•  
  • اجعلنا صفحتك الرئيسية
أخر الأخبار
الإخوان: ارتفاع عدد المعتقلين السياسيين إلى 18 القضاه يلقي خطبة الجمعه في الزرقاء مرتكب حادث دهس جنون يسلم نفسه للاجهزة الامنية امام وزير الخارجية ... منحه من قبل وزارة البيئه صور :: دخول المنخفض الجوي سماء المملكة الاجهزة الامنية تداهم منزل المهندس الزيتاوي في طبربور صور :: عمدان الكهرباء تتساقط في بلدة الزعتري وحياة الاهالي في خطر الدفاع المدني يحذر ''داعش'' يشن أعنف هجوم على الرمادي من أربع محاور صور :: الملك يلتقي إمبراطور اليابان إربد: مسيرة تطالب بالإفراج عن بني ارشيد ووقف الاعتقالات توقيف نائب المراقب العام للاخوان المسلمين 15 يوما في سجن الجويدة نتائج زيارة الملك الى اليابان الضفة تنتفض من جديد الغاء سباق السرعة بعد تعرض متسابق للدهس من قبل حصان الكتلة الهوائية الباردة تبدأ اليوم وتستمر للأحد ترجيح تخفيض جديد لأسعار المحروقات انباء عن اعتقال زكي بن ارشيد وتحويله لمحكمة امن الدوله النسور : 89% خسائر الملكية الأردنية من رأس المال
عمان : "ساندويشة فلافل" بـ دينار وخمسة عشر قرشاً !
الصفحة الرئيسية أخبار محلية عمان : "ساندويشة فلافل" بـ دينار وخمسة عشر قرشاً !

عمان : "ساندويشة فلافل" بـ دينار وخمسة عشر قرشاً !

01-11-2012 02:44 PM

الوكيل- هاشم حسن-  تفاجأ احد المواطنين عندما قام بشراء 'ساندويشة' فلافل من احد المطاعم التي تقع في منطقة الدوار الثاني بالعاصمة عمان ، ان سعرها دينارا وخمسة عشر قرشاً.

وقال في اتصال هاتفي مع 'الوكيل' انه رفض دفع ثمنها ، وغادر المطعم دون ان يقوم بشرائها .

'الوكيل' بدوره قام بالاتصال مع نقيب اصحاب المطاعم والحلويات سابقآ 'رائد حمادة' الذي ابدى استغرابه من السعر الذي تباع به 'الساندويشة' ، 'مستدركاً' انه يسمح للمطاعم غير المصنفة لدى النقابة ، وذات التصنيف السياحي ان تبيع بالسعر الذي تريده .

'الفلافل' هي الاكلة الشعبية التي يلجأ اليها الاردني بعد ان تضيق به السبل في شراء الطعام مرتفع السعر ، وقد وصل سعر 'ساندويشته' الى ما يعادل سعر نصف دجاجة ، فما البديل يقول المواطن صاحب الشكوى ، في حال اصبح سعره ليس بمتناولنا .



nesrin
01-11-2012 02:48 PM
بالرابية فيه كمان مطاعم بتبيع سندويشة الفلافل بدينار
نقابي
01-11-2012 02:50 PM
بس يا موقع الوكيل ..... رائد حمادة مش نقيب نقابة اصحاب المطاعم والحلويات هذا رئيس نفسه ومطاعمه بس رئيس النقابة الشرعي والقانوني اسمه عمر عواد وهذا بقرار محكمة التمييز واذا بدك رقم قرار المحكمة بعطيك اياه واحكي مع وزارة العمل واسأل ....هذا نقيب مغتصب للنقابة بالبلطجة والبودي جاردية
المحترم
01-11-2012 02:51 PM
هههههههههههههه
جواد
01-11-2012 02:52 PM
يا هل ترى في وزير او رئيس وزرى بكلو سندويشة فلافل عشان يعرفو سعرها والى اكلهم على احساب الواسطات
يالله مالنا غيرك يالله
محشش
01-11-2012 02:52 PM
فلافل محشي جاج
sheren
01-11-2012 02:52 PM
اكيد هاد محل جست فلافل وهو شو موديه عليه..مبين انه غالي من اسمه
محمد يوسف
01-11-2012 02:52 PM
والله الحق على الشعب ,, الحكومة بترفع و نايمين فأكيد بيحكولك بنرفع و الشعب نايم و كان الله بالسر عليم ,, صارت اغلى من سعر الفلافل بأستراليا ههههههه
سلوووم
01-11-2012 02:53 PM
في احد المطاعم في شارع الجادنز طلبنا 4 صحون حمص وفول ومسبحه ومتبل واربع كاسات شاي اقسم بالله دفعنا 16.5 دينار اردني ونص دفعنا واطلعنا وطول الاسبوع واحنا متنكدين وكل ما نتذكر نضحك ونقول لو رحنا اكلنا مشاوي ارخص حسبي الله ونعم الوكيل
علي البكر
01-11-2012 02:54 PM
وياما حنشوف لانه فيه ضعاف نفوس كثير بالبلد منهم لله ( حسبي الله ونعم الوكيل )وأيضا احنا شجعناهم على هيك غلاء لان لا يوجد رقيب عليهم ولا يخافون الله
مواطن غلبان مشتهي سندويشة فلافل رخيصه ونضيفه
01-11-2012 02:56 PM
كأني عرفتوا هالمطعم .... ههههههههه عجبتني انه رائد حماده مستغرب هدا الشي .. ع اساس انه السندويشه عندو في مطاعموا رخيصه .. ما هيه سعرها السندويشه ويادوووووب تكفي ولد صغييير ببيعها مش اقل من نص دينار .. ولا التاي معطم ابو جباره حبة الفلافل عندو " 6 قروش " ع شو مش عارف " ههههههههههههه جد شر البلية ما يضحك
ابو علاء (1)
01-11-2012 02:56 PM
اخوي المعترض ع الفلافل و اسعاره ميكون لك فكر اذا ارتفع السعر اكثر من الدينار وربع بوعدك انني سأفتح مطعم يقدم وجبه التبن اذا كان ارخص حتى برطع يا الحبيب
أحمد
01-11-2012 03:01 PM
رائد حماده صاحب مطاعم وأسعارها مبالغ فيها جدا ليش هو نفسه مستغرب أنا مش عارف يستحي على حاله شوي
مستغرب جدا
01-11-2012 03:01 PM
يعني مش لاقي يشتري فلافل غير من مطعم راقي بمنطقة غالية ؟؟؟ و قديش متوقع يعني 20 قرش ؟؟ يروح يوكل بمنطقتو شاطر يتفلسفو عالعالم ما بعرف صاحب المحل قديش دافع ايجار بالمحل او كم عامل عندو او او او او هاي كلها تكلفة بتنضاف عالسلع الي ببيعها
نادره
01-11-2012 03:01 PM
ههههههههههههههههههه دنيا اخر زمن
koza
01-11-2012 03:04 PM
مش بس عالدوار الثاني كمان في مطعم في عمان تفاجئت بسعر 6 ساندويشات فلالفل 4.8 اربع دنانير وثمانون قرش
فلالفل والله فلالفل مش شاورما يا ناس
shosh
01-11-2012 03:04 PM
ما حدا حكالة يروح ياكل من محل عالدوار التاني ازا ما كان معه مصاري!! البلد مليانه محلات فلافل ارخص بكتير
laith abu rumman
01-11-2012 03:05 PM
والله يا بلاش
طفران وفاضي اشغال (معلم حكومي)
01-11-2012 03:06 PM
1.15 دينار وخمسة عشر قريشا يا رجال رخيصه كان واكلتها وريحتنا هي بس على سندويشة الفلافل واقفه مهو صحن حمص مع كاسة شاي صار يكلف 2.5 بمطاعم شعبيه جاي انت على الدوار التاني توكل فلافل كان اكلت هوا وظليتك ساكت احسن الك والنا ليش بتفتح مواجع علينا وتسم بدنا
jordan khaled
01-11-2012 03:11 PM
بدنا نصير نوكل ساندوش تراب بس خايف يصير الو سعر كمان على زمن عمر ابن الخطاب رضي الله عنه قال لصحابة ازرعو فوق الجبال القمح لكي لا اسال عن طير جائع اليوم الانسان جائع يا امير المؤمنين
سلطيه
01-11-2012 03:11 PM
طيب عادي ليش مستغربين روحو على تاج مول وشوفو كم سعر الساندويشه:ب 3 دنانير ونص
telly61
01-11-2012 03:16 PM
لماذا الاستغراب ؟؟؟؟ وجبة في احد مطاعم دوار الواحه المتخصصه في الحمص والفول مكونه من صحن فول وصحن حمص و10 حبات فلافل وكاسين من الشاي كلفتني 14.45 دينار والفاتوره موجوده معي اذا احببتم رؤيتها
محمد العلي
01-11-2012 03:17 PM
مش تغير رائد حمادة و بطل نقيب المطاعم ؟
reem alasmar
01-11-2012 03:21 PM
هههههههههههههههههه وقفت على سندويشة الفلافل؟؟؟؟؟؟؟؟ عدو كم شهر بننسى شو يعني خبز هاد الطبيعي عنا
عبدالرحمن
01-11-2012 03:21 PM
عند شي بحزن كني نشتري سندويشة الفلافل ب15 وهلاء مطعم ابو جبارة 90 قرش الساندويش
معناتو هادا الواحد اذا بدو يشتري حبتين اكلت هو معاه
الله يعينا يا رب
ranoosh_o@yahoo.com
01-11-2012 03:26 PM
يرحم حاله النقيب رائد حمادة من الاستغراب!!!!! لسبب بسيط انه مطعم حمادة ومش بس اللي بعمان اللي بالزرقا عالاتوستراد بجانب السيفوي ازا حابين تتأكدوا ببيعها بدينار و 15 بكفي استهزاء بالعالم وانه مستغرب يا حرام!!!!
الشعب الاردني الواعي
01-11-2012 03:35 PM
الى من يسمون انفسهم بالمعارضه الا يستحق صاحب هذا المطعم ان تقفوا في وجهه وان تعتصموا امامه لانه ينهب اموال الاردنيين بغير حق؟ كم تكلفه ساندويشة الفلافل؟انا وانتم متاكدين انها لا تكلفه 15 قرش ويربح دينارا .اليس هذا حرامي اكثر من باسم وغيره؟ام انه من جماعة الحراك ايضا؟ولا تستطيعون ان تفضحوه؟ نريد الجواب منكم
مواطن مدعوس
01-11-2012 03:37 PM
النا الله وخبز الجيش
zeyad madridista
01-11-2012 03:38 PM
يلعن عرضها حق سندويشتين شورما و علبة بيبسي .....
9840
01-11-2012 03:45 PM
على المتضررين تقديم شكوى لنقابة الموتى رحمهم الله .
مواطن اردني مقهور
01-11-2012 03:51 PM
انا بتفاجأ من اللي عم يتمسخرو من الكلام واللي بيحكي ليش تاكلها بالدوار الثاني روح كولها بالبلد لا ياخوي هذا مواطن اردني بياكلها وين مابيريد شو الغربية وشو الشرقية بس فعلآ سرقة واضحة بمطاعم الفلافل ولافي رقابة اسعار ولا هم يحزنون كل واحد بيشتغل على كيفو وللسيد ابوعلاء المحترم رقم 11 هذا التبن كلو لحالك الناس مش حمير عندك استحي على حالك وشكرآ الوكيل على طرح هالموضوع لأنو بيكفي غلا والله حرام هذاك اليوم صحن حمص وصحن فلافل وفتة وكاستين شاي 11 دينار بشارع المدينة اي خافو الله
يلا مع بعض
01-11-2012 03:52 PM
ليش مستغربين مين فيكم بقدر يحصل ساندويشة فلافل اقل من 35 قرش بدي واحد يجاوب
ايام زمان
01-11-2012 04:06 PM
الله يرحم ايام التسعينات لما كان قرص الفلافل بقرش واكبر سندويش ببريزة
متابع
01-11-2012 04:32 PM
000000000000000000000
ابوطقم
01-11-2012 05:04 PM
بدي احكي ابساطه ليش مكبرين الموضوع ثمن ك الخبز ربع دينار وبتشتريلك بربع فلافل ومعهن كيلو بندوره هاي دينار وعلبتين ببسي هاي دينار ونص عثنين كل واحد بدفع ٧٥قرش وكل وانطم
فضولى
01-11-2012 05:28 PM
ياجماعة الدينار لصاحب المحل والباقى رشاوى
محمود خليل (روسيا)
01-11-2012 05:34 PM
والله انا مستعد ادفع عشرين دينار بس اكل ساندويشة فلافل انا بالنسبه اللي الفلافل احسن من خروف لانه صرنا نتمناه في الغربه واي واحد مغترب بايدني في هذا الكلام بس الحمدلله على كل شئ وكل عام وانتم بخير
مغترب دبي
01-11-2012 05:49 PM
أنا مش مستغرب ... في حدا بعرف قديش الإيجارات صارت بالدوار الثاني.... يعمي صاحب المحل معذور التكاليف اليومية عالية... الله يكون بعون المستهلك المسكين...
حسام القيسي
01-11-2012 05:56 PM
يعني فكركو سندوش الشاورما السوبر بدينا بتسوى دينار . فكيف يعني سندويشه الفلافل بدينار على ايش . والله المفروض الشعب يقاطع بجد .
medo mix
01-11-2012 06:04 PM
والله يا جماعة انا متعجب العالم وصلت القمر....وبتدفع مليارات وبلايين عشان اطور شعوب وافكار عالم وانتو لسة بتحكو بساندويشة فلافل ودينار!!!شو هو الدينار والعشرة والمية))عالم غريبة
shadi ana dari
01-11-2012 06:08 PM
مع مخلل ولا بدون على اساس انه رائد حماده سندويشاته ارخص روح بلا هبل
معاذ ( اكرانيا )
01-11-2012 06:20 PM
عادي جدا انا بشتري سندويشة فلافل في اوكرانيا من مطاعم عربيه ومش كويسه السندويشه تقريبا 5 دولار ما يعادل ثلاث دنانير ونص اردني
والي بالاردن بتسوى منها مليون مره
اسامة محفوظ
01-11-2012 06:22 PM
الواحد يوكل دجاج احسنلو
سمير
01-11-2012 06:35 PM
هي نتيجة تعويم الأسعار , شكرا للحكومات الأردنية على قرار تعويم الأسعار الي عبى جيوب رؤوس الأموال مصاري و خلى جيوبنا مخزوقة , بعدين هي وقفت على سندويشة الفلافل مكل أشي نار و الأسعار مولعة على الاخر وروحوا على المولات وشوفوا الاسعار , ياحبيبي بدك قرض 30 ضعف راتبك عشان تتسوق بالمول و تقعد تاكلك وجبة وتشربلك شغلة وتشتريلك لبسة , ولكوا ارحمونا مشان الله ارحمونا مش هيك الاسعار كمان شوي شوي علينا . وبالنسبة لأبوعلاء والتبن فبحب احكيلوا استحي على حالك والتبن هاظ لأشكالك عيب عليك هاظ الحكي فعلا الي استحوا ماتوا
abo weshahe
01-11-2012 06:48 PM
الله اكبر ابو جباره بتفكر حالك طالب كباب اسعار خيالبة خبة فلافل 4 قروش رغيف خيز فاضى 10 قروش لحسة حمص بدينار اتقو الله فى الشعب اذا الاكل الشعبى هيك اسعاره شة اخبار الكباب قديش سعره صار ارجو الاجابة
قاعد بدون شغل
01-11-2012 06:49 PM
ههههه والله اشتريت كاستين شاي واعطيته ليره وما عجبته انا مفكر يرجع باقي(هاظ الحكي بكفتيريا بشارع المدينه المنوره
محمد الفقعاوي
01-11-2012 07:00 PM
عمي اجارات المحلات في عمان الغربيه اكثر والتزاماتهم اكثر ومصاريفهم اكثر
فمن الطبيعي جدا انو يكون مرابحهم اكثر من ثما الشئ عرض وطلب حد ضربه على ايده يشتري من مطعم اسعاره غاليه للاسف ما شفت واحد علق تعليق مثل الخلق عمي في مطاعم عالدوار الاول والثاني ووين ماكن عندهم سندويشه فلافل بربع دينار وبعدين عالدوار الثاني عندو مطعم شاورما من افخم مطاعم البلد بيبيع سندوش شاورما بدينار الي هو مطعم الريم ليش بتعملو من الحبة قبة يعني صاحب المطعم جابو من الشارع وقلو تعال اشتري مني كلمه بين قوسين هذول المطاعم مش فاتحين لااولاد البلد للسياح والناس المقرشه الي بتفرقش معهم اليره والخمسين كل واحد عارف الصحيح بس احنا شعب بنحب نعمل من الحبة قبة وشاطرين بالكلام والتعليق عالامور التافه وبس وللعلم بجوز يكون سندوش الفلافل بخبز صاج على طريقة الشاورما وهذا معروف انو بدينار ودينار وربع لانو مش كل المطاعم بتعملو
الله بعين
01-11-2012 07:41 PM
يا شباب قلاية الامن والامان زاكية ومغذية ورخيصة
ناصر الحاج ياسين
01-11-2012 08:00 PM
لما يجي موظف الضريبة شو بجاوبه
البائع:سعرها حسب اللائحة 250فلس
وعنا ارخص اشي
ناصر الحاج ياسين
01-11-2012 08:14 PM
والله يا سيد محمد لما يأتي موظف الضريبةويسأل عن سعر السندويشة بتصير حسب اللائحة ب250 فلس بالأضافةالى مقبلات
مع ابتسامة جميلة
عبيد
01-11-2012 08:42 PM
والله اسعار البلد كلها صايرة مثل اسعار الذهب والالماس - بصراحة صار الوضع لايطاق ولازم يزيدوا كل موظف على الاقل 200 دينار زيادة بدل دعم محروقات يضيفوه بكشوفات راتبه اما تقولولي بدهم يزيدوا خمسين دينار شو بدهم يعملوا اي والله شريت بوية احذية اجلكم الله من اتفه نوع تفاجات انو ثمنها دينار !!! شو هذا ياناس وين احنا
هس بصير الفلافل مسمم
01-11-2012 08:55 PM
طيب اصبر ياخي لما تروح ع داركم او تميل ع البلد او الي تعودت تشتري من عندو ،، يعني مش عارف المنطقة الي شريت من عندو صاحب المحل واصحاب المحلات لما يبيعوك سندويشة يا قلبي ،، في منهم ماخدين محل حقو اضعاف من المحل الي قريب دارك او الي بتشتري من عندو الفلافل حقها 10 قروش ؟؟؟ يعني مش ضروري تشكي ومش ضروري تعمل هاللخة عشان والله واحد باعك سندويشة حقها دينار واشي ،، خلص متل ما عملت ما بدي وغالية ويعطيك الف عافية ،،
ابو النور
01-11-2012 09:58 PM
انشالله ما يكــون مدعـوم
!؟؟؟؟؟؟؟
01-11-2012 11:03 PM
على رأي ماري أنطوانيت يأكل بسكوت
بوتين
01-11-2012 11:09 PM
الى صاحب التعليق 36+41
يا سيدي ارجع عروسيا او اوكرانيا وعيب عاللي يوكل فلافل و حمص وكنافه كمان
رد على الاخ محمد الفقعاوي
01-11-2012 11:23 PM
اخي محمد والله انك سبقتني بالتعليق انا لسا بدي اكتب تعليق مماثل لتعليقك تقريبا ولكنك سبقتني وبحب أؤكد على كلامك ويا جماعة يعني اول اشي مش في قائمة اسعار موجودة قدامه !! ليش ما شاف سعرها !! بعدين زي ما حكى الاخ محمد المطاعم في منها بتبيع ساندويش الشاورما بنص دينار وفي منها بتوصل لثلاثة دنانير وربع !! ولكن الفرق في الجودة وطريقة التحضير وموقع المحل ودرجة تصنيفه وحجمه وعوامل اخرى تأثر على السعر
ابو ماضي
01-11-2012 11:50 PM
انا قبل يومين اكلت ساندويشة فلافل في جبل التاج ولا احلى من هيك وافضل من حماده وابو جباره الحراميه ب 25 قرش... لا تقولوا عمان غربيه او عمان شرقيه كلها عمان اما حكي فاضي...
باسل 10
01-11-2012 11:57 PM
الى رقم 4 اذا الوزير او احد المسؤلين بياكل سندويشه فلافل بـ 35 قرش بنمغص لازم تكون غاليه عشان مستواهم الاجتماعي
جوليان النابلسي
02-11-2012 12:12 AM
كلهم استغلالية وحرامية
انا اجيت من فلسطين واشتريت سندويشة فلافل من منطقة في الجاردينز مع علبة بيبسي اخد مني خمسة دنانير وربع ... اخد الخمسة ماشي بس لليش الربع مش عارف هههههه حرمت اكل الفلافل من هذاك اليوم
حكيتله على شو هيك سعرها اكثر من تل ابيب ولا بحكيلي ضريبة المطعم
لما يشوفو الواحد غريب او لهجته غريبه بمصو دمو هالمطاعم والشوفرية عليهم اللعنة
تدقيق
02-11-2012 12:34 AM
انتبه يا نقابي انه كتب رائد حماده النقيب سابقا وتم وضع كلمة سابقا
وقلة الرقابه بتعلم ......
م مجد محادين
02-11-2012 12:58 AM
هاذ كاه من قانون المالكين والمستاجرين قانون مسعور وسعر الملاك والتجار
واحد مش عارف يعيش في بلدو
02-11-2012 01:36 AM
الله يعين الشعب الاردني من وين ولا من وين بد يتلقاها والله حرام خافو الله فينا ياعالم انتو شو بتفكرو رواتبنا يادوب اول اسبوعين وسلامتك
طفيلي
02-11-2012 01:40 AM
خلي يصير نائب بالمجلس وينزل الاجارات يلي رفعوها وياخد تقاعد مدى الحياة وهيك ولو صارت 5 دنانير بيشتريها
وليمة
02-11-2012 02:00 AM
بكرة عازم شباب اصحابي ع منسف بالفلافل
عمر القطيشات
02-11-2012 02:16 AM
بلا مؤاخذه بعد السندويشة بصير ابيض بترول ولا كيف الوضع ؟؟؟
إلى (36) محمود خليل (روسيا) من ألبرتو
02-11-2012 02:25 AM
يا حبيبي روح على مترو الفيدنخا عند ابو احمد السوري بتوكل احسن صحن حمص ووصحن فول وفتة حمص وصحن فلافل وصحن مخلل وخبز و3كاسات شاي شاي ما بيطلع عليك 500 روبل يعني 8 دنانير , مقضينها بس تتمكتو
shery
02-11-2012 03:35 AM
طيب فهموني ... هي المفروض تكون كم سعرها بالضبط .؟؟؟؟؟؟؟؟؟؟؟؟؟؟؟؟؟؟؟؟؟
محمد محمد
02-11-2012 03:55 AM
يا اخوان انا اكلت قبل يومين ساندويشتين فلافل وميرندا ب75 قرش من مطعم بضاحية الرشيد جنب الشاورما هت واكلو نظيف ومرتب المشكلة مش بالمنطقة راقيه ولا مش راقيه المشكلة لما تروحو تاكل بمطعم زي مطعم ابو جبارة بدك تدفع بدل الديكور والخدمة والتكييف وبدل مي وبدل خدمة متكات وبدك تحط تب كمان للجرسون، بس هون بقول حديث الرسول عليه الصلاة والسلام ( التجار هم الفجار الا من بر وصدق ) الله يشبعكم مصاري عحساب لقمة عيش الفقرا والمساكين ملاحقين العباد عحبة الفلافل
عاشق الاردن الحبيب
02-11-2012 04:46 AM
هلاء الموضوع مش هيك انو المنطقه ولا مش المنطقه هي الشغله في مخافه الله وحسبيه الله ونعم الوكيل في كل ظالم انا كمواطن اردني اناشد جميع المسؤلين عن النقابات والاسعار انهم يكونو دائما باستمرار في تفتيش على جميع المحلات مش بس المطاعم حتى جميع السلع الثانيه لانو كثير هيك صار صارو اغلبهم يرفعو على راسهم الاسعار مهو مفيش حدا وراهم خافو الله في الشعب الاردني الله لايوفق كل واحد بيساعد على الفساد
واحنا بناشد جلاله الملك عبدالله الثاني المعظم ابو حسين الله يديمو على البلد سالم غانم ويطول بعمرو وانا بتوقع انو لو الملك صار عارف عن الي بسير في البلد مش راح يسكت راح يخرب بيت اهلو للي بيعمل كل هاد
علاء الملكاوي
02-11-2012 05:40 AM
انا حابب اقول للجميع حليها على الله - وثاني اشي والله العظيم انو انا حاليا بحلم ارجع عالاردن اشتري فلافل واحمدو ربكو عالسعر مهما ارتفع بيضل ارخص من غيرو انا حاليا مقيم في اسطنبول وحلمي اكل فلافل كل يوم سعره السندويشه 8 ليرات تركي ما يعادل 3 ونص دينار اردني وزي العما وسندويشه الشيش طاووق ب 5 ليرات تركي يعني الفلافل اغلى من المشاوي ومافي اللا مطعم فلافل وحيد باسطنبول لشاب فلسطيني اسم المحل Falafel House
الياسيني الي التعليق رقم ٣٩
02-11-2012 06:50 AM
اذا انت معك الدينار ودينارين والعشره والعشرين والميه.....الخ

فتقي ربك في ناس مش لقيه عشرة قروش
مواطن بس غلبان
02-11-2012 10:53 AM
يعني انا بدي كل يوم 4 سندويشات بيطلع حقهم 4.60 طيب بكمل عليهم وبتزوج احسن ما بوكل فلافل والله يخلينا مطعم ورد وقصر الصنوبر ارخص من هيك بكتير
العقبة
02-11-2012 11:45 AM
يسعد رب مطعم المهندس في العقبة ، بتفطر أحسن فطور وانظف فطور وبتعزم مين ما بدك ، ويا دوب يطلع عن ٣ دنانير حسابك ، والله يا ناس خربتو سمعة الفلافل في هال مطاعم المفشخره ع الفاضي ، اتركونا ع الشعبي والله أزكى في مليون مره . قال نيره و١٥ قرش ،،، يا ساتر يا رب
المستهلك هو وحده بيده الحل
02-11-2012 01:01 PM
انا وانت والثاني والثالث وكلنا جميعا ممكن نجعل الاسعار بالمستوى الحقيقي والمعقول وذلك بمقاطعتنا لكل سلعه تباع في أي محل من المحلات بثمن نشعر انه مبالغ فيه فمثل هؤلاء التجار يجب علينا مقاطعتهم وعدم الذهاب الى محالهم والشراء منهم اما اذا رضينا بغلاء السلعه ولم نبالي ونواصل الشراء فمثل هؤلاء التجار سوف يواصلون طمعهم ويزداد جشعهم . الخلاصه المستهلك هو القادر على تحجيم رفع الاسعار الغير مبرر والمبالغ فيه وذلك بسلاح المقاطعه لكل تاجر برفع الاسعار
الى تعليق 65 البيرتو من محمود خليل
02-11-2012 01:08 PM
اولا روسيا مش حارة او منطقه بلفها بساعتيين اذا انت عايش في قريه في روسيا هذا شئ تاني انا عايش في سان بطرس بورغ واكيد بتعرف هذا الشئ وانا عندي سلسلة مطاعم عربيه واكيد بتعرف كمان انها اغلى مدينه بالعالم بعد موسكو او نفس الشئ القصد انه الها نكهه في بلادنا واطيب مليون مرة من اللي بنعملها هون وانا اكلت في مطاعم عربيه في موسكو فخمه جدا لكن في الاردن الها نكهه ثانيه ولو بتكلف عشرين دينار مستعد اشتريها وياريت تكون فهمت شو بقصد مع احترامي للجميع
الى تعليق 54 بوتين من محمود خليل
02-11-2012 01:12 PM
ياريت لو تترجم بالعربي شو قصدك ارجعو على روسيا
انا اصلا في روسيا وين ارجع؟؟؟؟؟؟؟؟؟؟؟
او شو بتحب تحكي؟؟
محمد وساس
02-11-2012 04:01 PM
عادي الله بعينو هالمواطن الفقير الي رح يصير يعيش على ريحة الاكل
صخري 2012
02-11-2012 04:05 PM
والله صدق سمعه لما قال (( فلافانين )) وتبيع بشريطة مثل الدواء
رووووووووووح طالعه معك ....!!!
نون
02-11-2012 04:08 PM
عند ابو جباره بشارع المدينه المنوره صحن حمص وصحن فول بعشرة دنانير
عدنان
02-11-2012 04:24 PM
هية اجت على سندويشة الفلافل
احمد الحسنات
02-11-2012 04:29 PM
ارخص شي ساندويش الفلافل في اي مطعم من مطاعم مدينة معان ثمنها 30 قرش(نصين) وأزكى من ساندويش ابو جبارة ابو 90 قرش
kinda
02-11-2012 04:54 PM
شريتها بديناريييييييين عااااااااااااادي يا جماعة اجت من الفلافل يعني
تغيير ثقافة الاستهلاك لدينا بمحض ارادتنا
02-11-2012 06:02 PM
ثقافتنا الاستهلاكيه بشكل عام تكاد تكون تحت الصفر . نحن معشر المستهلكين من الممكن ان نساهم بشكل كبير بمحاربة الغلاء الفاحش والغير مبرر لكثير من السلع وذلك بأحجامنا عن شراء السلع التي نشعر ان سعرها مرتفع بشكل كبير وعلينا ان نتناصح فيما بيننا عبر وسائل الاتصال الحديث بحملات مقاطعه لكل السلع الباهضة الثمن والمبالغ بثمنها وكذلك لا بد من برامج ارشاديه تقوم بها مؤسسات المجتمع المدني التي لها اهتمام بهذا المجال هذه خطوات لو قمنا بها سوف تسهم بشكل كبير في استقرار الاسعار عند مستواها الطبيعي
روحت ......!
02-11-2012 06:06 PM
يعني لو الشغله موقفه على الفلافل بسيطه ياما حتشوفي ياعيني الغاز والبيض وكل شي رح يرتفع مع حكومة النسور لقو عن روسكو يااردنيين ورح يضحكو عليكو ب10 دنانير ورح تسكتوا وما رح تحكو ورح تقولو اهم شي الامن ورح تنسو انو اولى شي بالامن هو تامين الحاجات الاساسيه والحياه الكريمه وبرضو رح تسكتو ورح تنتشر الجريمه من وراء الجوع وما رح يقدر حدى يحكي حسبي الله ونعم الوكيل
الاء مقبل
03-11-2012 11:17 AM
والله مش كل سندويشه فلافل سندويشه , كيف لو جرب مطعم ماما غنوج بعبدون السندويشه 1.75 بس صدقا ولا اطيب من هيك سندويشه سوبر بخبز صاج وفلافل محشي مع صوص الطحينيه ومخلالات بس جد لزيزه كتيرررر
خالدمحمدداود
03-11-2012 11:27 AM
هههههههههه الله وين
jozeef
03-11-2012 11:49 AM
انا ما بحب اضيف اشي اكتر من الي حكاه محمدى الفقعاوي صاحب تعليق 46 لكن احنا بنحب نتفلسف ونتذمر عطول وانا متاكد انو معظم اصحاب التعليقات البايخة بعرفو اجةر العمال واجور المحلات هالايام كم بتوصل وشكرا
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك