•  
  • اجعلنا صفحتك الرئيسية
أخر الأخبار
هاكرز يسرقون بيانات "القبة الحديدية" الإسرائيلية غزة.. 140 شهيدا بثاني أيام العيد قصف منزل إسماعيل هنية الحرب على غزة.. صور// مركبة حكومية في حمامات ماعين ثاني ايام العيد ! صور // هكذا احتفل ابناء مدينة الرمثا بعيد الفطر طايل الحديد يطفئ الشمعة الثالثه مواطنون : "نتوسل" لدولة الرئيس ان يصرف دعم المحروقات بعد العيد سر التأخير في نتائج" التوجيهي" حماس تنفي موافقتها على هدنة انسانية لـ 24 ساعة 6270 طن نفايات خلال الوقفة وأول ايام العيد ثاني ايام العيد : جريمة قتل في البقعة CNN: مضاعفة حركة الشحن في ميناء العقبة خلال ثمانية أعوام وزارة التربية والتعليم لـ "الوكيل" : نتائج التوجيهي منتصف الاسبوع القادم الاحتلال يقصف محطة الكهرباء الوحيدة في غزة ترويع أهالي غزة وسيلة اسرائيلية للضغط على حماس واشنطن لاسرائيل:الحلفاء لا يتصرفون بهذه الطريقة ثاني ايام العيد : طقس حار الياسمين الدمشقي يفوح في شوارع عمان صور // مسنة عمرها 87 عام "تائهة" في شارع الاردن
البطالة في الأردن : ما أكثر العمل وما أقل العاملين !
الصفحة الرئيسية أخبار محلية البطالة في الأردن : ما أكثر العمل وما أقل العاملين !

البطالة في الأردن : ما أكثر العمل وما أقل العاملين !

08-10-2012 02:11 PM
الوافدون يغسلون السيارات في الأردن

الوكيل - ماجد الدباس - تطرح دائماً مشكلة البطالة بصفتها 'البعبع' الذي كان سبباً في 'تكشير الشباب العربي عن انيابهم' في معمعة الربيع العربي الذي نشأ في عوامل موضوعية تتعلق بظروف معيشية في دول 'أكل عليها الفقر وشرب' .

في الأردن البطالة مغلفة بقناع النظرة الاجتماعية التي تضبط إيقاع الناس بحكم المكانة الاجتماعية والطبيعة الأسرية التي تشعر الإنسان العامل في الوظائف البسيطة بالعيب والخجل من مواجهة الناس والبوح بطبيعة عمله .

لعله من الطبيعي في دولة تعاني من مستويات مديونية وفقر عاليين أن تتكلم عن البطالة وأسبابها وطرق الحد منها ،لكن أن لا تكون البطالة حاضرة والفقر والمديونية مرتفعة فهنا يجب البحث عن الطريق الثالث .

مشكلة ثقافة العيب التي دُق ناقوس خطرها منذ زمن بعيد أعادها للواجهة قصة صاحب شركة لأحد الأعمال البسيطة التي لا تحتاج لخبرة كبيرة من العامل فيها، توجه الرجل إلى صاحب الشان التشغيلي في الاردن وهو وزارة العمل .

استمرت مطالب صاحبنا فايز الشوبكي من الوزارة فكانت الدفعة الأولى من طلباته 100 عامل فكان من الوزارة ان بعثت له 3 عمال كلهم 'مدراء' بحاجة لسكرتاريا على حد قوله .

توالت الكتب والزيارات المتبادلة بين الرجل والوزارة دون تقدم ؛ حاول البحث عن البدائل ، أريد تشغيل أبناء البلد ولو كانوا طلاباً لو كانوا موظفين بالرواتب التي يرغبونها ؛ مطالب وامنيات ذهبت ادراج الرياح.

هل تعلم اننا في بلد شوارعها مبيوعة ؟!

هذه الحقيقة التي كشف عنها الشوبكي 'للوكيل الإخباري' فالوافدين الذين يعملون في نظافة العمارات السكنية ويعملون في مهنة تنظيف السيارات التي أقام شركة متخصصة ومرخصة لها يبيعون الشوارع فيما بينهم بالاف الدنانير وعند سفرهم لبلادهم ترحل نقودهم حيث هم .

يستهجن الشوبكي صمت الحكومة والاجهزة الامنية على هذه القصة ففي الوقت الذي نشكي فيه الفقر والبطالة نسمح لأموالنا بالهروب للخارج وكاننا في الخليج بل أن المغتربين تصلهم أموال الأردنيين وموظفي الدوائر الحكومية بدون مجهود وهم في بلادهم .

صاحب الشأن في هذا الموضوع وزارة العمل التي تؤكد على توفر فرص العمل في القطاعات الخدمية الغير مرغوبة من الأردنيين الذين يعزفون عنها رغم ارتفاع مستوى رواتبها وميزاتها وفق ما قاله الناطق الإعلامي في الوزارة هيثم الخصاونة .

اما الأكاديميون فيرون أن التنشئة الإجتماعية هي التي تقف عائقاً في تغيير وجهة النظر في ظل 'كبرة راس' غير مبررة وسط 'مسخرة' من الاهل والأصدقاء على العامل في هكذا مجال وكان العمل يجلب السمعة 'العاطلة' لأبناء الأردن وعشائره وطبقاته الاجتماعية المختلفة!

أستاذ علم الاجتماع في الجامعة الاردنية الدكتور خليل درويش يرى بأن العادات والتقاليد هي أصل الحكاية مستغرباً تناسي الناس بأن العمل عبادة .

فيما يلقي الخصاونة باللوم على النظرة السلية من المجتمع الأردني تجاه هذا النوع من الأعمال الإنشائية والمهنية في حديث الناس عنها بانها غير قابلة للتطور والبناء .

الدكتور درويش يرى بالتوعية المدروسة والحقيقية حلاً لهذه القصة من خلال نشر الحس الوطني وقيم الولاء والانتماء التي تُذهب بهذه الأفكار الخاطئة من عقول الناس .

أما الصورة الذهنية فهي قابلة للتغيير من خلال التوسع في إعادة رسمها لتكون بوضع جديد خلال سنوات قصيرة ما يعني القضاء على البطالة وإبقاء الأموال الهاربة في جيوبنا لأننا اولى بها .





احمد87
08-10-2012 02:21 PM
يا الله قد ما بقولو الاجور مرتفعة
وينها يا عمي هاي الاجور
ازعم مطعم و كوفي شوب بهالبلد اذا حب يشغل اردني بدفعلو 200 ليرة
و مش راح يشغلو
الاردني يا وكيل بقدرش يشتغل 15 ساعة لانو الو حياة بهاي البلد و الو عيلتو و ولادو
بس الوافد سيدي جاي مشان يشتغل
يعني لو الوافد اشتغل 20 ساعة بقولش لا لانو ما عندو اشي ثاني يعملو
بالله سيبونا من التخويث
الحكومة شايفة و الصورة واظحة بس مشان يدارو حالهم
طلعوا وأولادكم يشتغلوا بالشوارع
08-10-2012 02:28 PM
زمن اول حول صحيح اننا في أردأ حالات البؤس والمعاناة ولكننا بفضل الله أصبحنا أكثر وعياً وثقافة ...
ابو جهاد
08-10-2012 02:30 PM
مع كامل احترامي و تقديري لكل المهن مهما كانت و مهما على او دنا شأنها ولكن هل ترى ان حل البطاله بأن يقوم شاب قد درسه بالجامعه 4 سنوات هندسه او اداره او محاسبه او مهما كان و دفع اهله عليه مبلغ وقدره ليقوم بالنهايه بالعمل بغسيل السيارات ليتقاضا 150 الى 200 دينار ... ذلك العامل المصري او غيره تطفيه لفرق العمله في بلده و لطبيعت سكنه مع مجموعات او كحارس عماره يسكن في غرفه مجانا لا يدفع لا ايجار ولا كهرباء و لا غيره سوا ثمن طعامه من علبة سردين او صحن فول ( مع احترامي لهم ) ولكن هذا ليس الحل لمشكلة البطاله في اردننا الغالي .
مهندس
08-10-2012 02:30 PM
كل الكلام السابق رائع ومنطقي ومحفز
لكن .. هل من المنطق أن أدرس 4 سنوات هندسة مدنية لأعمل في النهاية موزع أو عامل نظافة أو أياً كان ( مع احترامي لكل أنواع العمل ) .. لو أردت ذلك لماذا أدرس من البداية ؟؟؟
سأحتاج عدة أشهر وسنين حتى أرجع فقط ثمن تعليمي في الجامعة
ألا يحق لي أن أجد فرصة عمل ملائمة ؟
لكي تحصل على عمل تحتاج إلى خبرة
ولتحصّـل الخبرة عليك أن تعمل
فعلاً معادلة صعبة ...
نأسف على الإطالة .. لكني سئمت
؟؟؟؟؟
08-10-2012 02:31 PM
هدا الموضوع من اهم وا خطر المواضيع و للاسف الشديد ما حدا بحكي في او انا متاكد لو نهتم فبه منيح لتنحل كل مشاكل البلد ، واشكر موقع الوكيل على هدا الطرح
هاشم البلاونة
08-10-2012 02:32 PM
الى الكاتبه بدي اسالك سؤال ..لو ابنك كان يشتغل وبغسل السيارات في الشوارع و راح بدو يخطب بنت بالك بتوافق عليه .. لو واحد قاعد بشتغل وبغسل سيارات في الشوارع واجا طلب بنت بتوافقي عليه والله ...
مشكلتنا عدم توفر الشروط الاساسية للعمل ..ثقافة العيب راحت من زمان
هناك متقاعدين عسكريين حراس عمارات وايضا حراس بنوك ..وايضا هناك شباب يعملون في الكازيات ومغاسل السيارات وفي محلات القهوة وبوقفو بالشوارع من اجل رزقتو ... ليش مصررين انو البطاله هي اساس الشباب نفسهم ... الان انا بدي اشتغل واغسل سيارات بالشوارع ولو ضليت اشتغل عشر سنوات رح اقدر مثلا اعلاج حالي اذا مرضت رح اقدر افتح بيت رح اقدر اكمل دراسة .؟؟؟

اما العامل المصري بعيشو كل عشره مع بعض والمتين دينار الي باخذها من غسيل سيارات بحولها لمصر كالاردني الذي يعمل في الخليج .. هيك بتفرق معهم .... انا حاصل على بكالوريس تمريض واعمل في المستشفى بشكل مجاني وبدفع ايضا 30 دينار للمستشفى من اجل ان اعمل مجانا لكسب الخبره واطلع من برا ..مشان اعرف افتح بيت و اطور حالي ... وفي بنفس الوقت نقص في تمريض وهناك الف فلبينية موجوده بالمستشفيات و زميلاتي الممرضات بشتغلو بالتمريض المنزلي ..لاتضلكم تحطو الحق على شباب الاردني هي الشب الاردني قاعد بفتح بسطات وقاعد ببيع خضره وقاعد بوقف على الاشارات ببيع وقاعد ببسط بشوارع مشان يبيع
ابو راشد2
08-10-2012 02:36 PM
والله الكل بشتغل اذا في مردود وانا بعرف اردنين بشتغلو شغل امر من هيك بس هاذ لانو الحكومه مو ملاقيه حجه لتزبط اوضاعنا
والا ما بحكو خط الفقر خمسمية دينار واتخن راتب عنا للموظف 300 وخلي اصحاب المصالح يعيشو على ظهورنا ويكسبو ملايين احنا مش موظفين احنا عبيد وجواري وسامحوني يا ولاد بلدي
احمد علي
08-10-2012 02:44 PM
السلام عليكم :

انا ايحث عن عمل في الفترة المسائية من بعد الساعة الخامسة عصرا بغض النظر عن طبيعة العمل ارجو المساعدة الرجاء الاتصال على الرقم 0775777781
سليم سالم
08-10-2012 02:55 PM
المصرين هم قوة العمل فى الاردن وسيبقى المصرى نهضة هذه القوة فأن غاب العامل المصرى ذادت مديونية الاردن واترك لكم مراجعة اسعار التصاريح والشهادات الصحيه وغير ذلك احب اوضح ان العامل المصرى لايتكبر على اى عمل مهما كان لأكل العيش الحلال
?????
08-10-2012 02:59 PM
يا اخوان المحابز و الكازيات و قطاع الزراعة و عمال الباطون والطوبار في البلد كلهم وافدين واقل يومية بعشرون دينار يعني في نهاية الشهر بيعمل احسن من المهندس فشو المشكلة انو يدرس اربع سنوات في جامعة بعدين يشتغل شو ما كان ، مش احسن من ما يقعد في البيت ويظل يتفلسف على الحكومة وعلى البلد او يشحد من ابو و احو او اهله مصاري
كلمة حق لله //// خليل الحوراني
08-10-2012 03:21 PM
يا ناس اتقوا الله
والله الي يتكتبوه وبتحكوه ما هو صحيح ابدا ولكنكم تكتبووون هذا لغرض في نفس يعقوب !!!
والغرض واضح جدا لؤلي الالباب

للعلم نحن البلد الوحيدة في العالم العربي
الذين نعاني من البطالة المزدوجة وهي البطالة
في العمل والعطالة في التعامل

نعم عندنا البطالة في العمل تصل لتسب اكبر مما تعلن عنها الجهات الرسمية بكثير
الحكومات تقول ان نسبة البطالة في الاردن هي 14% وهي وفي حقيقة الواقع تصل الى نسبة 30%

وتأكيدا لكلامي ان كل اسرة اردنية تتكون من 4 او 6 شباب او فاتاة
نجد غالبا ان من يعمل بوظيفة مستقرة ودائمة لا يتعدى 2 الى 3 فقط
ولولا الاجهزة الامنية والتي ليست ميسرة لكل الشباب حسب الاصول والواسطة والمحسوبية لوصلت نسبة البطالة الى 70 %
وان هناك بعض الاسر لا يجدون كافة شبابها اي عمل مستقر وظيفيا او دائم

وهناك من يتبجح بان ثقافة العيب قي العمل هي سبب رئيسي للبطالة
قهذا الكلام ليس بدقيق

والكل يعرف بان هناك شباب مؤهلين يعملون في وظائف بسيطة جدا ولا تليق بمستواهم الاجتماعي ولا الاكاديمي و لا حتى الصحي

ولا يحصلونها الا بالوسطة والمحسوبية وان كانت على مستوى عامل وطن

ونأتي للعطالة
هناك كثير من الشباب او الفتايات
الذين يعملون لدى بعض الشركات والمؤسسات يعانون الامرين في تحصيل رواتبهم اخر الشهر والاكثر من ذلك يعملون ساعات طويلة باجور بسيطة
وبلا تأمين صحي ولا ضمان اجتماعي

فبعض هؤلاء من اصحاب العمل عبارة عن مصاصي دماء لعمالهم

وهناك جزء كبير من بعض ارباب العمل عبارة عن نصابين ومحتالين ويماطلون في اجور عمالهم الا بعد ان يدفع اجور مواصلات اكثر من حسابه عندهم من روح وتعال الاسبوع الجاي واخر الشهر وهلم جرة

فكل ما ذكرت حقائق واؤكد لكم باني رب اسرة عندي 4 شباب لا يعملون ولم يجدوا عمل منذ 4 ستوات الا لدي المؤسسات العاطلة في التعامل المادي للاجور ودون ادنى حق من حقوق العمال

وها انتم تخرجون علينا بمقالات لا تمت الا الواقع بصلة ولكنكم اردتم ان تخففوا من مسببات الربيع العربي الذي ارهب كل فاسد وظالم سواء في العمل او غيره

اعذروني الكلام يطول ويطول في هذا الموضوع
ولكن خلوها على الله

ولله في خلقه شؤووووووون
الى جلالة الملك عبدالله
08-10-2012 03:24 PM
بدي اشتغل, انا مهندس عاطل عن العمل صارلي سنة وكل ما بدي اقدم على وظيفة بقولو بدهم خبرة ,وصارلي مقدم لتدريب الاشغال 8 اشهر ولحد الان ما طليعلي دور لاني طبعا معيش واسطة, وبي ناس اتخرجو معاي وبعدي وقربو يخلصو تدريب الاشغال,
حكومة فاسدة والي شايف الفساد وساكت عنه اكيد بكون فاسد, لو مابي فساد..بيش سرقة..بي مصاري...بي شغل
ومادام اني عاطل عن العمل بدي اصير اطلع مظاهرات وخلي الدنيا تقوم وما تقعد,وبعدين يا ابو حسين انا كعاطل عن العمل ما بهمني اصلاحات سياسية ودستور ومحكمة ومش عارف ايش انا بدي مشاريع تشغلني وتشغل الالف مثلي.
غدير علانه
08-10-2012 03:25 PM
و الله انكم كتير سايرين تمزحوا يعني انا سرلي سنه بدور ع شغل و كل اصحاب الشغل بدهم عارضة ازياء او راتب متدنيبتحطو موصلات يعني الواحد بسب ع حالو الف مره انو درس و تعب و بالاخر بيجبالي بقولك اين البطاله احكو شي يتصدق
متابع
08-10-2012 03:40 PM
انا رايت طلبه قبل يومين بمديرية تشغيل عمان العبدلي وللاسف الكل يعاني من نقص الايدي العاملة .. يعني في وظائف بتشغل قد عدد العاطلين عن المل 5 مرات ولكن ولاد البلد الشيوخ الشوات بدهم وزراء ...وعمالة وافدة مابعطونا الاد عدد قليل جدا وبالتنقيط .. لانه الكل صار تاجر وسمسار بنظر وزارة العمل الموقرة .. يعني كل المراجعين للجنة الموقرة حرامية وهالجنة ورئيستها االموقرة شرفاء...يا عمي الي على راسو بطحة يحسس عليها .
الله يعين هالشعب يا جماعة
08-10-2012 03:55 PM
انا بدور على شغل بعد الساعة 6 لنص الليل لكن عبث بحكولي مشان تستلم الشغل لاوم تكون بالشغل التاني قبل الساعة 4.30 و انا بشتغل في شركة قطاع خاص و بطلع من شغلي على 4.30 يعني ضايع يومي كله في الشسغل الاول و مستموت على شغل حاولت اوزع صحف اسبوعية خبرواني اهم بغطو 70 دبنار و ان اكون مستعد بالعمل لاي منطقة بالمملكة بغض النظر عن المسافة يعني 70 دينار صدقة مع العلم السيارة و الراتب من التوزيع من 70 دينار شو رايكم بمشكلتي يا جماعة و راتب واحد ما بكفي صرنا زي الشعب السوري و المصري اللي عملتهم ساقطة لاوم نشتغل شغلتين على الاقل مشان نوكل و نشرب ... خلوها عاى الله ... بالله عليكم اللي عندو شغل من 6 مسا لل1 الفجر يخبرني لاني مضطر على الشغل عمري 31 لا انا متجوز و لا عندي شقة و السيارة اللي عندي بدفعلها اقساط يعني فشة تحويش ابدا يتصل على او0785112972 00962796447499
issa 9988
08-10-2012 04:15 PM
انا جامعي وما لقيت شغل
اشتغلت في دهانات المنازل 15 دينار يومي - بس المصريين ما خلونا ورشات لانو بوخد الورشه بسعر اقل واصحاب المنازل ما بدهم غير مصريين - هل انا اعيش في مصر ولا في الاردن - ماشي الشهاده حطيتها في --- واشتغلت في ورش الدهان - حتى عامل مش زابطه شو اعمل -
مطلوب للعمل فورا براتب خيالي
08-10-2012 04:27 PM
مطلوب للعمل فورا شاب اوفتاه براتب 10000000 شهريا الشروط
ان يكون لديه خبره 100 سنه في شركه عالميه معروفه على الاقل مرسيدس
ان يكون خريج جامعه امريكيه او بريطانيه لا يقل معدله عن 99 وان تكون الجامعه معترف بها لدى وزارهالتعليم العالي على الاقل جامعه اكسفورد
ان يكون حاصل على البورد الامريكي و البريطاني و شهادات الامتياز من سويسرا وفرنسا وشهاده شكر من وكاله ناسا الفضائيه -
ان يكون حاصل على احدى جوائز نوبل على الاقل
ان يمتلك سياره على الاقل فراري طراز 55 فما فوق
ان لا يزيد العمر عن 18 سنه
ان يكون سكان عبدون على الاقل
للمراجعه ابو محمد الخضرجي
ولا على بالي
08-10-2012 04:34 PM
يعني انتو بتحكو لشو ولله اني صارلي سنه متخرج واخيرا لقيت شغل بس شو الراتب 180د بروح منو 80 مواصلات يعني 100 ولله حراااااام لانو يلي دفعتو للجامعه تقريبا 10000 د يعني كم بدي لارجعهم وبسالو ليه الشبااااب معقديين وما بتجوزو
الاول على دفعتي
08-10-2012 06:09 PM
يا اخوان احنا ما في عندنا بطاله بس الشباب ما بدهم غير مكاتب ليش عشان هالاربع اللي قريهن وبالاخير طلع تقديره مقبول مع 100 بوسة لحيه و100 واسطه انا الاول على دفعتي بالهندسه السه الكيماويه من جامعة العلوم والتكنولوجيا قبل 5سنوات ما لقيت شغل لجئت للعمل مع معلم حجر وتعلمت الخجر والحمدلله صرت معلم وصرت لحسابي الخاص والان ما برضى اقل من 30 دينار يوميا الشغل معبي البلد والمصاروه ماكلينها مافي مصري برضى باقل من 25 دينار يوميا وشبابنا بستنو بوضايف الوضايف مابتطعمي خبز انا عني اذا ما كانت الوضيفه بدها تامنلي نفس الدخل الحالي ما بدي اياها وما بدي الشهادات كلها والله يوفق الجميع
بدوي أشقر
08-10-2012 06:29 PM
والله اللي علق ما ترك كلمة أحكيها أنا مهندس سنة ونص قاعد بدور على شغل وكله واسطات يا معلم!
المشكلة فينا احنا ! لازم ننولد معنا شهادة خبرة (واسطة) وظليت أدور على شغل مدة سنة بعدين صارلي نص سنة بدور على........واسطة ! لانه شغل ما رح ألاقي !
تعليق رقم (17) شكرا جدا تعليق طريف وواقعي.
عمرو
08-10-2012 07:26 PM
وصلو رقمي للشوبكي الي ببحث عن شباب للعمل براتب جيد هي رقمي

0797793350

وبكفي عرط تحت اسم البطالة المقنعه احنا بعصر الاردني بدور على شغلتين مهمات اول اشي تكون وظيفه فيها راتب جيد تكفي اجار بيت واكله ومواصلاته وشو ما كان طبيعت العمل ما بحكي لا اما قاعده الحكومه تبرر مواقفها انه الاردني بده مكاتب
ارحمونا مشان الله محمد النبالي
08-10-2012 07:39 PM
اي وين الشغل بتتخوتوا عاد والله صرت مقابل اكتر من 40 شركه وما في شغل يا عمي مش هيك يعني انتوا شايفين البطاله وقله الشغل وبتفتخروا بين البلاد انو الاردن اكتر دوله عربيه فيها متعلمين وافتخروا انو كمان عاطلين عن العمل والله ما ضل شي الا قدمت فيه طلب اي ارحمونا منشاااااااااااااان الله بتتخوتوا علينا ومعي دبلوم جرافيك ديزاين وشامل وخبرات ل سنتين ومش لاقي شغل ارحمونا منشاااااان الله ولا بس اعلام وخلص
عبدالرحمن
08-10-2012 08:48 PM
عزيزي صاحب المقال ابحاثك ودراستك كلها غلط الشباب الاردني بتشتغل اي اشي بس الاجور يا دوب تكفيك مواصلات , والاردن عمان وباقي المحافظات ما فيها شغل , واذا بدك تترك محافظتك وتشتغل اي اشي ما في ولا شغل بكفيك مواصلات وسكن , انا خريج والثالث على الدفعة واشتغلت كل اشي بخطر على بالك خارج محافظتي واعلى راتب اخذته كان 250 وبطلوع الروح لما وصلته , وشو اعمل فيهم اجارس سكن والا مواصلات في الاردن قصدي - عمان
اليكم جميعا الكاتب والحكومة والشعب
08-10-2012 09:03 PM
اولا لايوجد اي مؤسسة اردنية او غير اردنيا في الاردن لا تحتوي على عمالة وافدة ونصهم ما معهم تصاريح ثانيا نسبة البطالة تفوق 50 % بين الشباب سواءا حملة الشهادات او الغير دارسين اليكم هذه القصة انا شاب تخرجت هندسة حايوب بدات معاناتي اول ما تخرجت من الجامعة بتقدير جيد جدا ومشروع تخرج حاصل على المركز الاول بين الجامعات الاردنية اذهب الى اول شركة يقابليني صاحب الشركة واجري معه مقابلة ممتازة وقال لي انت تذكرني بنفسي الان بعد حديث لمدة لا تقل عن ساعة ونصف اتفاجىء انه يقول لي ساعطيك راتب 150 دينار اول 4 شهور وبعدها سارفعه الى 250 ولا زيادة بعد ذلك ====== من كثر ما انفجرت صرت اضحك فارتبكت قليلا ولم اعرف كيف سارد عليه بعد الثقة والحماسة التي دفعني بها فقمت وناديت على شاب مصري الجنسية يعمل مراسل في الشركة فقلت له كيف حالك كيف امورك شو اسمك الخ وسالته امام مديرة كم تاخذ راتب في الشركة فاجاب 280 دينار فنظرت في وجه المدير واخدت اوراقي وشهاداتي وذهبت وذهبت واحرجته بهذه الحركة كثيرا المهم بعدها جلست اتابع تقديم الطلبات في الجرايد والانترنت فترة اسبوعين المهم تعينت في احدا الشركات الوهمية التي تستاجر غرفة في احد المكاتب وتعينت على راتب 200 دينار اول ثلاث شهور حيث ان كان اجرة المواصلات 3 دنانير لبعد المكان عن المنزل واتفاجىء بان دوامي يبدا الساعة 9 صباحا وينتهي الساعة 12 ونصف ليلا المهم استمريت بهذا الحال حوالي 3 اسابيع ولم يجبني الحال فبلغت مديري فيقول لي انا لو بدي بجيب هندي ب150 دينار وينام هون فاجبته الله يرزقك يا رب وذهبت وبعد عناء طويل وفترة جلوس دامت شهرين تعينت في شركة في شارع مكة المهم اتفقو معي على راتب 350 دينار فرحت كثيرا بالمبلغ لانو ما حدا اعطى هيك رواتب المهم بعد دوام 3 ايام الا بصاحب الشركة عراقي الجنسية يصل من سفره وياخذ المسؤل الي عيني وقال له في غرفة زجاج وانا اسمعهم لمذا دفعت له 350 الخريج الجديد ياخذ 190 دينار وهو يصرخ فقمت له بكل احترام وقلت له استاذي ما في داعي تحمله مسؤولية انا مو مقصر في شغلي وانا تعينت لاني نجحت في امتحان الشركة ونجحت في مقبلتي مع هذا الشخص فقال لي حتى لو احنا هون ما بدنا خريج جديد بدنا واحد معو خبرة 3 سنوات المهم بعد حديث طويل اعتذر مني وقال لي اذا بدك تستمر معنا انا بعطيك 190 دينار فاعتذرت بعد ذلك تحطمت قليلا اذ اصبحت اقول يا رب معقول الاردن بكبرها ما فيها شغل لشوية خريجين المهم بعد عناء طويل تعينت في شركة كبيرة ومعروفه واتفقو معي على راتب 250 دينار وعملت لديهم اسبوعين وانتجت مشروع لشركة بدها تصمم موقع اخباري المهم اتفاجىء بقول احد الزملاء في العمل يقول انا داومت هون شهرين بدون راتب اخر شي حزنو علي ووقعوني على عقد ؟؟؟؟؟؟؟؟!!!!!!!!!!!
اذهب الى مدير القسم فاجابني انتا شب كثير شاطر ومحترم والخ بس هون عنا مشكلة بالرواتب والعقود ولا تخاف بس اول اكم شهر راح تتغلب شوي وعنا ضغط شغل فاجبته بالاعتذار المهم جلست في المنزل فترة شهرين تقريبا وانا ارسل طلبات عملي الى كل اعلان اجده الى ان صادف يوم بشركة تدعى شركة تولاي الاردنية التركية الموجودة في مرج الحمام بحاجة الى اكثر من 100 موظف المهم بعد ما اتصلت في المدير بلغني انو حبيبي اذا بدك تيجي احنا حاطين بالاعلان انو رسوم الطلب 5 دنانير فاستغربت وسالته اخي الكريم انا تخصصي هندسة حاسوب ما هي الوظائف الي بدكم ياها فاجابني احنا الشركة بدنا 50 مهندس حاسوب !!!!!!! المهم ذهبت اول مرة واذا بطابور من حملة الشهادات العاطلين عن العمل ذهبنا الى صاحب العمارة فسالنا عن المكتب فقال استاجره مني واحد محترم ما بعرف عنو اي شي طيب كم الو مستاجر يا حج فيقول الو شهرين المهم قدمنا الشهادات ودفعنا المبلغ وطلبنا وصل بقيمة خمس دنانير واعطانا وصل ما عليه ختم شركة المهم تقدمنا لامتحان ذكاء مدته نصف ساعة وسالته بعدها شو رح يصير قلي لو انتا ناجح راح نحكي معك في مقابلة حكيتلو اوك المهم لما شفت الطلبات الي عندو تقريبا عددها فوق الالف ورقة كلهم اشخاص عاطلون عن العمل وقامو بدفع المبلغ المهم حكى معي مدير الشركة بعد 5 ايام يقول لي محمد في الك مقابلة يوم السبت ولا تنسى تجيب الوصل شكرته كثيرا وعرفت اني نجحت بامتحاني المهم ذهبت واذا باكثر من 3 شخص واقفين على الدور منهم ناس حلو ثلاث اسئلة من الامتحان باعترافهم الشخصي اتفقنى كمجموعة بتصوير هذا الوصل قبل الدخول الى المقابلة طبعا من تعرفي على الاشخاص اكثرهم طلاب هندسة مكانيكية وميكاترونكس ومحاسبة وتسويق والخ المهم دخلت الى المقابلة واخذ مني الوصل وتابعته بعدها حيث انني اتصل عليه كل اسبوع تقريبا ايش صار في الشغل وشو كانت نتيجة المقابلة فيجيبني ويجيب زملائي بنفس الاجابة "حبيبي فلان الان الموضوع صار في الادارة في تركيا همة راح يبعتولنا واول ما يصير نصيب راح احكي معك شخصيا هية الامور شوي بدها وقت " طبعا استطيع اثبات صدق كلامي بارسال صور عن الوصولات والاعلانات الموجودة على الانترنت واسمحولي ادع بعض الروابط

http://jo.opensooq.com/search/1531129/

http://waziftak.com/ad/32324/%D8%AA%D8%B9%D9%84%D9%86-%D8%B4%D8%B1%D9%83%D8%A9-%D8%AA%D9%88%D9%84%D8%A7%D9%8A-%D8%A7%D9%84%D8%A7%D8%B1%D8%AF%D9%86%D9%8A%D8%A9-%D8%A7%D9%84%D8%AA%D8%B1%D9%83%D9%8A%D8%A9-%D8%B9%D9%86-%D8%AA%D9%88%D9%81%D8%B1-%D8%B9%D8%AF%D8%AF-%D9%83%D8%A8%D9%8A%D8%B1-%D9%85%D9%86-%D8%A7%D9%84%D9%88%D8%B8%D8%A7%D8%A6%D9%81-%D8%A7%D9%84%D8%B4%D8%A7%D8%BA%D8%B1%D9%87

http://www.tanqeeb.com/%D9%88%D8%B8%D8%A7%D8%A6%D9%81-%D8%A7%D9%84%D8%A3%D8%B1%D8%AF%D9%86/%26-8238%3B-%D8%B9%D9%85%D9%91%D8%A7%D9%86-%26-8238%3B/001492832.html

والحمد لله انا الان موظف في احدى الشركات الاردنية التي يتميز اصحابها بمخافة الله والصدق واتيان الحقوق لاصحابها والحمد لله مع العلم انا تخرج معي اكثر من 100 شخص تعين منهم حوالي 8 بنفس مجال دراستهم و4 بمجال اخر والباقي اتابعهم الى الان لم يستطيعوا الحصول على وظيفة

استحلفكم بالله ان تنشروها يا وكيل لاني راسالتي تحتوي مجوعة من القضايا التي تهم الشعب الاردني كاملا وامتنى من كاتب المقال قرائة ردي ولكم جزيل الشكر
why ?
08-10-2012 09:04 PM
اولا اشكر الكاتبه على اهتمامها بهذا الموضوع .
ولاكن يا اختي المغترب ما بيدفع ضرايب ولا جامعات خاصه لاولاده . ولا ضريبيه للبيت يلي ساكن فيه . ولا ضريبت نفايات ولا ولا ولا . .... خليكي يا اختي وين رحتي لسى ما خلصت
زكريا السعودي
08-10-2012 09:34 PM
خافوا الله يا حكومه بهل الشعب وأرفعوا رواتب الحد الادنى 190 دينار والله 50 دخان 60 مواصلات 50 اكل 40 دينار وبتحكولي وافدين يا زلمه خفوا علينا شوي ...! روحوا شوفوا البطاله ذابحه الشعب .! ونتوا مرتاحين على الكراسي ..! حسبي الله ونعم الوكيل بس..
ذياب صالح
08-10-2012 10:26 PM
القول ان ابن البلد الشغل له موجود ولاكن هو لا يريد ان يشتغل انا اقول لكم ايها المتشدقون كفا زجا بالعمالة الوافدة في البلد لقد اخذ هذا العامل لقمة العيش لانها الايدي لبرخيصة في نظر البعض
مهندس اتصالات اله سنة قاعد
08-10-2012 11:59 PM
يعني انا مش عارف اللي كاتب هالمقال وين عايش !!!
المشكلة بالثقافة الاجتماعية ؟!!!
يعني انا مش فاهم بتقبلوني ادرس هندسة اتصالات 5 سنين وانا ادرس نظريات واتصالات ومختبرات ومش عارف شو واخر اشي بتقلي ثقافة اجتماعية غلط روح اشتغل زبال عادي ؟!!!
وك الزبال بدهوش هندسة بس عرباية وكفوف والجاكيت الفسفوري وبتمشي اموره
دفعتي بقسم هندسة الاتصالات لحاله تخرج منه حوالي 100 واحد طيب هظول من قسم واحد من جامعة وحدة ... احسبها بطلع عندك حوالي 600 مهندس اتصالات بتخرجوا كل سنة هظول لحالهم بكفوا الوطن العربي وجاي تقلي ثقافة العيب
حكومة وسياسة جامعات غبية كل واحد جاب 90 بده يصير مهندس والجامعات بس بدها مصاري يلا اقبل اقبل وكل واحد بفوت الجامعة لو كان حمار رح يتخرج وبده وظيفة
يا اخي مبينة شو سوق العمل بطلب اطرح قبولات بالجامعات على قده مش كل سنة بتخرج للوطن العربي كله
والشاطر ساعتها بجيب معدل اعلى وبدررس التخصص اللي بباله واللي ما حالفه الحظ ساعتها رح يضطر يفكر بالمهن اللي بتسولف عنها مهما كانت
اما كل الاردن معها شهادات وبدك تشغلهم يمسحوا سيارات ... ارحمني مشان الله
رمزي علي
09-10-2012 04:19 AM
وزارة العمل منوط بها مسوؤليات جسام ولكن!!!!!!!!!
السؤال الكبير هل تقوم بواحبها خير قيام؟؟؟؟؟؟؟؟؟؟؟
يعني انا قبل يومين قريت ان وزارة العمل قامت بظبط وتسفير اكثر من 300 ممرضة اجنبية من الاردن
السؤال هل تقوم الوزارة بعملها خير قيام؟اوانها محكومة بالفساد انا متأكد انها كانت تعلم بوجود هذا العدد من الممرضات الاجنبيات المخالفات بس المواطن لايعلم وهل هناك مخالفات اخرى؟؟؟؟؟؟؟؟؟اكيد ما حدا بحاسبهم بشتغلوا حسب المزاجية او................
د. أبو أوس
09-10-2012 06:49 AM
يا وكيل ويا معد المقال الوافد أوّلا يسكن مع مجموعة اشخاص في بيت فلا يكلفه شيئا في الشهر. بينما نحن عندنا عائلات فنسكن في بيت في الإيجار وأنت تعلم ارتفاع الأجرة.
الوافد يا وكيل لا يدفع ضرائب.
ومصروفه مصروف عزاب لا مصروف عائلات، وأنت تعلم أن أكثر المتطلبات لأفراد العائلة لا لرب الأسرة.
يا وكيل الوافد إن وفر شيئا فتفرق معه في العملة عندما يحولها إلى بلده، إضافة إلى الحيارة الرخيصة أيضا في بلده.
فاتقوا الله فينا
حبيب المملكة
09-10-2012 09:11 AM
بدهم ندرس سنين في الجامعة وناخذ اعلى الشهادات عشان نشتغل عمال نظافة (مع كل احترامي وتقديري الهم) أو بدهم نشتغل ب200د و250د
طيب يا محترمين خط الفقر بلسانكم بتحكوا تجاوز 580د , كيف بتطالبه رب اسره يدفع اجار البيت ويطعمي اولاده ويدرسه ويعالجهم ويكسيهم ب200د
إثقي الله يا صاحب هالمقال , أسيادنا في السعودية صار أقل راتب عندهم 1000 دينار أردني
عمرعبدالعزيزالعبادي
09-10-2012 11:44 AM
اقترح على الوزراء والمسؤولين تشغيل ابنائهم في الوظائف التي يعزف عنها الشباب لكي يكونوا قدوه للاردنيين للتخلص من ثقافة العيب
محمد ربيع
13-10-2012 10:48 AM
تحية اكبار واجلال للمشرفين على الموقع وشكرا كثير للكاتبة اللي قامت وشرحت هالمشكلة لكن بصراحة احنا مشكلتنا اكبر من هيك اكيد انه الطالب الجامعي لازم يوخذ استحقاقه ويشغل وظيفة جيدة هذي مافيها نقاش ربنا عز وجل يقول هل يستوي الذين يعلمون والذين لا يعلمون لكن بصراحة احنا مشكلتنا في هالدولة الوافدين اللي على فكرة وضعهم احسن من اي واحد في هالبلد واللي بستخدموا مقدرات هالبلد اكثر من اي مواطن وكانما لهم الحق في كل شيء وتزيد الجرأة وتصبح وقاحة من الوافد بحيث يصير يحجز لصاحبه بالباص والاردني ينزل عادي وين دور الدولة هون من شان الله بنا تدخل سريع يا عمي احنا مقدرات بلدنا قليللة بمعنى شحيحة اطردوا الوافدين اذا السعودية اللي قادرة تصرف على الشعب العربي كله بتسعود الوظائف وبتطرد الوافدين شو يا عمي اشعروا يا حكومات في هالشعوب بكرة لما تفظى البلد من علق الوافدين رح تشوف كيف رح يصير فرص عمل بس القطاع الخاص اللي قاعد بجرم في اولاد بلدنا عشان يعبي كرشه معتمد على الوافد اللي بوخذ 200 دينار وبقلك طز في ابن البلد بس لما ينمنع الوافد ويتسفر بصير القطاع الخاص بده يوظف وبده يرفع رواتب وشوي شوي بنشال هالظلم
الى صاحب التعليق رقم 24
27-11-2012 03:23 AM
الى كاتب التعليق رقم 24 بالنسبة الى مغامراتك و تجاربك العملية في الشركات التي عملت فيها و بالنسبة للكلام عن الشركة الاردنية التركية (تولاي)اود ان اوضح بعض الامور التي تناسيتها في المقال اولا انت الذي اتيت الى موقع الشركة بمحض ارادتك وقد كنت على علم بانك سوف تقوم بدفع مبلغ 5 دنانير رسم بريد سريع للادارة في تركيا ثانيا قام المدير باعطائك وصل مروس باسم الشركة وكل تفاصيل الشركة موجوده على الوصل فمى قيمة الختم؟؟؟ثالثا قامت الاداره بالاتصال بكل الاشخاص الذين اجتازوا امتحان الذكاء ومن ضمنهم انا وقد عينت و انا الان عامل لدى الشركة بوظيفة مشرف قسم تكنولوجيا المعلومات وقد عينت الشركة ما يقارب الخمس و خمسين شاب يحملون شهادات الكمبيوتر رابعا لقد تم التعيين بناء على اسس محدده من قبل الاداره الام في تركيا وان المدير الاقليمي للشركة ليس له علاقة بموضوع التعيين خاصة وانه قد تم اجراء مقابلة اخيره مع اصحاب القرار في الشركة الام و هم اتراك الجنسية خامسا لا يجوز لاي شخص تاويل الامور بالشكل الذي يراه مناسبا وانما يجب ذكر الواقعة كما هي من غير زياده و لا نقصان ولا يجوز من ادارة موقع الوكيل الاخباري وضع تعليق السيد محمد لانه يحتوي على اسم شركة وان التعليق بمضمونة يمس مصداقية شركة حيث ان الموقع يحظر ذكر اية اسماء سواء كانت شخصية او اعتبارية الرجاء من ادارة الموقع مراجعة التعليق رقم 24 وعلى اي اساس قد تم نشره ؟؟؟؟؟؟
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك