•  
  • اجعلنا صفحتك الرئيسية
أخر الأخبار
صور :: ضبط مواد غذائية فاسدة في احد المصانع بعمان صور :: مياه الامطار تداهم المنازل في بارحة اربد ذبحتونا : الاستثناءات في تخصص الطب تزيد عن85 % المحكمة العمالية تمهل وكيل نقابة العاملين في الموانئ والتخليص لتقديم بيناته لماذا توقف العمل في مدرسة الباسلية للذكور في الجيزة ؟! «الجيولوجيين» تجدد المطالبة لإضافة لقب مهندس لمنتسبي النقابة الأردن يشارك في الدورة 61 للجنة الإقليمية لمنظمة الصحة العالمية مخاوف أردنية من استغلال الحرب على داعش لتقسيم المنطقة تربية قصبة المفرق بحاجة 5 مدارس لحل مشكلة الاكتظاظ وزير الخارجية يجري مباحثات مع نظيره السنغافوري الملك يزور القيادة العامة للقوات المسلحة الدعوة لزراعة القمح والشعير صور :: انقلاب شاحنة تحمل مركبات "حديثة" على الصحراوي الاشغال ..طالبنا بحماية امنية من اجل استكمال شارع من نحلة الى ريمون. بدء محاكمة المعتقلين على خلفية احداث حي الطفايلة الصحة تعلن عن جولتين جديدتين للتطعيم ضد شلل الاطفال وفاة شرطي بعيار ناري في سجن سواقة صور:: قصة المسن الذي افترش قارعة الطريق وفاة شخص وإصابة اثنين آخرين في حادث تدهور بالمفرق عناوين الصحف الأردنية اليوم الاثنين 20/ 10 / 2014 (فيديو)
تعرض طفل في الصف الثاني لضربة بشفرة في احدى المدارس الخاصة
الصفحة الرئيسية قضايا ومشاكل تعرض طفل في الصف الثاني لضربة بشفرة في احدى المدارس الخاصة

تعرض طفل في الصف الثاني لضربة بشفرة في احدى المدارس الخاصة

16-05-2012 03:15 PM
تعبيرية

انا والد الطفل قصي والذي تعرض منذ البارحة وداخل حرم صفه وامام المعلمة لضربة شفرة في يده من طالب اخر في الصف وان المدرسة اتصلت بي لارساله للمستشفى دون ادنى احساس بالمسؤولية اود ان اعلم من هو المسؤول عن الحفاظ على اطفالنا داخل حرم المدرسة ؟

هل فعلا المدرسة غير مسؤولة ؟



بشار سعيد عبد القادر الكيلاني
amoonef18111981@hotmail.com



مواطن ومعلم واب ايضا
16-05-2012 03:35 PM
يعني بصراحة انت زعلان على ابنك بس لو حطيتو الحق على المعلمة او الملعم هو من وين بدو يلاقيها ولا يلاقيها
يعني شو رايك بكل صراحة يتفتش كل طالب قبل ما يفوت الصف وكل معلم يفتش الطلاب قبل الحصة لا بالله درسو
المفروض الطلاب الي مثل الطالب الي معاه شفرة هاد ينحط هوا وابوه وعيلته بالسجن عشان يصير عبرة مش تحكيلي هل المدرسة مسؤولة ولا مش مسؤولة المدرسة وجدت للتوجيه والارشاد للطريق الصحيح والمساعدة في التعليم مش عشان تربي الي مش مربى من عند دار اهلو بعدين الي بتحكيلي بالصف الثاني معاه شفرة هاد معناها ولد ابن.... يعني لو وصل الصف ال10 بككون معاه ام 500 مثلا ولا انا غلطان؟؟؟؟
كساسبه
16-05-2012 03:36 PM
أخي بشار الحمدلله ع سلامة ابنك، كذلك المفروض ذكر اسم المدرسه لانه سيحد من اللامبالاة لديهم وشكرا
رائد حباق
16-05-2012 04:44 PM
اول اشي حمدلله على سلامة ابنك وبحب ارد على الاخ المعلم واقوله انو المدرسة او المعلمين لهم جانب كبير من التربية مش بس التعليم لانو التربية قبل التعليم احنا زمان وفي مدارس حكومية كنا بس نسمع اسم المعلم نخاف ونصير نرج الان المعلمين بس همهم على الرواتب وزيادة الرواتب والله يجعل الطلاب ما يتعلموا المهم انكو وانا ما بعم الكل بس الاغلبية من المعلمين همهم الاول المادة فقط ولو كان هنالك ضبط وحزم في المدارس لما استرجى الولد ومهما كانت البيئة الي بيعيش فيها انو يحمل شفرة معه
نداء عمرو
16-05-2012 05:20 PM
اولا الف سلامه عليك يا قصي ثانيا انا والدة الطفل اللي قام بجرح قصي انا بتوجه بكلامي الى مواطن ومعلم واب قبل لا تتسرع في الحكام على الناس والفروض هاي صفه ما بتكون عند استاذ الولد ما دخل المدلرسه وهو معاه شفره يااااااستاذ اللي انجرح قصي فيها طانت شفرة برايه انكسرت عندهم بالصف وبما انك دافعت عن المعلمه يعني بتعرف بالزبط كم الهمال الموجود لما طفلين عمرهم 8 سنين يلعبو بهيك شي واحد يجرح التاني ويرجع يجرح حاله وكل هاد داخل الحصه والمعلمه موجوده بالصف ولا معها خبر وطبعا من وجهة نظرك لازم الطفل ووالده ينحطو بالسجن عشان المعلم يكمل نومه بالعسل
عبد الله الزبيدات
16-05-2012 06:23 PM
الحمد الله على سلامتو الله يجيب الي فيه الخير
نور فايز
16-05-2012 06:39 PM
سلامات قصي، يا أستاذ يا مربي الأجيال، الموضوع ببساطة ولاد صغار و بلعبوا سوا يعني ما كان في نية اذية ابدا، براية قلم و انكسرت، فلان سأل قصي مد إيدك و انجرح و زعل، فقام فلان بجرح نفسه على يده حتى يورجي قصي انها ما بتوجع. هذا هو كل الموضوع. المدرسة ما أعطت تقرير لأبو قصي و ماطلته. حتى قام أبو قصي برفع شكوى بمركز الأحداث على فلان و الذي قام بالتوقيع على تعهد و هو أذكركم بأنه في الثامنة من عمره. و قد عرض على أبي قصي أن يأخذ قصي على مستشفى الأردن إلا أنه رفض متحججا بالأزمة قائلا بأن لديه معارف في مستوصف. و مش رح أحكي باقي القصة فهمكم كفاية بس بستحلفكم بالله، مستاهلة؟ وجب التوضيح

محمد
16-05-2012 07:02 PM
الى كل المعلقين وبالذات ابوي الطالبين ولأنه من الاسهل وضع اللوم على المعلم فأراكم تستبيحونه بل اجزم انه اذا وقع ابنكم في البيت ستقولون ان السبب هو المعلم ساقول لأب الطفل الاول هل علمت ابنك على فرض سخصيتة امام الناس وامام وملاءة بشكل خاص اعتقد لا واجزم انت من النوع الذي يصرخ بابنة ويضربة اذا ما ازعجك امام الناس فلو كان لأبنك شخصيتة لما تجرأ علية زميلة ... اما اب الطالب الاخر ( الضارب) هل ربيت ابنك على احترام الناس طبعا لا فلو كنت ابا له في المنزل لحسب لك الف حساب ولكنك من النوع الذي لا يعرف اطفاله الا عندما يعطيعم المصروف ... اما المعلم فهل تعتقد ان له 60 عينا ليراقب جميع الطلاب وهل يستطيع اي منكم يا متفلسفسن انت يجلس فس صف لمدة حصة واحدة اما انت يا كساسبة اي اهمال تتحدث عنه هذا ما تريدة انت والباقين من المعلم ( ان لا يضرب , ان لا يوبخ , ان لا يعمل شئ) وهذا ما تنص علية قوانين البلد فاذا كان فيكم خير فاذهبوا الى وزارة التربية وقولو نريد ارجاع الضرب في المدارس او فعلو القوانين كافة ولكن ان لا نرقص في العتمة واخيرا اقول ان وظيفة المعلم اصبحت التعليم فقط وليست التربية فقد سحبتم بساط التربية من تحت قدمية ولذلك ربوا انفسكم وربوا اولادكم وترمون التهامات جزافا
شيرين
16-05-2012 07:43 PM
يعني يا جماعة الخير
المعلم ممنوع يضرب وممنوع يجرح الولد بكلمة حتى لو تجاوز
اي صراحة صار الاستاذ يخاف الولد يتبلى عليه ويحبسه اذا حكاله وين واجبك
بعدين خلص لازم ينحط ابواب فيها كاشفات عن المعادن والادوات الحادة عشان يتفتشو الطلاب قبل لا يفوتوا المدرسة !!!
ووين الاهل ومن وين الولد اللي في الصف الثاني يعني عمره بس سبع سنين جاب الشفرة ؟؟؟ يا من ابوه يا من اخوه
ووين كانت الام الفاضلة قبل لا يطلع ابنها على المدرسة ؟؟؟ ما شافت في جيبته او سنتته شفرة !!!

الله اكبر
نور
16-05-2012 08:10 PM


ردك يا محمد متناقض، فأنت تتهم الوالدين كما قمت بتحليل نفسيتهما بطريقة الأفلام، كما نصحت بعدم توجيه الإتهامات و ها أنت تفعل عكس النصيحة. الموضوع مادي بحت. اسمع مني
نور
16-05-2012 08:38 PM


يا حلوين الشفرة ما راحت مع الولد من داره. الشفرة هي لبراية قلم الرصاص انكسرت البراية و انفصلت عنها و جرح الولد ما يتعدى ال 3 سم بإيده. اقرأوا بعدين علقوا. لو المدرسة أعطت تقرير و دفعت تعويض مادي أو إعتذرت كان ما نزل هالمقال
مواطن ومعلم واب
17-05-2012 02:19 PM
بصراحة المعلم يا اخ رائد خباق المعلم اسنحبت منو كل الادوات حتى يمارس دوره التعليمي وانت بتحكيلي سوالف طرمة
اسمع هاي الايام الضرب ممنوع والصياح ممنوع و تجرحو بكلمة عشان تربيه ممنوع تحط حد للطالب الوسخ ممنوع
الترسيب بالعلامات ممنوع
اصلا النظام اذا بضل هيك بكون نظام فاشل لانو طلابنا ما بدهم واحد يتفهم وضعهم ويحكي معهم ويناقشهم بصراحة انا ما بعمم على كل الطلاب بس الفئة الي بتسسبب المشاكل لما تلاقي انو الملعم مكتف بصيرو يتمادو وبالتالي بنعكس على بقية الطلاب
هسا القانون لو تعرف يا حبيبي انو اذا اخطا الطالب بدك تطلعلو كرت اصف واذا زادها بتناقشو وبعدين بتطلعلو كرت احمر يا زلمة استحو على دمكو شو يعني انا كاين بمباراة كرة قدم

بالنهاية الشفرة طالعة من بيت اهل الولد والترباية ترباية الاهل مش تبراية المعلم

بعيد وبزيد المعلم يا جماعة دوره توجيهي وتربوي بس اذا الطالب كان لا يحتوي على الاخلاق اصلا لانو اهلو ما ربوه بصراحة كل صف فيه 40 طالب مش معقول اربي فيهم واحد واحد واعطي الحصة كمان
بالنهاية بدكم عملية التعليم تصير احسن ونكون امثال من سبقونا من الاجيال لابد من اعزاز المعلم ودعمة مش وضعه تحت الامر الواقع وسحب كل الصلاحيات منو وهاد السبب الرئيسي للي بصير في انك بتحكيلي المعلم بطلت فارقة معو
الصراحة مش بطلت فارقة معو المعلم قرف وزهق لانو بزبط من هون بيجي قانون او واحد بخرب كل الي عملو
والباقي عندكم
مواطن ومعلم واب
17-05-2012 02:24 PM
بعدين انا اتحدى واحد فيكم تحدي شخصي مين ما كان يكون يجي على مدرسة خاصة بالذات ويجرب يداوم يوم واحد بس على انو معلم جديد وخليني اشوف براعته في ضبط الامور وبدي اشوف ال60 عين الي عنده عشان يراقب حركات كل واحد وبالاخص لما يكون يكتب على اللوح وهو قاعد يشرح
وبالنسبة للاخ الكسساسبة اي لامبالاه هاي الي بتتكلم عنها انت تلاقيك قاعد
بمكتبك ومش سائل عن الدنيا تعال شوف الملعم قديش بتعب ونصابو 25 و27 حصة عشان يوخذ ال 150 دينار وبحاول قدر الامكان يعمل جو مناسب بالرغم من الظروف ولاصعوبات الي بمر فيها وبالاخير بتحكوي على كل حال الي اجرينو بالبنار مش زي الي اجريه بالجنة
amneh
06-06-2012 04:49 PM
انا والدة الطفل قصي بس بحب اوجه كلامي للاخت نور انوا لو كان ابنك بنفس الوضع كان كل كلامك تغير والدفاع المستميت عن فهد واهله ما الوا داعي كون المقال لم يمسسهم اصلا والموضوع لو كان مادي من وجهة نظرك كان طلب منك مبالغ وتعويضات كبيرة مقابل الاسقاط وانا ازاول مهنة المحاماة ويمكن ان استغل هذه النقطة لصالحي هذا فقط لتزويدك بالمعلومة الصحيحة وقصي ادخل الى الطوارئ في مستشفى خاص لحظة وقوع الحادث واكمل علاجه في مستشفى الاردن بناء على رغبة اهل الولد ولم يتحجج زوجي بالأزمة وهذا الكلام الفارغ هذه القصة كاملة للتوضيح فقط وما في داعي اخت نور تأثر فينا العواطف الموضوع طرح من باب تقصير المدرسة فقط ولحماية اطفالنا في المرات القادمة ؟؟؟؟؟؟؟؟
amneh
06-06-2012 05:11 PM
بس بحب احكي انوا الله لا يردنا شو ما بصير فينا لأنوا عمرنا ما بنحلل المواضيع من ناحية عقلانية ومنطقية كل واحد بفكر بالموضوع حسب شو صلتوا فيه المعلم بدافع وبسب على الاهل ويلي من طرف المدرسة او الهم علاقة بالمدرسة وبتوقع منهم نور فايز بتحكيلك الموضوع مادي بحت وانا بتمنى تصير معك مشان حابة اعرف شو رح تكيفي الموضوع مادي ام خوف على ابنك ....المهم توصلت الى نتيجة انوا الله لااااااااااااا يردنا طول ما احنا غير منطقيييييييين
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك