•  
  • اجعلنا صفحتك الرئيسية
أخر الأخبار
غزة : هدنة غير مشروطة مدتها 72 ساعة صور // عين غزال : وفاة بعد سقوط مركبة تستقلها عائلة اسفل السيل الوحدات يلدغ البقعة ويحصد كأس السوبر تردي الوضع البيئي في عجلون خلال فترة العيد شيماء لم تنجح بالتشبث في الحياة المقاومة تقصف عدة مدن وتغرق بلدات إسرائيلية بالظلام احتجاحات على إزالة بسطات في وسط البلد الاردن : افعال اسرائيل خرق للمعاهدات الدولية جلسة طارئة لمجلس الامن بطلب اردني .. المطارات الأردنية ليست بديلا عن "الإسرائيلية" مصادر: مشاورات وزارية بشأن استدعاء السفير الأردني من تل أبيب سموع : شغب واغلاق طرق على خلفية مقتل سيدة صور // مسيرة مسلحة في عمان تطالب بفتح الحدود مع غزة اخر تطورات موعد اعلان نتائج "التوجيهي" الاردن يدعو مجلس الامن الى جلسة لمناقشة الاوضاع في غزة حماس: سنحتفل قريباً بالنصر الدكتوراه لطارق التوايهة فعالية مركزية بوسط البلد دعماً لغزة صورة // اطفال يشربون "النارجيلة" في كوفي شوبات اربد ! صور // طبربور : 12 اصابة في حادث سير مروع
بدل أن تحميه.. "جدارا" تفصل طالبا لأنه مهدد بالقتل
الصفحة الرئيسية أخبار محلية بدل أن تحميه.. "جدارا" تفصل طالبا لأنه مهدد بالقتل

بدل أن تحميه.. "جدارا" تفصل طالبا لأنه مهدد بالقتل

31-05-2012 02:42 PM
جامعة جدارا

الوكيل – خاص - قال الطالب في جامعة جدارا رؤوف حمدان إن الجامعة اتخذت قرارا بفصله لثلاثة فصول دراسية متتالية بسبب تعرضه للتهديد بالقتل، مؤكدا أن الجامعة لم تقم بإبلاغ الأجهزة الأمنية عن محاولات الاعتداء عليه داخل الحرم الجامعي، وأن قرار الفصل الذي اتخذته بحقه قرار ظالم، مبررة قرار الفصل بأنها لا تريد أن تحصل جريمة القتل داخل أسوارها.
الطالب أكد في اتصال هاتفي مسجل مع الوكيل الاخباري أن تهديده بالقتل يأتي على خلفية قضية اجتماعية، وتاليا نص التسجيل الصوتي للمشكلة نضعه أمام المسؤولين:

 

 



مجهوله
31-05-2012 02:51 PM
عقبال عند اللي ببالي يارب .... عقبال عندك يا عيد هههههههههههههههههههههه .. الايام جايه على كل حال
كساسبه
31-05-2012 02:52 PM
الجامعه معها حق يعني احسن يدلخوا بكره واحد برشاش وهات يا طخ :) ما بتعرفوا لانه تجاوزا في الجامعات السكاسكين يعني الله يستر من الجاي :)
Fadi Rabadi
31-05-2012 02:52 PM
بما معناه انه روح انقتل برة مش عنا بالجامعه هيك يمكن فسروها
Rere Ana
31-05-2012 02:55 PM
ماتت قلوب الناس ماتت فينا النخوة يمكن نسينا يوم انه العرب اخوة
Cristiano Madrid
31-05-2012 02:56 PM
هيك الصح.. كيف بدهم يحموه يعني؟ يحطولو حراس شخصيين حوليه؟
معلمة في قرية نائية
31-05-2012 02:56 PM
غابت القيم وغاب الحس والاحساس فياليت الزمان يعيد فينا النخوة والشهامة والاخلاق
Cristiano Madrid
31-05-2012 02:56 PM
هيك الصح.. كيف بدهم يحموه يعني؟ يحطولو حراس شخصيين حوليه؟
Joseph Adv
31-05-2012 02:57 PM
خايفين عمال النظافه يتعبوا وهم يشطفوا بدمه .... هاي جامعات بدها فلوس وبس مين ما يموت يموت عادي عندهم
Asia Al-dawaheek
31-05-2012 02:58 PM
اها جد بيفكرو
نوره تكنولوجيا
31-05-2012 03:00 PM
هاذ تهرب من المسؤوليه والتخلي عن حقوق الطلاب ...
lana
31-05-2012 03:18 PM
ولا يحطو حراس ولا شي ما بدو جميلة الجامعة لانو العتب مش عليها العتب عالساكتين على اللي بهددو بالقتل
ريما احمد
31-05-2012 03:23 PM
المفروض منهم كجامعه يحاول يتدخلو لحل المشكله ويتفادو الجريمه مش يفصلو الطالب ...ولا همه المهم عندهم ما يصير اشي بالجامعه...ومش هاممهم حياة وروح هالشب....مسكين يا مواطن في بلد الامن والامان...
طالبة في البوليتكنيك
31-05-2012 03:28 PM
للاسف احنا عنا بالاردن العلم دايما معروف انو قوي بس انا بعد ما شفت الجامعة العلم صاير مهزلة الدكاترة (نسبة كبيرة منهم) بستغلو البنات مقابل العلامات وتعالو وشوفو البوليتكنيك واسالو ...للاسف
Osama Al Mughrabii
31-05-2012 03:54 PM
الى طالبة في البوليتكنيك انا بعرف انو الكليه هاي يعني نسبه الدكاتره فيها كلهم كبار في العمر يعني ما بعرف ليش بتحكي نسبه كبيره منهم يعني انتي بتحكي عن الكل تقريبا يرجى من حضرتك عدم التعميم
أبن الدكتور علي المغربي :)
من الجامعه
31-05-2012 04:00 PM
ولله اانا من الجامعه وبصراحه الجامعه اكتر من فاشله اذا رئيس لجامعه ما بمون ع اشي ورئيس مجلس الاداره هو بتحكم برئيس الجامعه زي ريموت كنترول !! والجامعه في كتير مشاكل بس من تحت لتحت !! نشاء لله في تسجيلات جاي ع طريق رح نرفعها علكل الموااقع ليعرف الكل شو بصير عنا !! لعب كبير عمستوى !!! نشاء لله خلال اقل من شهر رح يبن كلشي عم يصير من تحت لتحت . وكل اشي رح ينزل علمواقع رح يكون موثق والكل رح يتاكد :D
محمد خصاونه
31-05-2012 04:08 PM
جامعه من القله ...افشل جامعه بالاردن ..مش بكفي كلشي فيها بختلف عنل الجامعة ثاني ..والله بتخزززي الله لايساحمهم ..بكل قرش بندفعو ..فيها
رؤوف حمدان
31-05-2012 04:44 PM
انا الطالب رؤوف حمدان بناشد ايضا الجهات المسؤولة عن هذا العقيد الذي يهدد الجامعه بقتلي حتى يتخذو فيه العقوبة المناسبة وبناشد جلالة سيدنا ايضا لانه قواتنا المسلحة ما تشكلت ونحط على خصرها سلاح الوطن ليهددو فيه حياه المواطن الاردني
Eman Bassam
31-05-2012 04:57 PM
حسبي الله ونعم الوكيل ،، لا اعتقد ان الموضوع يحتاج لفصل الطالب 3 فصول دراسية بسبب قضية اجتماعية ، والعقيد بدل ما يهدد بالقتل يروح يضب بنته بالاول لانه هيك بفضحها اكتر ،، كان المفروض انه الجامعه بدل ما تفصل الطالب تبلغ الجهات الامنية بالتهديد عشان تحفظ حقها وحق الطالب ،، وجامعه جدارا مشهورة بسوء التصرف ولا ننسى قضية الطالب احمد قطيش التي حصلت قبل فترة وجيزة.
yasmeen abo alsameed
31-05-2012 05:17 PM
بتمنى ما حد يدافع عن هالجامعه انا طالبه بجامعه وانا اكتر واحده عارفه شو الجامعه وشو لبصير فيها مو منحاكم دافعوا وصلنا لليوم لصار البنت مسدقه اكتر من حلفان قرأن اي حد برضا بهاد شي جربوا حتو حالكم مكان هاد الشب روؤف من افضل طلاب الجامعه ولكل بأكد هاد الحكي لمفروض كطلاب جامعه نوأف ايد وحده معو ما نتخلى عنو متل ما تخلينى عن طالب احمد درويش\ طالب اعلام نقس شي ونفصل ضلم وكان سبب فصله انو بطالب بحقوقه ولوحيد لنفصل بسبب انو كان ملتحي بتمنى من السءد محمد الوكيل انو يكون مع رؤوف متل ما عودنا يوأف مع كل حد بحتاج انو يوصل رسالته وبتمنى من كل طالب بجامعة جدارا انو يحط حالو بمكانو ونكون اخوان لرؤوف حمدان هو بحاجه لوقفت حق بجانبه
طالبة بجامعه جداارا
31-05-2012 05:42 PM
ع فكرة ما بيصير تحكوا هيك عن جامعه جدارا انا طالبه فيها وما عمري شفت دكتور بيستغل طالبه ومن هاد الحكي التافه .. ليش بطلعوا حكي عن الجامعه اصلا مو موجود ..
بتمنى ما حد يصدق هالحكي الا لما يسأل ويتأكد
والله الجامعه نظامها صعب والدراسه كذلك الامر ..
ما بيصير تضلوا تحكوا حكي مو موجود عن الجامعه والدكاتره
الغزاوي
31-05-2012 05:49 PM
رؤوف من الطلاب المحترمين جدا بس الي صار تبلي بتبلي والله بنات الحرام ما ظل اشي ما عملوه غير التبلي على الشباب الله على الظالم
توتا((بضم صوتي لرؤوف))
31-05-2012 06:00 PM
هو بيفكر البلد مافيها قانون وظز ياعقيد مو عيب عليه هاي اخلائو وبيحكو ليش البلد هيك بيسير فيها ازا الروس الكبيرة مصاصين دم شو بنتوقع بمستقبل هالبلد بس في رب فوق يا رؤوف..وبعدين الله يلعن هيك جامعات خربو سمعة العلم والبيوت العلم انا بضم صوتي لصوتك يارؤوف لأنو ازا سكتنا عن حقك بنسكت عن حقنا احنا كمان واحنا طلاب متلنا متلك ومابنرضى بالظلم بس الله يظلمو
Rami AL-Tobase
31-05-2012 06:37 PM
كل الي صار مع رؤوف تبلي لانه ما بيعرف حد واصل يقف معاه بمشكلته يعني ما معه ((( واسطة)))) وانه الجامعة صارت
أسكت خوفاارضاءللغير . . .
والجامعة تفصله ثلاث فصول على اثر مشكله اجتماعية وهولايستحق هذه العقوبة الظالمة للطالب رؤو حمدان . . .

والله معك يا رؤوف . . .
m7md tawil
31-05-2012 06:43 PM
ما عمري سمعت عن جامعة بتربط المشاكل الاجتماعية بالجامعة و نطاق الجامعة و اللي صار ظلم للطالب رؤوف و الطالب ما اساء بأي شي يمس الجامعة , و اذا الجامعة بدها تتخذ الإجراء الصح مفروص تفصل الطالبة , اللي مو عارف كيف مستغنية عن سمعتها بالسهولة هي , و حسبي الله على هيك جامعات اللي ما بتحافظ على شرف مهنتها , يا اخوي يا رؤوف بحب احكيلك كن مظلوم ولا تكن ظالما , و رب العالمين ما بنسى حدا, و انا بضم صوتي لرؤوف و بناشد وزير التعليم العالي يحاول يعرف شو اللي بصير داخل الجامعات, لأنو هي امانة و رح يتحاسبو عليها يوم القيامة
سامر جميل
31-05-2012 06:48 PM
yasmeen abo alsameed اانا معك بكل كلمه حكيتها يا ريت ماحد يدافع عنا طالب او موظف !! وبضيف لتعلقيك شغله !!

سؤال بنوجه لرئيس لجامعه ورئيس مجلس الاداره الي اكيد عم يقروا الخبر

ليش ببتطلو من الدكاتره عنا بلجامعه ترسيب اكبر عدد من الطلاب عشان اعاده الماده !! يعني ااذا ارباح الجامعه صارت مليون وطلابها خبرتهم ومعرفتهم بتخصصهم فاشليه هيك بتكون ناجحه الجامعه !!!

ولما حضره دكتور رئيس الجامعه بتواسط لطالب من نفس عائلته عند دكتورفي فسم المحاسبه كان رد الدكتور ما الحامعه طلب مني ترسيب ببيجي الرد من رئيس الجامعه انا هيك بدي ناس وناس تنجح وتجيب علامه !! ودكتور حكاها لكل الطلاب وحكا اخر فصل الي بلجامعه خلي سياسيه الجامعه هيك بعمرها ما بتتطور !! ولي مش مصدق يسئل طلاب المحاسبه وفي طالبه سجلت تسجيل صوتي للحكي ورح نشاء لله نوصله للمسؤولين !!!

وعفكره في لعب بصير بتغير العلامات من تحت لتحت علامتك حسب واصتك !!!

والي مش مصدق رح يجي يوم ينكشف في كل اشي ونشاء لله هليوم مش مطول يا رئيس جامعتنا المحترم :P
مهند صوان
31-05-2012 07:03 PM
والله هاد الكلام ما بصيير المفروض يعطوا انذار للجامعة وينزلوا رتبة ابو البنت من عقيد لعريف , شو هي سايبه يفصوا ويهددوا ولله هيك عيب كتيير وانا بحكيلك يا رؤوف الله ينصرك
mohammad mheidat
31-05-2012 07:46 PM
معقول جامعتي تعمل هيك ؟
jar.alqmr.2
31-05-2012 07:52 PM
اول شيى حسبي الله ونعم الوكيل بهيك ناس تاني شي انا بعرف رؤوف شب كويس ومحترم بس الفكره انه الامور توصل لهون بسبب الواسطات انا ك مواطن اردني احب وطني ومليكي اناشد الله ثم اناشد جلاله الملك حفظه الله ورعاه ان يتدخل بهاذه المساله وان يضع حد لكل من تسول له نفسه بظلم الناس كون له مرتبه عاليه او واسه معينه ان يضع له الحد المناسب لكي يعتبر اولئك الذين يعيثون في الارض فسادا
victor
31-05-2012 08:22 PM
هذا إن دل فيدل على عدم إلتحام . . الكادر الإداري مع الطالب !!
لو كان هذا الطالب نجل " شكري مراشدة " لوجدنا جيش طاحن . . من الأمن الجامعي قائم لحمايته !!
إلى متى سيبقى الدعم لأبناء الرأسمالية وأصحاب النفوذ فقط ؟؟
basma
31-05-2012 09:29 PM
انا من قراءة التعليقات عرفت ان بها فتاة , طالما تسببت في فصلك يا اخي لثلاثة فصول وضيعت مستقبلك ولا تريد ان تستر على حالها فلا تتنازل عن حقك انت ايضا واعن عن ما بداخلك علنا ولا تخاف الا الله , والعرش يهتز لدعوة المظلوم ونم مظلوم ولا تنام ظالما
طالب
31-05-2012 09:41 PM
انا مع اغلب التعليقات انو الجامعه كلمه فاشله كثير عليها الجامعه من اسوء الى اسوء ..


بما انه ملف جامعه جدارا الاسود نفتح يا ريت يجي دور ملف كليه العلوم في الجامعه مع العميد من فشل كبير بسبب سوء العماده !! يعني بلعقل ليش 50 طالب يحولو تخصص ويحولو من الجامعه من كليه العلوم تحديدا !! ليش معدلات طلاب العلوم سيئه !! ليش طالب علم الحاسوب بكالوريوس بخلص الجامعه ب 5 سنيين ... عزيزتي عميده كليتنا كليه العلوم نشاء لله ملفك رح ينفتح قريبا !! وعند لله ما بضيع حق اي شخص مظلوم من العميده !!! وخلينا نشوف دكتورتنا العزيزه فتامين واو " الواسطه " لمتى بده يضل رقم 1 بنظرك !! الله عليكي !!!
بتمنى نشر التعليق مش حذفه وهاد تعليق بدون اي اسائه !! انا بحكي اشي بصير بلجامعه !!
وانا والحمد لله انتقلت وخلصت منها !! وعم بحكي لمصلحه اخواني الطلاب
لؤي محمود
31-05-2012 09:52 PM
ولله لو كان ابن شكري المراشده محل الطالب رؤوف رح تلاقي مش الامن الجامعي بحميه بس !! رح تلاقي رئيس الجامعه واقف عليه حرس !! ورساله لرؤوف وحياتك عن الله ما بضيع حق !! نشاء الله الجامعه الي بتاخد انذار والعقيد هاد برجع شفير تكسي كتير عليه !!! انا انظلمت زيك من وره سياسه الجامعه الفاشله والحمد لله اني نتقلت وهسه بفلادلفيا واحسن جامعه !! نصيحه لكل الطلاب هاي جامعه فاشله وظالمه ونصيحه اخوي ما حد يسجل فيها والي فيها نصيحه يدبرو حالهم وينقلو لانو خربانه !!!!!!!!!!!!!!!!! ومشان الله يا ريت تعليق ينشر وياريت يا السيد الوكيل الاهتمام بلموضوع ونشر القضيه وتوصيلها لمسؤولين مشان الله يرحمو الطلاب !!!!!!!!!!!!!
طالب كان مفروض يتخرج هلفصل
31-05-2012 10:25 PM
جامعه فاشله ومدرسين افشل ودون مراقبه !!
الجامعه متعاقده مع روسيا و اوكرانيا بجيبو دكاترتهم يعني دكتور روسيا ولا اوكرانيا انجليزي بعرفش يحكي شو هاااد !!!ارحمونا مشاااااااااااااااااااان الله
كنت مفروض اتخرج هلفصل بس لانو انا لسه مش شايل ولا ماده من لما دخلت الجامعه ولما حكيت الهم وراجعت قال عيدها ع صيفي عادي منتا اول مره بترسب بماده !!! شو انا جايب المصاري من الشارع يعني
والله بشتغل ليل مع نهار عشان اجمع القسط !!!!
... لهيك لازم اي طالب يرسب بماده مادتين عشان شكري يغير المرسيدس ... رسبونا بماده عشان نعيدها عصيفي............
الله عليكو وكل واحد جاي يوم عليه !! نشاء لله يتلقوها بولادهم !!
د. عبدالله أبوشريعة
31-05-2012 10:51 PM
هاد العقيد لازم يتحاكم لانه قاعد بستغل منصبه لاغراض شخصيه وغير قانونيه وفيها تهديد وترويع واعتداء على حقوق الناس في بلد الأمن والأمان .... وكل الي تواطؤا معه من المسؤولين في الجامعه لازم كمان يتحولوا للتحقيق .... وانا متأكد انه جلالة الملك عبدالله ما رح يسمح انه يكون فيه واحد زي هاد العقيد مطلوق على راسه ويهدد بالمواطنيين خصوصا انه محسوب على القوات المسلحة وعلى الرجال الي لازم يحافظوا على أمن البلد...وبحب احكي للطالب رؤوف لا تسكت على الظلم وطالب بحقك بصوت عالي ولا تكون جبان وخايف ... شو هيه الجامعه كاينه مزرعة ابوه؟؟؟؟؟!!!!!!
عصابات
31-05-2012 11:06 PM
يا حبيبــــــي ؟؟!!! شو سايبة والرب راعيها .. يا حرام جد يا حرام ..
يعني لانو ما الو واسطة ومعرفة بعملوا فيه هيك ..
ها
فساد
31-05-2012 11:07 PM
شكل من اشكال الفساد
مهدي بني صخر
01-06-2012 12:55 AM
انا مع الطالب من ناحية الفصل والتهديد ...وزملائك اشادوا فيك كمحترم وهذا يكفي..بس ممكن سؤال شو سبب التهديد؟؟ اذا انت تقول طلبت البنت لليش يهددك بالقتل؟؟؟ ثم اما بعد يرجى عدم الاساءه للقوات المسلحه لو سمحتم واللي يفتّل عضلاتوا قدام الصبايا وعندو كلام زياده تجاه جهاز امن الدوله الاول بلاش منُّه..اذا في مجال ولا تنسوا ان الملك هو القائد الاعلى للقوات المسلحه !
طالبة في البوليتكنيك
01-06-2012 01:49 AM
أخي اسامة المغربي
اولا احترامي الك وللدكتور علي المغربي وكل التقدير طبعا
ثانيا اخي انا ما عممت انا قلت نسبة كبيرة منهم وقصدي مفهوم انو مو كلهم بالعكس في دكاترة جدا محترمين وواحد منهم دكتور علي
وصح كلامك انو غالبية الدكاترة كبار بالسن وللاسف مابحترمو سنهم وانا طالبة وبعرف وبتقدر تنزل الحرم الجامعي وتسال كتير احنا منتعرض لمواقف متل هادا النوع ومع دكاترة كتير وللاسف بكونو فعلا كبار بالسن وبتقدر تسال الدكتور علي عن كلامي اكيد بسمع متل هيك قصص عنا بالجامعة

ومرة تانية تحياتي للدكتور علي اللي درسني وانا سنفورة
بس بلاش
01-06-2012 03:51 PM
والله حرام ع الجامعة هيك تعمل في لازم اقل ما فيها خبرت الاجهزة الامنية بدل ما تتخذ قرار بالسرعة هاي
رشا
01-06-2012 04:42 PM
رؤوف من اكتر الطلاب الجيدين واشدهم أحترامآ حرام على الجامعه تتخذ فيه قرار متل هيك لأنه مو هو يلي بيخسرهم هما الي بيخسروه وبعدين القضيه فيها طخ يعني لازم الجامعه إذا بدها تحكم بالعدل يفصلو البنت الي ابوها بهدد بالقتل عشان يخلصو من شرها ومن شرو وانا ك طالبه اعلام اقف الي صف رؤوف وبحكيلو احنا كلنا معك لا تسكت على حقك قاضي الجامعه إذا احتاج الأمر وبناشد ايضا جلاله سيدنا لمقاضاة هذا الفاسد الذي يهدد بالقتل وبتمنى يوصل صوتنا لجلاله سيدنا لأنه هذا الشخص يحسب على الأجهزه الأمنيه الأردنيه التي كما عودنا جلاله سيدنا المعظم هي الأمن والأمان لهذا الوطن ، وربنا يكون معك يا رؤوف وتاخذ حقك وزياده وان شاء الله ما بنخسر شوفتك عنا بالجامعه
بسام
01-06-2012 08:53 PM
للاسف هاد الي بصير بلجامعه !! رؤوف فش اله ظهر بلجامعه تحمي !!! والجامعه بدها تعمل سمعه لحالها اجت الدقه ب رؤوف اكتر الطلاب اخلاق وادب من معرفتي به !!

والجامعه اقسم بالله انها فاشله فشل كبير !! ومستحيل تطور او تعدل اشي بوجود الرئيس المحترم !!! لما كان الدكتور المحافظه رئيس الجامعه وكان ماسكها صح ما كان يصير هيك !! لانو شخص منع الواسطه مجلس ادراة جامعتنا المحترم الي مخالف قانون الجامعات الخاصه انو نسبه اسهم الجامعه كلها باسماء شكري وزوجته وابنائه وفي وثائق ممكن الكل يطلع عليها عن طريق جوجل اكتبو " بالوثائق فضيحه جامعه جدارا !! اعفت المحافظه من رئاسه وحاليا رئيسها ما بمون ع اشي ولا بايده 1 بلميون من صلاحياته !! وهاد اله بده اياه مجلس الاداره رئيس بتحكو فيه زي ريموت !!

الله بعين اخوي رؤوف عند الله ما بضيع حق !! نشاء لله بوصل صوتك للمسؤولين وبرجع حقك !! وهاد العقيد لو في قانون صح بلبد لازم يصير جندي !! شو فش غيرك رتبه عاليه فش اعلى منك حسبنا لله ونعم الوكيل !!!!!!!!!!!!!!!!!!!!!!
بشار
01-06-2012 09:02 PM
الله بعين عيش كتير بتشوف كتير بهلجامعه !! هيك جامعه فاشله بكل المقايس !! ولدليل انو فش ولا تعليق مع الجامعه كل التعليقات بتاكد انها فااااااااااااااااااااااااااااشله

باسم مجموعه من طلاب جداارا نطالب رئيس مجلس ادارة جامعتنا " مش رئيس الجامعه " لانو رئيس الجامعه بمونش ع حاله :D هههه

نطالب ب سنه لغه " روسيه " بحكم ان 100% من دكاتره جامعتنا من حمله الشهاده الروسيه !!! يعني بلمختصر دكتور روسيا اشترى الشهاده مشترى !! اقسم بالله ما بعرفوا يدروسو وانجليزي بعرفوش يحكو !! بلمحاضره بحكو روسي !!! ولي مش مصدق الحكي يجي يحضر شي محاضره ويشوف الابداع الروسي بجدارا هههههه :D
مؤمن الشرقاوي
02-06-2012 03:14 AM
والله جامعات اخر زمن!!! فصل طالب من الجامعه عشان حمايته؟؟!! حجة اقبح من ذنب فعلا... هل يعقل انو المبادئ والقيم والنخوة والمروؤة ذهبت بلا رجعه؟ المفروض انو الجامعه وادارتها يوفرو كافة السبل لمنع اي شخص من ايذاء الاخر، فما بالك بالتهديد بالقتل؟ هل نحن نعيش في انفلات امني ؟ هل اصبحنا في حرب شوارع؟ المفروض الجامعه توصل الموضوع للجهات الامنيه وتشتكي على العقيد حفاظا على حق حياة الطالب رؤووف وحق الجامعه وسمعتها وليس العكس !!! دارو ظهرهم الك وانت طالب عندهم وبمصو دمك كل فصل بالاقساط وعند الجد فصلوك و3 مرات كمان!!! يخرب بيتهم وتفووووووووو على هيك نظام وسياسات جامعيه. حسبنا الله ونعم الوكيل والله معك يا رؤووف لانك انسان مظلوم والله ما بنسى المظلوم.
الحبمشروع فاشل
02-06-2012 10:41 AM
هاد الكلام ما بصير انه ندخل المشاكل الأجتماعيه داخل الجامعه وبنطلب من اخونا ابو هيثم كما عودنا الوقوف بجانب الطالب رؤوف حيث اني اشهد بأنه قمه من الأخلاق وبأنه مظلوم كتير والله يكون معك يا اخوي يا رؤوف وربنا ع الظالم ربنا ينصرك على الأعداء ووناشد ايضا الجهات المسؤوله بمحاكمه هذا العقيد الذي لا يستحق هذه الكلمه كتير عليه مراسل
حسبنا الله ونعم الوكيل بكل ظالم
03-06-2012 05:03 AM
لا حول ولا قوة الا بالله مش جايين تيجو غير بأفضل الطلاب يعني عنجد انا تفاجأت بالخبر ربنا بس على الظالم الله يكون معك يا رؤوف لانها هاي ناس مش مقدرة وجودك وهاد سبب من اسباب فشل المجتمع عنا وهاد اللي تسبب وتسببت بفصلك الله ريتهم يلاقوها بصحتهم وبولادهم والشغلة واضحة انها واسطة هاد سبب برضو بتواطئ المسؤوؤلين والادراريين ولا تنسو انو جلالة سيدنا منع الواسطة والمحسوبية وان شاء الله بوصل صوتك لجلالة سيدنا وبتعاقب كل واحد كان سبب فصلك لانه اذا ما تعاقب بيصير هاد سبب اخر في التهاون على قضية فساد واكيد محمد الوكيل مارح يقصر معك ان شاء الله وربنا يكون معك يا رؤوف بدعيلك من كل قلبي
هلا جامعة
03-06-2012 09:45 AM
جامعة فاشلة ورئيسها متخلف جدا لا يصلح ان يعيش مع البقر
الي تعليق 46
03-06-2012 10:17 AM
صح انا معك الجامعه كثييييييييييييييير فاشله !! بس بصراحه عن رئسيها انو لايصلح ان يعيش مع البقر حرام عليك انتا ظلمت البقر لسه مستوى البقر ارقى بكثير :D !!!هههههه عنا العلك بخلص بسرعه من الجامعه واكيد شباب الجامعه فامني كل العلك بروح عمكتب الرئيس هههههه =))))))))))))
نور الصوي
06-06-2012 05:03 PM
والله ناس قال ينفصل من الجامعه عشان تهدد بالقتل من واحد اكيد بدون ما اشوفه ساقط يعني ذا الامن مش قادر يحميه احنا بنقدر نحميه واحنا قد حكينا شلة نور الصوي
طالبة جدارا
14-06-2012 03:12 PM
طيب ازا بدهم يحموه لا يضيعوا مستقبله لانه هاد اسمه تدمييييييييير وين القضاء والحكومة الله ينصرك يارؤؤف
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك