•  
  • اجعلنا صفحتك الرئيسية
أخر الأخبار
الطراونة ونظيره العراقي يؤكدان عمق العلاقات الأردنية العراقية السفيرالإسرائيلي: نواب الأردن يهتمون بأمور هامشية تقرير مصور :: "بدنا دعم كل ساعة "من آراء الناس بالغاء دعم المحروقات حرس الحدود تستقبل 288 لاجئا سوريا مؤشر البورصة ينخفض في افتتاحه سوريا..مقتل الأردني عبيدات في ريف دمشق النقابات المهنية تسلم الهيئة الخيرية الهاشمية مساعدات لغزة بقيمة 50 الف دينار "الاشغال " : حملة لصيانة الجسور ..قريبا وفاة و70 اصابة بحوادث مختلفة 5 اصابات بعد تسرب غاز (كيزر) في اربد 4 % الانخفاض المتوقع على اسعار المحروقات محليا منخفض جوي قبرصي الثلاثاء المقبل بدء التصويت في انتخابات الرئاسة التونسية بحث إجراءات تعيين ممرضين أردنيين في "الصحة" الكويتية الجيش ينقل (121) لاجئاً سورياً وسط الامطار ''الأمانة'' تأسف لعدم مشاركتها في مؤتمر دولي بفلسطين طقس بارد وماطر اليوم.. صور وفيديو :: الوحدات يعمق جراح الفيصلي بهدفين دون مقابل صور :: الازرق : وفاة واصابات بين افراد عائلة سعودية في حادث سير مروع 200 مليون دولار دفعة عاجلة من قطر لإعمار غزة
تذاكر الملكية الاردنية مقارنه مع غيرها من الشركات
الصفحة الرئيسية قضايا ومشاكل تذاكر الملكية الاردنية مقارنه مع غيرها من الشركات

تذاكر الملكية الاردنية مقارنه مع غيرها من الشركات

12-06-2012 11:46 AM

انا والعديد من اصدقائي اردنيين مقيمين في الولايات المتحده الامريكية , اذكر منذ 3 سنوات لم نتمكن من شراء تذاكر على الملكية الاردنية ويتم السفر من خلال الشركات الاخرى , و عند رغبتنا في السفر الى الاردن تكون اسعار تذاكر الملكية الاردنية اغلى من غيرها من الشركات على الاقل ب 250 دولار , ومهما كان المفروض ومن الاولى ان نستقل الطائرات الاردنية دعما للمؤسسات الاردنية , لكن على الاقل يساعدونا شوي ,

للتاكد , قارن اسعار تذاكر الملكية الاردنية مع الشركات الاخرى (خصوصا للحجوزات المبكرة)

اشكر جهودكم الجباره لخدمه هذا البلد الحبيب


محمد احمد البيتاوي
hamada76@yahoo.com



اردني في موسكو
12-06-2012 11:54 AM
الحال نفسة من روسيا بما انو ما في طيران غير الملكية من موسكو بستغلوا الفرص اقل تذكرة في الايام العادية 700 دولار
و في المواسم الاعياد بتوصل ل 1500 دولار
بشتري تيكت على طيران الامارات ترانزيت على دبي
موسكو دبي عمان
عمان دبي موسكو
ب 600 دولار , مع العلم انو طيران الامارت افخم من الملكية الف مرة
اردنية مغتربة
12-06-2012 11:54 AM
اسعارها دائما غالية ولاتوجد عروض ابدا ونحن نضطر الى استخدام الطيران على الشركات الاخرى وتحمل مسافات اكثر لانها ارخص من الملكية
احمد العالم
12-06-2012 11:56 AM
أنا أحد المستثمرين في الملكيه من عام 2007 وحتى ألآن الشركه لم تحقق
أي مكاسب بدليل انه أشترينا أسهم الشركه ب 3.08 دينار وألآن أصبح السهم
ب56 قرش
عمر الجراح
12-06-2012 11:56 AM
هذا الكلام صحيح 100% ... انا ايضا طالب في موسكو وكل سنه عند النية للسفر نجد ان اسعار الملكية الاردنية اغلى من غيرها بكثير فعلى سبيل المثال السفر على متن طيران اخر الى دبي والعودة الى الاردن ارخص من السفر على الملكية الى الاردن مباشرة ... ارجو منكم النظر في الامر مع الشكر الجزيل
الطلاب الاردنيين في ماليزيا
12-06-2012 11:56 AM
للتاكيد على الخبر نحن مجموعة من الطلاب في ماليزيا و يقدجر عددنا ما يقارب 500 طالب من دكتوراه و ماجستير و بكالوريس و الجميع هنا نحجز في طريق العوده او الذهاب الى ماليزيا من الشركات الاخره ك العمانيه و الكويتيه و المصريه و القطريه و غيرها فجميعها ارخص من المكليه ... و حيث ان هذعه الشركات لها كثير من العروض و لكن الملكيه دايما بنفس السعر او حتى ترتفع الاسعار فيها .... اليس من الاولى ان تذهب هذه الاموال الى الشركات الاردنيه و لا تذهب الى الخارج ؟؟؟؟ سوال نطرحوه على اصحاب القرار في الاردن
نور عبيدات
12-06-2012 11:57 AM
صحيح 100%
انا قبل يومين حجزت لأبوظبي وطبعا على شركة طيران الخليج مع انو كان نفسي على الملكية بس طبعا فرق السعر بشتري فيه تذكرة تانية.
ابو الايهم سلطنه عمان
12-06-2012 12:08 PM
انا مقيم في سلطنه عمان من 4 سنوات للاسف الشديد ان اسعار الملكيه الاردنيه غاليه وحجزت مره واحده اول مره ومن بعدها احجز عندهم انا والعائله مع الشركات الاخرى ارخص بكثير مثلا فلاي دبي والعربيه وعده شركات اخرى وقبل اسبوع حجزت للعائله للاردن فلاي دبي من مسقط الى عمان
ايات .... شيكاغو
12-06-2012 12:08 PM
والله مزبوط احنا بنطر ننزل كل سنتين او تلات مرة عشان التكت كتيييييييير غالية وكسرة .. فما بالكم مع الاطفال ممممممممممم يعني لو يرخصوها شوي احسن للمغتربين اللي بشتاقو للبلد وللاهل كتيرررر وما بقدرو ينزلو دايما
إبن الديرة
12-06-2012 12:09 PM
شكرا للوكيل الاخباري على طرح هذا الموضوع وبالفعل أسمحوا لي أن أقول بأنه جرح ....أنا مغترب أعيش في دبي وللأسف أتمنى أن أسافر رحالاتي السنوية على متن الملكية الاردنية .... وأقر بأنها شركة تصفو في أفضل شركات الطيران عالميا ولكن للأسف الشديد لا يوجد نوع من المراعاة لأبناء الوطن في الخارج ....يجب تغيير بعض القوانين الخاصة بالتسعير لكي تسمح ضمن المعقول لتخفيض أسعار التذاكر على متنها ويكون هناك سعر خاص لكل مسافر اردني على متنها
عمرالصريحي
12-06-2012 12:10 PM
احنا كل اشي بنتاجر فية وبنشتغل فية بنكون الاغلى والمشكلة بالاخير بنخسر
مغتربه بالسويد
12-06-2012 12:14 PM
كلامك صحيح اخي اسعارهم غاليه جدا ولما بنغلط وبنحجز عالملكيه بنتفاجا انهم باعونا لغيرهم من الشركات ورحلتنا بتكون من ستكهولك لعمان عبر 3 شركات سفر واذا اضطر الواحد للتغير او التبديل مفروض منا ندفع اقل شيء300 يورو بعكس الشركات الاخرى ربنا يهديهم ويصلحهم خطوط بلادنا الاردنيه
mohammad abbad
12-06-2012 12:14 PM
والله صحيح 100%
انا بدروس بماليزيا و تذاكر الملكيه الاردنيه غاليه جدا tow way 850 دينار اما طيران عربي اخر 600 tow way
عبودد
12-06-2012 12:17 PM
الحمد لله التذاكر على حساب الشركة مرتين في السنة لذلك اختار الملكية دائما مع انهم على زيادة وزن بسيط دفعوني 40 دينار بس بضلوا حبايبنا وشركتنا الوطنية
Rabie Serhan
12-06-2012 12:19 PM
الاسعار دايما عاليه , الخدمه سيئه ( في االمطار وملحقات الشركة ) فريق العمل سيئ التعامل وين ما كانو ( وين ما تواجدو في اي مطار في العالم) , أنا كثير السفر ودائما اتفادى السفر معهم .
انشالله الأمور تنعدل مع افتتاح المطار الجديد - أرجو منهم التركيز على خدمة العملاء - مش بالضروره تصير الاسعار ببلاش - بس لازم المعامله تكون أفضل
طالب مغترب
12-06-2012 12:19 PM
السنة الماضية كانت سعر التذكرة من موسكو لعما 1100 دولار فاضطريت اسافر على المصرية ب 550 دولار
عمر زريقات
12-06-2012 12:22 PM
كلام مزبوط 100%. انا مغترب بماليزيا و نفس القصه ... كل الشركات اسعارها ارخص من الملكيه !!!
بظطر اني اسافر على خطوط تانيه و اتوقف مده 5 الى 8 ساعات بس عشان نوفر 100 دينار !!!
طالب بمصر :(
12-06-2012 12:24 PM
الملكية : 250 دينار على مصر
شركات ثانية : 180 دينار !!
عمر صبّاح
12-06-2012 12:30 PM
نعم والله اسعار الملكية باهضة الثمن لانستطيع نحن الاردنيين السفر بواسطة الملكية
حاولة عدة مرارات ان احجز مع مؤسستنا ولكن باهضة الثمن بالمقارنة مع الشركات الاخرى
رزق عسراوي
12-06-2012 12:30 PM
نعم صحيح هاذا الكلام ...فا مره انا بسألهم ليش انو اسعاركم اغلى من الشركات التانيه فا جاوبني ( الغالي للغالي) ...بالله عليكم هادا جواب من موظف بشتغل ب شركة طياران؟؟؟؟
محمد عبد الله عبدالله
12-06-2012 12:31 PM
انا نفس الشيء من دبي شركتي تحجزلي على عمان على حساب الشركة طبعا من دبي ودائما بسأل ليش حجزتولي على الاماراتيةليش مو على الملكية بقولولي انه الاماراتية ارخص بكتير والشركة بتوخد الاقل سعرا لا اعرف هل الملكية افضل من الامارتية؟؟!!!! انا بصراحة اقول طيران الاماراتية اصبح ينافس عالميا وافضل من الملكية بكثير وكمان ارخص !!!
سهيل الطراونه ابو رامي
12-06-2012 12:31 PM
شكرا لتنويه انا بسافر كل سنه مره الى نيوورك وما بحجز على الملكيه لانها غاليه فرق سعر عن الشركه الي بسفار معهم (250) دينار
لينا عيسى
12-06-2012 12:35 PM
انا بشتغل بمكتب سياحه واحنا بنعاني مع الملكيه كتير لانهم بعملو اسعار خاصه عادرجات معينه وبنفس الوقت بسكرو الحلات عشان يضطر المسافر يشتري بسعر اغلى وكلو ضحك عالناس لانو كلو الدرجه السياحيه نفس الشي بس كلو استغلال من شركو الطيران والله انهم ما برحموولا بخافو الله ولا بهمهم طالب ولا مغترب بس المهم انك تدفع والمشكله الاسهم تبعتهم ماكله هوا وين لفلوس بتروح الله اعلم
من لندن
12-06-2012 12:50 PM
بصراحة حالبا في لندن الملكية عم تعمل عروض كتبر منيحة وعم بتنافس شركات اخرى بس هادة الحكي من جديد من بداية السنة هاي وياريت دايما هيك الاسعار عشان عنجد الواجد بحب يسافر مع الملكية ... بس طبعا هاي الاسعار من لندن لعمان بس لو يدك تحجز من عمان الى لندن السعر بكون 5 اضعاف عشان هيك اهلي لما ييجو على لندن بضطروا ييجو مع شركات اخرى اقل سعر
karim
12-06-2012 12:53 PM
نفس الشي من الكويت انا رح احجز على طيران ثاني بكلفني 70 دينار كويتي ذهاب وعودة بينما سعر تذكرة الملكيه لنفس الرحله بكلف 140 دينار كويتي
من السعودية
12-06-2012 12:59 PM
انا بالرياض وما في حدا من المقيمين بحجز مع الملكية والسبب اسعارها ضعف اسعار باقي الشركات الا المضطر وما يلقا حجز على باقي الشركات فالسعودية للطيران وشركة ناس نصف ثمن تذكرة الملكية ومن دون عروض .
ابراهيم الزعبي
12-06-2012 01:08 PM
انا من 6 سنين وانا كل سنة بنزل لندن اسبوع او اسبوعين ,تخيلوا انو محطة الملكية الأردنية في مطار هيثرو مديرها باكستاني او والله العليم انو هندي والمشرفة على المحطة بريطانية ومن 6 سنين ما في ولا واحد على الأقل اردني فالمحطة اللي تقدر تتفاهم انته وياه, وما شاء الله احقر من هيك شخصيات ما بتلاقي, مع انه كل شركات العالم بترسل موضفينها منهم وفيهم وين ما رحت, حسبي الله عليكوا
ابو مصطفى
12-06-2012 01:21 PM
أنا مغترب في الامارات وكل ما أشوف اسعار تذاكر الملكية اللي بعتبرها اغلى من الشركات الاخرى بقول طيب أنا اردني ولازم يكون إلي تخفيض على الملكية ... بس للأسف ما في تشجيع إلنا كمغتربين مع أنو بالعكس جنسيات عربية اخرى بتحصل على ميزات من شركات بلدانها . ياريت يكون في المستقبل اسعار خاصة للأردنيين على الملكية
سِجال
12-06-2012 01:31 PM
انا مقيم بالكويت !! و دائما بحجز على الملكيه و بقارنها بالشركات الاخرى . و دائما اسعارها افضل من الكل و مرات بكون سعرها مقارب جدا من طيران الجزيره !! لكن من دول اخرى و الله ما بعرف, و لو قارنتوها بطيران الامارات و القطريه و هالقصص !! لا الملكيه اسعارها كويسه
مدرس بالامارات - العين
12-06-2012 01:41 PM
اسعار الملكية غالية جدا ولا يوجد مراعاة للأردنيين ومقارنة بالشركات الاخرى الملكية من اغلى الشركات وانا شخصيا لم اسافر على الملكية منذ عشر سنوات لانه اسعارها غاليه جدا
الى الإخوة 14 و26
12-06-2012 01:41 PM
معكم حق 100%
ولكن لا حياة لمن تنادي

انا محجبه وبلاقي منهن اسوأ معاملة
نوونا
12-06-2012 01:44 PM
الكام صحيح انا مغربيه متزوجه اردني مقيمه بالاردن بعاني المكشله نفسها كثير وخصوصا وع الاولاد باخد ثلاث طيارات كلها ترنزيت تاوصل لمدينتي بالنغرب بهدله وكثيير غاليه عالملكيه فاضطر انو اسافر عالتونسيه او التركيه لس ارحم من الملكيه تبعتك...
مسافر الى سويسرا وتعرضت للضرب بالطيارة
12-06-2012 01:48 PM
في تاريخ 21\3\2009 سافرت مع الملكية الى جنيف
والشخص الذي في المقعد الأمامي كان رجل يحمل الجواز السويسري وكان وقح جدا وغير مؤدب فقد كان يرجع كرسيه للخلف على الآخر دون مراعاة للكرسي الذي خلفه فاشتكيت للمضيف الأردني فقال له الراكب السويسري انه حقي ان ارجع الكرسي فمان كان من المضيف الأردني الذي ان هو رئيس المضيفين على الطيارة وقتها الا وقال لي انه سويسري شو بدي اعملك!؟
بعدها حصلت مشادة كلامية بيني وبين السويسري فما كان منه الا انه ضربني على وجهي
فبكيت وطلبت من المضف الأردني ان يغير مكاني فاجلسني عند الحمام وقال انه لا يمكن التدخل من قبل احد بهذا الموضوع لأن الطيارة ما عليها امن وبالآخر وبالصدفة اجى واحد من حرس سمو الأميرة سميه كان راكب فصار يواسيني وما حدا عملي اشي ......... دعوة مظلومة الله ينتقم منهم
اسوأ خدمة
12-06-2012 01:50 PM
الأكل مقرف والخدمات ونوعية الأشياء المقدمة رديئه
الله يقردك وتطلب من مضيفه كاسة مي ...... بعد ساعه بتيجيك وجهها مكشر لاخر الطيارة
رائد الرفاعي
12-06-2012 01:50 PM
أنا حجزت على الملكية الأردنية من برلين ألمانيا بإتجاه عمان ومروح عليها بعد بكرا وبعد ما إشتريت التذكرة بمبلغ 710 يورو وإتطبلت فيها بكتشف وإنه الطيران الالماني لوفتهانزا وأستريان إيرلاين النمساوية وغيرهم من الشركات الأخرى عارضين التذاكر بأسعار تتراوح مابين 430 إلى 490 يورو يعني الفرق تقريباً 220 يورو وقسماً بالله إني منزعج الآن وحاسس حالي إنتصب علي. أنا دايماً بطير على الشركات الأجنبية لأنها أرخص وحلوة ومش عاطلة بس هالمرة الله أقردني وتطبلت بالملكية. يعني حرام شو هاي السياسة التسويقية الفاشلة لا يستغربو إذا الملكية في يوم من الأيام أعلنت إفلاسها نتيجة لطمعها النهم واللي ما له حدود. الله يجعلهم يشعبو ونخلص من هذا الجشع البشع.
السعودية
12-06-2012 01:52 PM
اذا طيران الملكية من السعودية والتي تعد أقرب الدول دائما أسعارها مرتفعة ، يعني مو يكفي الواحد متغرب وبشتغل كمان ينحرم من شوفة أهله والإجازة محسوبة باليوم يعني نروح بالباصات اللي تقعد 16 ساعة ويلاحقها تعب يومين .
رائد الرفاعي
12-06-2012 01:55 PM
أنا مؤيد للأخ أبو مصطفى رقم 27 فعلاً الشركات الألمانية كمان بتعمل تخفيض خاص لمواطنينها وانا شخصياً حاصل على تخفيضات من عندهم بس لأني بحمل الجنسية الألمانية. بس الملكية مال بتعمل هيك قصص وعاملة زي المنشار فايته بتوكل وطالعة بتوكل. أنا جداً آسف على الملكية اللي أظهرت نوع من الجشع الغير تقليدي. إحترامي
حر انا
12-06-2012 02:02 PM
اه والله صح دايما اغلى طيران مع العلم انه مش مريح كل طيران احسن من طيران الملكيه الكراسي فيها مش مريحه وما بعرف على شو غاليه
قطر
12-06-2012 02:03 PM
الملكيه هي الخيار الاخير دائما وابدا
MAJDI QASQAS
12-06-2012 02:11 PM
اخواني الاعزاء الظاهر انو بيتم استغلالكم من قبل الشركات السياحيه

انا وكيل قوي للملكيه الاردنيه والشركات الاخرى وعندي استعداد لخدمتكم على مدار الساعه
اي حجوزات بغض النظر من وجهة الفدوم او المغادره انا جاهز لتأكيدها بأقل الاسعار
اخوكم مجدي قصقص
0096788883876
MAJDI_TRAVEL@HOTMAIL.COM
طالب مغترب
12-06-2012 02:21 PM
انا طالب بجمهورية مصر وهاي اول اجازه اللي بنزلها عالاردن المهم حجزت عالملكيه من القاهرة الى عمان ذهاب وإياب التذكره ب 220 دينار وهيك كان فيه عرض طبعا... وتفاجأت انه واحد من صحابي حاجز عالعربيه للطيران ب135 دينار ....هاي وهيك كانوا الملكيه عاملين عرض بس التوووووووووووووووبه ارجع احجز عليها لو انها تصير ببلاش ))))):
اردني انا
12-06-2012 02:46 PM
غلطه وندمان عليها السفر مع الملكيه عمان بانكوك وبعدين كوانتاس الاستراليه الى سيدني .الشباب بمطار عمان ما حكولي انه ما اكدوا حجزي من بانكوك لسيدتي والحلو لما وصلت وحكيت مع مدير مجطة الملكبه بمطار بانكوك ما كان حابب لا يسمع ولا يشوف شو مالني وحكالي انه احنا شغلنا انتهى بتوصيلك على بانكوك وروح دبر حالك
بالاخر كلغتني غلطتهم 400 دولار زياده بس عشان اسافر على الملكيه
وما رح احكي قديش كانت المفاجئه سيئه تاني يوم الصبح لما قررت اروح غلى مكتب الملكيه بمدينة بانكوك
با عيب الشوم
أحمد_أوكرانيا
12-06-2012 03:00 PM
اما بالنسبه للطلبه الدارسين في أوكرانيا ,,,, السنة الماضية2010-2011 كان سعر التذاكر الطيران الاوكراني والملكيه الأردنيىة تقرييا نفس الشي وكانت تقارب للطالب من 450 -

$500 دولار,,,,,لكن هاي السنة تفاجئت انا والطلبه انة المكتب العميل بقول إلنا انه سعر التذكرة على الملكيه اصبحت ب 500 دينار إلنا الطلبه وكمان هاي السنة طلب من بعض الطلبه بدفع مبلغ 120 دينار لتأكيد الحجز بس مش الكل دفع ,,, أما بالنسبه للطيران الأوكراني UM لم يطرأ عليه أي تغيير ,,,,!!

بس حاب أسأل سوال واحد!

ليش اهل بلدنا هك بيعملوا فينا ؟؟؟؟؟
مغترب
12-06-2012 03:11 PM
طيران ناس ..... الاختيار الاذكى
مسافر ذكي
12-06-2012 03:19 PM
في احدى الرحلات الى باريس كانت الملكية ب 685 ذهاب و عودة و القبرصية ب 280 الفرق قاتل طبعا و الملكية شنت حرب على القبرصية حتى منعوها من القدوم للاردن عشان الاحتكار و مص دم الشعب لكن لو بدفع اضعاف ما بسافر مع الملكية لان خدماتها سيئة وموظفين برتبة وزراء والنبرة الكذابة ماشاء الله علينا منوطي الراس
اردني شهم
12-06-2012 03:20 PM
أعلى اسعار واقل خدمه ومصداقيه وطيارات واقعه وإذا بتقارنها بالطيران الامراتي وهوافضل طيران بالمنطقه ( الاماراتيه ارخص وخدمه ملوكيه )
وانا بأييد كل كلمه نحكت عن الملكيه فوق
محمد الشويات
12-06-2012 03:23 PM
والله صحيح عنافي السعودية نفس الكلام عنا السعودية وناس والملكية اغلى وحدة فيهم بفرق 300 ل500 ريال وبقولو ادعمو الشركات الاردنية على ايش بدي ادعمهم
كركي في ماليزيا
12-06-2012 03:27 PM
كل شي غالي في الاردن ما عدا المواطن
محمد هاوي سفر
12-06-2012 03:51 PM
انا سافرت مع الملكيه الشهر الماضي وكانت خدماتهم سيئه واسعارهم غاليه
صالح صبيحي-الدنمارك
12-06-2012 04:16 PM
الغريب انه الواحد بحب ينزل على الملكية للاسباب كثير و اهمها انها شركة طيران اردنيه و اذا احنا الاردنين المغتربين ما سافرنا عليها مين بده يسافر؟؟ بس والله اسعارها غاليه جداا بالنسبه لشركات الطيران الثانيه يا ريت ادارة الشركه تشوف هالموضوع
dr.ahmad saadeh
12-06-2012 04:38 PM
طبعا لكل الاخوان اللي بيدرسو بمصر الفرق بين الملكيه والمصريه فقط 5 دنانير اما بالنسبه للعربيه هاي من عمان للاسكندريه مو للقاهره بس عموما خطوط الطيران بين مصر والاردن غالي لانو بيعتبرو مصر دوله للسياحه مو زي اوكرانيا او روسيا هاي للطلبه وانا سافرت على مصر وعلى اوكرانيا يعني مجرب العربيه والملكيه والمصريه والبريطانيه واكتير مبلغ كان يندفع على الملكيه
love jordan
12-06-2012 05:03 PM
لو الملكية ذكية كان من طلاب أوكرانيا فقط.... جابو عملة للبلد.... بس سافر على الأوكرانية و بتوفر ١٠٠ دينار بالتذكرة... صدقوني ٧ سنوات متواصل ما ركبت الملكية لئنها غالية.... مع أني حاب أفيد بلدي
SAMI JODEH
12-06-2012 05:44 PM
thats true bec it cost me to go to my county jordan almost 1700 from memphis tn u.s.a to amman jordan
احم
12-06-2012 05:45 PM
هدا الكلام صحيح انا مقيم في السعودية ولا استطيع الحجز على الملكية لأنها دائما الاعلى سعرا
زائر
12-06-2012 05:45 PM
اسافر على نيويورك في التركيه ب 750 دينار ذهاب واياب بينما في المليكه تصل احيانآ الا 2200 دينار
الله جعلها تنكسر عمرو لا حدا طلع فيها
jordan treasures
12-06-2012 05:57 PM
http://jordan-treasures.webs.com/

Contact Us to get Cheapest Airline Rate
مغترب - جدة
12-06-2012 06:05 PM
تحتاج الشركة الى التطوير، وخاصة خدمة العملاء في المطار.
المنافسة بين شركات الطيران على أعلى مستوى، ويجب على الناقل الوطني مواكبة هذا التطور. ونتمنى التركيز على خدمة العملاء بجميع مواقعهم بما فيها مطار الملكة علياء.

كل التوفيق!!
ربيع سرحان
12-06-2012 06:06 PM
سيد مجدي قصقص ,مافي داعي ترقص على الام الاخرين وتتفلسف وتشوه صورة زملاءك بالشركات الاخرى , الكلام والاسعار اللي بنحكي فيها اسعار اون لاين يعني نفس السعر اللي انتا بتوخذه وبتحط فوقه نسبة ربحك .اتقي الله وحلل رزقك
amnehelayan
12-06-2012 06:12 PM
انا أؤيد كل الكلام الذي يقال عن الملكيه مرتين ركبت فيها وخلاص ولا عاد اكررها
ضمير
12-06-2012 06:35 PM
تذكرة شرم الشيخ من عمان تو ويي 51 دينار على الملكية 400 دينار والله استغلال وما حدا سائل ولا مراقب ولا حكومة تحفظ حق المواطن حسسسسبي الله هو نعم الوكيل
اردني في الغربه
12-06-2012 06:51 PM
اسف يا جماعه. كله ب حسأبه. البعض كلامه غير صحيح مطلقا. الخدمه ممتازه و الاكل هو الافضل على الاطلاق. الاسعار مش رخيصه ولكن يمكن الحصول على عروض جيده عبر موقع الإنترنت
Imad
12-06-2012 07:09 PM
يا جماعه اللي مو عاجبه الملكيه و خدماتها و أسعارها ببساطه احجز مع شركه تانيه, و هيك بكون كفى الله المؤمنين شر القتال,أنا هيك بعمل لما آجي من نيويورك, في شركات بتعمل عروض ناااار زي التركيه و الأيبيريه, وغيرها كتير.
فريد عبد الحق
12-06-2012 07:49 PM
وانا كمان نفس الشي بايطاليا هاي السنه رحت اشتري تذكر من الملكه حكولي 650 رحت على الايطاليه 435 اشتري من الايطاليه لانو اوفر بكثير لازم يرخصو الاسعار
مطلع و رد على 60
13-06-2012 02:49 AM
يبدو ايها الاردني المغترب رقم 60 انك مستفيد من الملكية او انك موظف فيها .
كل هذه التعليقات التي كتبت بحق الملكية الاردنية خاطئة وانت وحدك المرتاح ومش فارقة معك اسعار التذاكر
ارجو احكي ضميرك
مع الاسف الملكية الاردنية تختلف عن كل الشركات حيث ان اسعار التذاكر فيها غالية وليست كباقي الشركات
اما الخدمة فهي لا تختلف عن غيرها وان كان هناك اختلاف كما تتدعي فهذا ليس مبرر لارتغاع سعر التذكرة
ارجو من مسؤولي الشركة ان يحاولو فهم التعليقات المكتوبة و دراستها
majdi qasqas
13-06-2012 11:08 AM
سيد ربيع سرحان انا عندي اسعار لا انترنت ولا شركات سياحه عندها ياها انا ما بتفلسف اطلب وشوف
بس يبدو انك انت صاحب شركة سياحه وازعجك النوضوع وانت فاهم شو قصدي
موظف يعاني
22-06-2012 11:29 PM
اذا الموظف ما ايله خصومات شو نحكي عت المسافرين
ومع هيك ما في ارياح الحق على وزارة النقل ورؤساء مجلس الادارة بس لو اعرف شو ارباح الشركة من الوزن الزايد والله بشكل خرافي
ثائر ابو عياش رد على 65
05-09-2012 08:39 PM
عزيزي الموضف .. على ما اعتقد انو الموظفين بالملكية الاردنية هم و اهاليهم بحصلو على خصم 90% على كل تذكرة .. و كل سنة بطلعلع للمنتفعين تذكرة سفر مجانية لأي دولة في البعالم .. فما تحكي و تقعد تتمسكن
تنويه
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع الوكيل الاخباري بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع الوكيل الاخباري علما ان التعليقات تعبر عن أصحابها فقط .
الاسم :
البريد الالكتروني :
اظهار البريد الالكتروني
التعليق :
اتبعنا على فيسبوك