اهالي حي الجندويل يشكون انقطاع المياه

الوكيل - شكوتنا عن المياه احنا صارلنا شهر واسبوعين ما اجتنا المي وصرنا حاطين اكتر من 70 دينار بس نعبي مي وكل ما نتصل بالشكاوى الكذابين بحكولنا هلا راح نضخلكم اضافة اعلان


ونظل نستني من بعد الساعة 11 بالليل لغاية الفجر وما بتيجي وهذا حالنا انا والدى رجل كبير بالسن وما بقدر يظل يتابع المي وسهران صار بس قلقنا بها الحياه هي المي وايمتي بدهم بجيبوها

وكل ما نتصل بجماعة الشكاوى ونحكيلهم بظلهم يكذبوا علينا وهذا حالنا مع العلم انو البيوت اللي بتبعد عنا 500 متر بتجيهم المي

واحنا ما بتوصل عندنا شهر واسبوعين على هالحال صرنا لما نتصل بشكاوى المياه منحس حالنا عم نشحد منهم ..

انا من سكان منطقة البيادر حي الجندويل مقابل المحكمة الشرعية والاقراض الزراعي عمارة رقم 24 واسم والدي يوسف اسماعيل شركس وموعدنا دائما بالمي يوم الاثنين بالليل ..