينة كفرنجة نقدم لمعاليكم شكوانا ومأساتنا مع مدير تربية عجلون الذي لا يستجيب لأي شيء وإذا سأله أي شخص عن أي أمر يقول : أنا حرّ أفعل ما أريد . وأخر ما حصل عندنا هو المؤازرة لمديرة مدرسة خديجة بنت خويلد التي ما تركت بابا من أبواب الفساد إلا وطرقته وقد قدمت الكثير من الشكاوي بحق هذه المديرة إلى المديرية وعلى الانترنت ولا جدوى في ردعها عن ممارسة الظلم والشللية والتسيب والفساد الحاصل في المدرسة بسبب وجود زوجها في المديرية يعمل رئيسا لقسم الإرشاد فأي شكوى تصل للمديرية يتم تداركها ويغض البصر عنها من قبل مدير التربية والمساعد الإداري ورئيس قسم الرقابة والتفتيش والمعلمة التي تتجرأ وتقدم شكوى تعطى أقصى العقوبات .وإننا نضع بين أيدي معاليكم بعض ما نعرفه من تجاوزات ومخالفات :

1- تقوم المديرة بشحن هاتفها من محل خلويات أمام المدرسة بقيمة ( 26 ) دينار وعلبة عطور رجاليه بقيمة( 10 ) دنانير وعلبة ورود بقيمة ( 43.5) هدايا بعيد الأم للمعلمات وتوهم المعلمات بأنها على حسابها الخاص من اجل تلقي الهدايا من المعلمات وتخرج ذلك على أنه حاجات ومشتريات للمدرسة . ونرفق شهادة صاحب المحل بذلك

2- في عام 2011 سمحت المديرة بمغادرة المعلمة نداء القضاة وهي من أقارب المديرة إلى الإمارات العربية بتاريخ 6/3/ 2011 إلى 15 /3 / 2011 وعادت واسمها يوقع عنها من قبل المديرة حضورا ومغادرة وعادت إلى دوامها كالمعتاد والطالبات بدون معلمة .

5 – تغيبت المعلمة وفيقة محمود شويات عن الدوام بتاريخ 10و11و12 /4/ 2012 وبدون إجازة والمديرة توقع عنها طيلة هذه الفترة حضورا ومغادرة .وكذلك تغيبت عن الدوام بتاريخ17و 18و19 /4 / 2012 وكانت في السعودية وكتبت المديرة بجانب اسمها إجازة بدون راتب وعندما طلب فريق الإشراف إجازتها تبين بأنها مجازاة من تاريخ 22/4/2012 وليس من 18 / 4 / 2012 فقامت المديرة بتغطية الغياب بإجازة مرضية وكتبت إجازة مرضية بجانب إجازة بدون راتب .

6- المعلمة الاء مقداد تغيبت بتاريخ 22/3 / 2012 وكذلك 4 و5 /4/ /2012 والمديرة توقع عنها حضورا ومغادرة وقد كشف ذلك فريق الإشراف ذلك بتاريخ 26/4/ 2012 فقامت المديرة باستجوابها بعد هذا التاريخ

5- تم شراء من محلات العسولي في مدينة كفرنجه بقيمة 750دينار في شهر ( 3) من هذا ا العام من غير مناقصة وهو محل لبيع السجاد والبرادي كيف تم شراء هذا المبلغ وأين هذا الأثاث في المدرسة ؟ علما بأنه لم يركب في المدرسة هذا العام سوى برداية واحدة وذلك بشهادة المعلمات وتم صرف هذا المبلغ من غير مناقصة .وتم إجبار اللجنة المالية في المدرسة من قبل رئيس الرقابة والتفتيش في مديرية عجلون وزوج المديرة بالتوقيع على مناقصة بعد شراء وصرف المبلغ بعدة أشهر.

6- استلام التغذية المدرسية أكثر من مخصصاتها والتصرف بالزيادة بطريقتها الخاصة وآخرها كان طلاب الروضة وعددهم جميعا 110 طلاب قد تغيبوا بأمر من المديرة من يوم الأحد الموافق 20 / 5 / 2012 إلى نهاية الأسبوع والمديرة تستلم التغذية من المديرية ولم توزع هذه التغذية على بقية الطالبات وهذا بشهادة معظم المعلمات

7- تسخير المدرسة ومرافقها لخدمتها الخاصة وكثيرا ما تقوم المديرة بعمل المناسبات في المدرسة لمعارفها الشخصية ولتغطية هذه المناسبات تقوم بجمع النقود من المعلمات قصرا وجبرا وبطريقة غير مباشرة لأنها تهدد من قريب أو بعيد بالتقارير السنوية أو بأخذ الفلوس من المقصف رغم أنها تكرم بمئات الدنانير ولا تكرم أي طالبة في المدرسة أو معلمة لعدة سنوات سابقة

7 - المدرسة تحتوي على حديقة زيتون تقوم المديرة بتضمين الزيتون واستلام المملغ ولا يعرف كيف يصرف

8 - – المديرة تغادر وتترك المدرسة منذ الصباح و باستمرار ودون توقيع وفي اليوم الثاني توقع بأنها غادرت بعد الساعة الثانية وكثيرا ما تقوم المديرة بالتوقيع عن اليوم التالي قبل مغادرتها ولا تأتي في اليوم الثاني وكثيرا ما تقول( وقعوا عني أنا بكرة مو جايه )

9- وقد قام أبناء المدينة والأهالي بتقديم شكوى بحقها إلى متصرف لواء كفرنجه لدخول السكارى إلى داخل المدرسة والوصول إلى غرف المعلمات .





معالي الوزير الأكرم :

لقد تم التحقيق من قبل المديرية في بعض المخالفات السابقة وأخذت المديرة العقوبات التالية( إنذار وحسم لمدة أسبوع ونقلا تأديبيا ) و رغم كل التجاوزات التي تم ذكرها وهي بسيطة وتم إثباتها من قبل المديرية تم تكليفها بالمراقبة في الثانوية العامة احتياطا في المديرية في مكتب زوجها حتى تأخذ أعلى نسبة ساعات مراقبة ومعظم الأيام كانت تتغيب عن الحضور والأعظم من هذا كله قام مدير التربية بنقلها إلى مدرسة خوله بنت الأزور وهي من المدارس المميزة في المديرية من حيث الانضباط وتحصيل الطالبات علميا ، وللعلم هذه المدرسة تقع في وسط مدينة كفرنجه أي أنها في منطقة مركزية وعليها الأنظار ومديرتها سيدة يشهد لها الجميع بالانضباط ، وقد قامت بعمل صيانة للمدرسة وخصصت تلك المدرسة لمشروع مبادرة مدرستي وقد زارت جلالة الملكة رانيا العبد الله المدرسة وأعجبت كثيرا بجهود المديرة والمعلمات وشجعتها على الاستمرار ، وهذه المديرة لم تترك بابا فيه مجال للتبرعات إلا طرقته من اجل صيانة المدرسة والنهوض بها . إذن فهذا ليس نقلا تأديبا كما يقول مدير التربية وإنما هو نقل ترقية .



لذا نرجو من معاليكم النظر في الاعتبارات السابقة وإلغاء نقل مديرة مدرسة خوله بنت الازور ونقل مديرة مدرسة خديجة إلى مدرسة أخرى صغيرة يكون ضررها اخف على المدرسة وعلى المجتمع المحلي لأنها لا تصلح أن تكون مديرة مدرسة منتظمة وهي دائما تهدد بأنها مدعومة على حد زعمها لان زوجها يعمل رئيس قسم الإرشاد في المديرية

ولهذه الأمور إننا نتوسل من معاليكم وانتم خرجتم من رحم هذه الوزارة وانتم أهل لها وقد عرفناكم من خلال عملكم الجاد في قسم الامتحانات متابعة هذه الأمور بما ترونه مناسبا .

ونضع حقوق الطلبة وتسيب المديرة هذه أمامكم وانتم من أهل النخوة الأردنية الأصيلة كما عهدناكم وما زلتم ,ونحن نعرف بأننا في بلد أبي الحسن بلد العدالة والديمقراطية ونسمع كثيرا من جلالته علينا محاربة الفساد والفاسدين ودمتم ودام الأردن لمليكه وشعبه.

واقبلوا فائق الاحترام
خالد عناب ابن كفرنجة
26-08-2012 09:27 AM
من النظر على ما نشر في معظم الموائقع اقول كلمة حق الى مظفو تربية عجلون اين انتم كل هذة المدة لماذا النار تحرقنا ونتفرج لماذا لم يصل هذا الى المجتمع المحلي واين انتم يا رقابة وتفتيش ولا كل واحد اللهم نفسي اما ان لنا ان نظر الى المصحلة العامة اين مخافة اللة اناشد كل اصحاب الظمير وكل مسؤل ان يحاسد المقصر من اجل ان ننهظ في اردننا الى اعلى مستوى حفظ اللة الاردن وحفظ مليكة
هالي مدينة كفرنجه
26-08-2012 12:18 PM
بسم الله الرحمن الرحيم

معالي وزير التربية والتعليم الأكرم

الموضوع : شكوى بحق رئيس قسم الرقابة والتفتيش في مديرية تربية عجلون



أقدم لأمركم شكواي هذه في السيد علي الزغول رئيس قسم الرقابة والتفتيش في مديرية تربية عجلون وذلك :

1 –أنا رعد علي حسن عنانزة صاحب محل طيور الجنة لبيع العطور والإكسسوارات وبطاقات الخلوي . قامت السيدة سميرة القضاة مديرة مدرسة خديجة بنت خويلد الأساسية المختلطة في لواء كفرنجة بتحويل بطاقات خلوية من محلي على تلفونها الخاص ورقم أخر بقيمة ( 26 ) دينار ، وأخذت شنتة عطور رجالية بقيمة ( 10 ) دنانير وأخذت هدايا للمعلمات بقيمة ( 43,5) دينارا بمناسبة عيد الأم فقامت المديرة المذكورة بالحضور إلي في المحل كونها أخذت الأغراض المذكورة من محلي وطلبت مني كتابة فاتورتين بالمبلغ الكلي وقيمته ( 100 ) دينار على أنه العاب للأطفال وورق ديكور وسيلكون ولاصق وقمت بعمل فاتورتين للمديرة المذكورة حسب طلبها والصحيح انه المبلغ ( 100 ) دينار كان منه

( 79.5 ) دينار لحساب المديرة الخاص و ( 20.5 ) دينار مجموع أغراض فعلية للمدرسة من لاصق وورق ديكور وسيلكون والعاب أطفال .



2 – قمت بإبلاغ المسؤولين عن الأمر خوفا من الحرام فتم ايصالي إلى السيد علي الزغول كونه رئيس الرقابة والتفتيش في المديرية وأخذت معي ورقة فيها تفصيل جميع ما أوخذ من قبل المديرة المذكورة وبشهادة المشرف ياسر عنانبه والمشرف محمود ابو العنازحيث حضرا قسم من النقاش فقال لي بعد خروجهما : إذا بدك تشتكي اكتب لي شكوى خطية ولكن يوجد هناك تصفية حساب بين المديرة وبعض المعلمات ، فقلت له: ليس لي دخل بهذا أنا حضرت الى هنا لكي ابرىء ذمتي أمام الله ولان هذه الفلوس فلوس الطلبة ولا أريد أن أكون مشترك في الحرام ، فقمت في اليوم الثاني بكتابة شكوى ووضعتها في صندوق الشكاوي لمديرية تربية عجلون كما طلب مني وعندما علم السيد علي الزغول بالأمر قام بالاتصال بي من هاتفه الشخصي وبدا عليه الأمر انه زعلان وغاضب فقال لي : أريد منك أن تحضر إلي وتوقع على الشكوى فقلت له: انه يوجد على الورقة توقيع وختم المحل واخذ يهددني وقال سوف أقوم بإحضارك عن طريق المحكمة وسوف تكون شريك في السرقة وأنا أريد أن اعرف شريك في ماذا هل أصبح الحق باطل والباطل حق حيث قال رسول الله صلى الله عليه وسلم ( في أخر الزمان يكذب الصادق ويصدق الكاذب ) لذا قدمت شكواي هذه بحق السيد علي الزغول بالدرجة الأولى لأنني شعرت انه متعاون مع مديرة المدرسة وكذلك المدير الإداري في المديرية لأنهما يغطيان على أخطاء المديرة كون هناك مصالح مشتركة بينهما .

واقبلوا فائق الاحترام
طالبه من مدرسة خديجه
27-08-2012 01:48 AM
عنجد احنا كنا من نعاني من هل مدرسه بصيف الصف ما كان فيه برادي وبشتاء كان معظم شبابيك مكسوره وكان ببعض الصفوف لا يوجد وسائل تدفئه وايضا يجمع الاموال من الطالبات لشراء غلاف للجدران و مواد تنظيف ...................... اين تصرف اموال الوزاره وتبرعات يا مديرتنا
طايش زعايش
31-08-2012 05:45 AM
ولله مدرسه من الاخر بالنسبه للمدارس الثانيه 5 نجوم هاي :D
طالبه من المدرسه
01-09-2012 02:17 PM
كل التعليقات صحيحه لانه المدرسه كلها مش مدرسه خرابه
مخبر صادق
04-09-2012 04:06 PM
الف مبروووك الموبايل يا علي العقلةالتي اهدتك اياه المديرة س.ق ابو 200 دينار رشوه , صاير تبلع الواسطات بلع من الي بسوى و الي ما بسوى
تامر
04-09-2012 04:13 PM
مبرووووك الدرع يا مدير تربية عجلون الذي استلمته من مديرة مدرسة خديجة السابقة على حساب التبرعات , و من شروط ان تصبح مدير مدرسة في عجلون ان تحترف ... بالفطرة
طالبات الصف الثاني ثانوي - إدارة في مدرسة عجلون الثانوية للبنات
04-09-2012 11:17 PM
نحن الطالبات لم نأخذ حصص محاسبة لغاية اليوم بسبب إجازة المعلمة س . ح حيث توجد علاقة وثيقة بين علي العقلة و زوجها مدير مكتب المحافظ , حيث يقوم علي بقبول الاجازات حتى لو كانت غير قانونية , حيث نحن الطالبات اوضاعنا المادية لا تسمح بأخذ الدروس الخصوصية في المراكز و هي مادة اجبارية لنا و يكفي الاجازات في السنوات السابقة لها
ام احمد
05-09-2012 10:34 AM
رقم 1 و 29 الطلاب مش جرب ولا الاهالي حول المدرسه عيب عليكو تحكو علي اهلكو اذا كان المدرسه بدها مدرسه والمعلمات بسمو حالهم عصابات لانهم خوات وبدهم معلمات يعلموهم مخافة الله والخده وزراء ما حدا بستجري يحكي معهم واولادنا بيرجعو علي البيت بدون ما يدخلو ححمامات المدرسه من كثر النضافه عيب عيب عيب تحكي عن ابني وابنك اخوي واخوك جاري وجارك هذول هم اولاد مدرسة خديجه ولو وجدوا مدرسه نضيفه ولا وسخه شو ذنبهم يجب مراعاة مخافة الله في التعليقات
مظلوم يا ناس
07-09-2012 11:07 AM
حسبي الله ونعم الوكيل
salma
11-09-2012 04:35 PM
والله عنا لمدارس ممكن تختث بأي اشي الا الدراسه
ولا معلمات بفهمو ولا مديرا في والمصاري لبتيجيهم بوززعووها عليهم بلتساووي ومو بس هييييك
احنا لي بندفع حق كل اشي حتا ادوات التنضييف غير انو الاذنه وظيفتها تضل قاعده واتطلع البنات من الحصص هما يشطفو
والله اذا مدرستكم لمشكلا فيها النضافا احنا مدرستنا كلها عبعضها مشكله
مع العلم انو انا من مدرست السهل
احنا ما عنا تعلييييييم اصلاااااااااااااا
معلمة
19-09-2012 07:55 PM
نحن معلمات مدرسة خديجة بنت خويلد نقدم الشكر الجزيل للمديرة الفاضلة إيمان عناب على جهودها الملموسة المابركة في المدرسة والحي أجمع حتى أنه بفضلها جددوا الحاويات لكل الحي والجهد والمتابعة الحثيثة التي تقوم بها مدرستنا جهود جبارة والإنجازات التي حققتها في المدرسة بثلاث أسابيع اعظم بكثير مما قدم للمدرسة بثلاث سنوات. النظام والنظافة تخفيف أعباء المعلمات فقد خففت عن معلمات التخصص واحصرة المماء البارد على مدار الوقت للمعلمات مزودة بماء الصحة الالتزام الكبير من جميع المعلمات وتعزيز المعلمات المتمميزات وتعاونعا الكبير مع كل مبادرة طيبة ... دمتي طيبة يا ست إيمان وأدام جهود المباركة في حب الوطن...
معلمة في مدرسة خديجة بنت خويلد
02-10-2012 05:32 PM
كل الشكر للمديرة الفاضلة ايمان عناب التي سمحت لي ولو لبضع ايام بالمرور بشارع العنانزة بجانب الحاويات دون ان اضطر لاغلاق انفي او محاولة منع نفسي من الاصابة بالاعياء من منظر ورائحة الحاويات المليئة بالقمامة والشارع المليئ بكل انواع القمامة ..... شكرا لك
مواظن
04-11-2012 09:57 PM
الوصاخه عجنب شو دخل مدير التربيه بالقمل يلي بروس البنات وين رقابة الامهات
joman qaqaa
09-12-2012 07:43 PM
لازم يحكوا الحمدلله لانه عندهم مدرسه كبيره
لو تشوفوا مدرستي في عجلون منطفه عين البستان مافيها لا حديقه ولا ساحه
وما فيها غير اربع صفوف بمساحه 4×4
وكل صف فيه 36 طالبه وما فيها غير حمامين
يا ريت تيجوا على مدرستي
بلكي حدا بيسمع صوتنا وببنولنا مدرسه
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك