للشحدة أصول

الشّحّاد : وبعدين معك يا زلمه ..؟! لا تقطع رزقي ...خلّيني أشوف شغلي بالله عليك
لدّاد: أنا اللي أحلفك بالله والجاه جاه الله ....أنك تبعد عن منطقتي ... ترى ما أنا حاق الظواضافة اعلان

الشّحّاد : تعال نتفاهم
لدّاد : ما فيه تفاهم بيني وبينك ... إنت في منطقة وأنا في منطقة ...اثنين شحّادين ما بِتْوَفّي في نفس المنطقة ...
الشّحّاد : بَسْ انت وكْلِّها لله ... والله أنا كنت أفكرك تمزح ... طلعت بدك تِشْحَد عن جد ...
لدّاد: شو فيه مزح بموضوع الشِّحْده ... الفرق اللي بيني وبينك... انت مْعَتَّقْ وأنا جديد ع الصَّنْعة
الشّحّاد: طيّب ... شو رأيك أَعَلْمَكْ الشحدة على أصولها ... وتعطيني نسبة من الأرباح
لدّاد : ليش هي فيها احتمال مخاسر ...؟!
الشّحّاد : ما فيه مهنة حبيبي إلاّ وفيها هيك وهيك
لدّاد: احكيلي عن مخاسرها
الشّحّاد : نقصان القيمة أول أشي ... الناس تْلِدْ عليك نظره مش ولا بُدْ ... وثاني شي بتصير مَلْطَشَة للرايح والجاي ... طبعاً غير الكلام اللي بتسمعو ... وثالث شي عمرك ما رح تشوفك الناس بلبَسْ محترم ... محروم من شغلات كثيره في العلن .... في السر اعمل اللي بدك ايّاه ... ورابع شي ..

لدّاد : لا رابع ولا خامس ... خلي الشحدة للشحادين ....خليني بهيبتي ...حدّ الله بيني وبين الشِّحده ... صحيح انّو اللي استحوا ماتوا.... بَسْ ممكن أطلب منك طلب قبل ما أعتزل المهنة واعتبره آخر طلب ...
الشّحّاد : احكي و بنشوف ...
لدّاد : ياخوي اشحدلي سيجارة... مْأَنْقِرة معي عَ الآخر .