فشة غل (2) بآلعآمية (مقتطفات من هالحياة )

فادي مروان فالح الجدع -وانا بسن ال30 اجوني صحابي بس هدوول من طفولتنا وهم بدورو ع ذهب قالولي وشبعوني عرط وحكي انه فيه ذهب واثار وكراكع ومدري شوو اضافة اعلان

والله واقتنعت منا عواطلي وفاضي وقاعد
وصرنا من منطقة لمنطقة ومن محافظة لمحافظة ندور ع ذهب والله وكيلكم غير خازووق مدوبل ما طلعلنا ... ع اساس وجهي وجه ذهب
والله بحياتي كلها ما لقيت الا خمس ليرات وبمجمع رغدان ....
تركت شي اسمه شهادة وقلت والله لاشتغل باي شي ان شالله بالحرام .... الحمدلله طبعا الله تاب علي لانه عن قناعة بقلكم قرش الحرام ما بدوم
صرت اتضمن من فنادق صالات رقص وافراح وبصراحةصار معي مصاري هديك الايام والقرش مشى بجيبتي وشريت اول سيارة بحياتي وانا بسن الـ30 هوندا سيفك 6600 عكاش ع بوزها
بس واللللللله قرش الحرام ما بدوم قلبت معي بالقطرانه برمضان 5 قلبات وربك لانه رحيم نجاني واعتبرتها قرصة ذان وقلت يحرم علي قرش الحرام
بعت السيارة كوم حديد ب1500 ....
قعدت مع حالي قعده صح وقلت وبعديييين يعني ؟
شهادة ع الحيط وصنعة بح والحرام ما بدووم... والسفر ما زبط
بعدين ؟؟ هاد ابتلاء ولا نعمة ؟
وجيزة ما زبطت .. حتى خطبة ما استمرت
والعمل طيب ؟؟ والله اني شب ولازم افجر حالي واستغل شبابي عشان ما اكبر الاقي قرش .. هيك بقوولووو الختايرة
شو اشتغل شو اعمل شو اسوي ... يا رب بدي فرجك
قلت لازم افتح محل .. اي محل ... ان شالله محل فاضي .. لانه الشغل عند الناس مذلة
نصحوني افتح قهوة لانهم قالولي شريك المي ما بخسر ... والله شريت محل بالمنارة ودفعت خلوو كل ثروتي 2000 دينار واتداينت 1000 وجبت بضاعة ... وقلت يا هادي يا ربي قرشك الحلال
قعدت بالضبط سنه ونص... انكسرت انعطبت .... بعتها بالف ... وقلت بعوض الله ....
وصفيت ع الحديدة ....
اجى نسيبي علي قلي اشتغل معي.. شغل شو ؟ حكالي تجارة اواعي من عمان للضفة .... قلت ومالووو سياحة وسفر
وهون المصيبة ... انا ممنوع ادخل فلسطين !!!
ولكم ليششششش ... هيك اليهود بحكولي ... طبعا عمري ما زرتها انا كيف علي منع ؟
هاد اللي اجاك
قلت والله وجهي مهوو وجه نعمة ولا سفر ولا شي
دبرت من هون ومن هون ودفعت دفعة افانتي 98 .. وصرت اا جرها .. وبالشهر يدخل علي مش اقل من 500 ليرة والحمدلله سددت نص حقها من التاجير .... وقعدت مبسووط وشيخ عرب وصرت اقوول والله التاجير ممتاز وبدي انزل كمان سيارتين وبلشت احلم واسرح لغاية ما وقعت ع راسي !!!
اجرتها لناس طلعو حرامية ... رايحين سارقين فيها سرقة وراميينها ... واتعمم ع السيارة واطارد من محكمة لمحكمة وبهدلة ما بعلم فيها الا الله .. لحتى خلصت من هالقصة وع طوول بعت السيارة وخسرت اكتر من 1500 ... وقلت الحمدلله
وبعدين يعني ؟؟؟
فتحت بسطة كبييرة ببيع فيها حزامات وكلاكيل اطفال وشغلات حلوة بالحسين .... والحمدلله اشتغلت وزبطت ... من استاذ لشوفير بسطة اه ومالوو ... وللا القعدة والشغل مش عيب .. بس والله كانت تحز في بالي .. بس اضل اقووول بكفي انه شغلي الي مش عند الناس لانه الشغل عند الناس مذلة ...
وبيوم من الايام قرار من الامانه ازالة جميع البسطات
وهجمت الامانه كالتتاااااااااار
ورجعت شحاد .....؟؟؟!!!