مكسيم خليل يشارك صورة باطلالة مختلفة ويعلق !

الوكيل الإخباري-شارك الممثل السوري مكسيم خليل الجمهور صورة حديثة له عبر حسابه الخاص على موقع التواصل الإجتماعي، وقام بإخفاء إحدى عينيه بيده بهدف نشر رسالة توعية.

وكتبت مكسيم خليل في التعليق، وقال: "كتير من الناس بتمرق بهي الحياة وهي مسكرة عيونها.. وبتتماها مع الفكرة لدرجة انه بتفكر انه هيك الحياة ..و العتمة يلي حاسستها هي الواقع و هو الصح.. كتير احياناً كنت اسأل حالي .. شو يلي بخوف البشر بإنها تفتح و تشوف للحظة الواقع بعين المواجهة؟؟ يمكن الفكرة تلاقي فكرة اجدد و أحلى .

يمكن بس تشوف الشجاعة تحبها و تصير رفيقتك.. يمكن بس تعيش الكرم البسيط تعرف قديش هو عظيم و عم يغير عالمدى البعيد.. يمكن بس تشوف اسباب الخوف بالجانب التاني تفهم انه خوفك ممكن تتجاوزه.. يمكن تشوف كيف التنمر و الاذى يلي معتبره طبيعي ..حرية..دفاع عن النفس ..قديش هجوم على حالك قبل الاخرين ..وقديش كشفت وراقك بسهولة.. يمكن تكتشف انه الحق يلي عم يطالبو فيه الآخرين هو بالنهاية حقك .. والحرية يلي بتتجاوز اصابيع ايديك يلي سميتهم خطوط حمر ..هي حريتك ..هي سلامك ..وهي امانك .. شكل حياتك و مجتمعك و طفولتك بيفرضو عليك حطت ايدك على عيونك .. كل البشرية هيك .. بس شو المانع تاخدلك نظرة؟؟ نظرة صافية ..جريئة..بلا احكام مسبقة .. اتجرأ تطلع من حريتك يلي كبلت ناس تانيين .. بجوز الانطباع ياخد منحى تاني ..سلبي او ايجابي مو مهم .. المهم انك جربت وعرفت..ويمكن تكتشف انك انت يلي بلشت واسأت .. والمطلوب تعترف وتعتذر .

وتابع :"ياترى رح تقدر ؟؟؟ شيل ايدك كلها من على عيونك واكيد رح تقدر".
وتفاعل الجمهور بشكل كبير مع رسالة مكسيم هذا وأكدوا على كلامه.

• أخبار متعلقة

• أبرز مسلسلات الدراما السورية في رمضان 2026

• هنا الزاهد تعود لدراما رمضان 2026 بمسلسل جديد بعد غياب 4 سنوات

• آسر ياسين ودينا الشربيني معا في مسلسل جديد برمضان 2026

• الشاعر رمضان محمد يكشف تفاصيل إصابة النجم تامر حسني في قدمه

• بعد غياب طويل.. تفاصيل حفل عبد المجيد عبد الله في أبوظبي

• حقيقة انفصال دنيا سمير غانم عن زوجها رامي رضوان

• وفاة نجل المؤثر السعودي موسى بن تركي تثير صدمة وتعاطف واسع

• فضل شاكر يتلقى دعمًا لافتًا من مشاهير الوطن العربي