مؤلم جداً بيان من طلبة مدرسة فكتوريا - تفاصيل

مجدي الباطية - اصدر طلاب مدرسة فكتوريا بياناً طالبوا فيه عدم اغلاق المدرسة مؤكدين حزنهم على فقدانهم جزء كبير من عائلة المدرسة .اضافة اعلان


وقالوا في بيانهم " احنا طلاب مدرسة فكتوريا ، في منا خريجين و في منا لسا على مقاعد الدراسه ، للأسف الفاجعة الي صارت اثرت فينا احنا خسرنا خوانا و خواتنا و معلماتنا الي كانوا اعز من مجرد كلمة معلم كانوا سندنا بكتير اوقات ، احنا خسرنا جزء كبير من عيلتنا بس مع هيك احنا مصرين انو هاي العيله ما تتفرق " .

واضافوا : " مدرسة فكتوريا مو مجرد مدرسه ، هي بيتنا الدافي ، في زوايا هاد البيت ضحكنا و زعلنا و درسنا و تعبنا و نجحنا تخرج افواج من مدرستنا طلعت منا المحامي و المهندس و الصيدلاني و المحاسب و غيرو مدرسة فكتوريا قدمت كتير للوطن مع انها صغيرة بس قلبها كبير فكتوريا احتضنتنا و علمتنا معنى الحب فكتوريا جمعت العديد من الجنسيات و علمتنا نكون ايد وحده" . 

ولفتوا : " ما بدنا نحكم ع فكتوريا من موقف هي الحلقه الاضعف فيه ، اذا مدرسة فكتوريا تسكرت يعني انتوا سكرتوا ع احلامنا و طموحنا و ذكرياتنا ، فكتوريا وطن صغير احنا شعبه لا تكسرونا خلوا فكتوريا تكمل خلوا فكتوريا ترجع توقف ع رجليها .. فكتوريا ما لازم تموت".

يشار ان قراراً قد صدر عقب وقوع حادثة البحر الميت بتعليق الدوام في مدرسة فكتوريا بخلدا لمدة اسبوع .