هل سلم رقيب سير دفتر مخالفات لمالك كراج ؟ .. الامن يوضح !

مجدي الباطية - أكد الناطق الاعلامي في مديرية الأمن العام، المقدم عامر السرطاوي، ان الاجهزة الامنية شكلت لجنة للتحقيق في زعم مواطن عن تسليم دفتر مخالفات من قبل رقيب سير لصاحب كراج في اربد .اضافة اعلان


واشار السرطاوي لموقع الوكيل الاخباري انه قد تبين ان الخبر غير صحيح ، مشيراً ان الاجهزة الامنية قامت بإستدعاء الشخص الذي نشر الشكوى على مواقع التواصل الاجتماعي وتبين ان روايته غير دقيقة .

ولفت السرطاوي انه وبعد التحقيق بالشكوى تبين ان مالك احدى المحلات اشتكى الى غرفة العمليات حول مركبة تقف على باب محله بشكل مخالف ، وتوجه رقيب السير الى الموقع ، وقام تحرير المخالفة بخط يده .

واردف السرطاوي ان الاجهزة الامنية قامت بتحويل ملف القضية إلى المحكمة للفصل بها ومحاسبة المذنبين ، مطالباً الناشطين على مواقع التواصل الاجتماعي عدم تناقل معلومات قبل التاكد من صحتها من مصادرها .

وكان المواطن نشر المنشور التالي وتم تداوله بشكل كبير عبر الفيسبوك :

واقعه حدثت في اربد
فضفضه وفش غل

بعنوان

' رقيب السير '
اليوم كنت بإربد ورحت على الحسبه لإجيب غرض
دخلت الحسبه بسيارتي كوني ما بدي أتأخر قلت خليني أوقف بدخله من هالدخلات

قبل ما أنزل من السيارة
أجى لعندي شب بالثلاثينات من عمره (الله لا يكبره) وإلا بحكيلي لا توقف هون
وقف بالكراج

حكيتله بدي انزل دقيقتين
مش مستاهلها ادخلها على الكراج

حاول معي ما رديت عليه

حكالي أنا بورجيك !!!
شوف شو بدك تدفع عشان توفر ليره (إجرة الكراج)

طلع هو صاحب الكراج !!!

الصراحه نزلت من السياره وأنا خايف عليها

قلت بدي ابعد شوي وأشوف شو بده يعمل ،
خفت يبنشر عجل ،
او يخشطها او يعمل شي بالسياره .

المهم ابعدت عنه بمسافة مسير خمس دقايق وأنا اراقب فيه شو بده يعمل

وإلا نفس الشب بيمشي إتجاه السياره
وحط شي على الزجاج الأمامي .

إرجعت بسرعه على السيارة
لقيت مخالفه سير على المساحات
حطها الشب المدني صاحب الكراج !!!!


بحكيله شو هاي ؟؟
حكالي بدك توفر دينار
بتدفع مخالفه عشرين دينار

حكيتله طيب وين الشرطي إلي خالفني ؟؟
ما أنا براقب بالسياره وما في شرطي أجى
وانت الي حطيت المخالفه ؟؟

حكالي :
الشرطي أجى خالفك وكان مستعجل اعطاني المخالفه ورجع على دوار وصفي التل

هون طار عقلي وإتأكدت إنه دفتر مخالفات السير موجود مع صاحب الكراج !!!

شغلت السياره ورحت على دوار وصفي التل
وصفيتها بنص الطريق وانزلت
لقيت ثلاث رقباء سير

سألت عن (...) محرر المخالفه
طلع واحد من الثلاث

حكيتله كيف بتخالفني وانت هون ومش شايف السياره وبتخلي صاحب الكراج يعلق المخالفه على مساحات السياره ؟؟

وما في إشارة ممنوع الوقوف ؟؟

حكالي السياره عليها شكوى وتبليغ من العمليات

طبعا كل هاد خلال الخمس دقايق

طلبت منه يورجيني دفتر المخالفات
ويورجيني مسودة المخالفه!!

رفض
حكيتله دفتر المخالفات مش معك
والي كتبلي المخالفه صاحب الكراج

إرتبك الشرطي الشريف المحترم

وزملائه صاروا يغيروا بالموضوع !!!

طيب أنا كمواطن

مين إلي ينصفني ؟؟
مين يرجعلي حقي ؟؟
مين يحاسب الشرطي ؟؟
مين يحاسب صاحب الكراج؟؟

* إقسم بالله بينزعوا الولاء والإنتماء من قلب المواطن
* إقسم بالله بلدنا على حافة الهاويه

* إقسم بالله لن يبقى الأردن بخير إذا بقي على هذا

* إقسم بالله لا عتب على الحكومة ما دام الشعب هيك

اسم ورقم الشرطي

(.....)

موجودات على قسيمة المخالفه

حسبي الله ونعم الوكيل بهالرقيب

الرجاء مشاركة المنشور ليوصل للمسوؤلين
لإنه إذا إنتشر الفساد بين أفراد الأمن
هلكنا جميعاااااا