ممثلة مصرية تعلن تعرضها لوعكة صحية تلزمها الكرسي المتحرك!

الوكيل الاخباري - كشفت الممثلة المصرية الشابة ندى بهجت، عن تعرضها لوعكة صحية شديدة منذ أكثر من شهرين ألزمتها استخدام الكرسي المتحرك، في تنقلاتها.

ونشرت منشورًا، عبر حسابها الخاص على موقع التواصل الاجتماعي "فيسبوك" قائلة: "أنا عايزة أقولكم على مفاجأة كنت مخبيها عليكم بقالي شهرين ومحبتش أقول، وأصلا أنا مش بحب أقول على أي حاجة وحشة بتحصلي، ولا ادعولي ولا كفاية عين، ولا الكلام دا خالص وبحب أبين وأقول الحلو بس، ويمكن دا السبب في اللي أنا فيه حاليا الله أعلم المهم: أنا حرفيًا بقالي شهرين مش بمشي وقعدت على كرسي متحرك لمدة شهر ونص، وعاملة عملية في رجلي خطيرة".

وأضافت: "متخيلين! فحصلي إيه بقا؟! اتقطع الوتر أكيلس عارفين دا ايه؟ دا أخطر من الكسر والرباط الصليبي! دا اللي ماسك الكعب بالسمانة إزاي، معرفش ودا مش بيجي غير للاعبين الكورة وهما بيلعبوا بعنف طب إزااااي جالي، أنا من تمرين بسيط ومتعودة عليه معرفش!!، أنا من يوم ١٨/١ لحد النهاردة ولسه قدامي شهر كمان عشان أقدر أرجع لحياتي الطبيعية والرياضية، ويادوب من أسبوعين بس قمت من على الكرسي الحمد لله وقدرت أمشي بس ببوط طبي وبعمل علاج طبيعي مكثف، والحمد لله، ودا طبعا ترتب عليه إيه بقا، اعتذرت لحد دلوقتي عن ٣ افلام/ ٣ مسلسلات لرمضان، وفاضلي مسلسل واحد معتذرتش عنه ومعرفش إذا هقدر أعملوا ولا كمان هعتذر عنه! ويارب أقدر اعملوا".

وتابعت" المهم إيه الحكمة من كلامي دا؟ الحكمة أن أوعوا تصدقوا ضحكات الناس وفرحتهم اللي بتشوفوها في الصور، لأن متعرفوش هما مخبين إيه من وجع وألم ورا الضحكة دي، وأنا قررت إني أتكلم دلوقتي لأني خلاص قربت أخف والحمد لله، وعشان اللي بيشوفني بالصدفة بيتصدم وبيسألني إزاي وانتي كل يوم بتنزلي صور وزي الفل؟! الصور دي للأسف لازمة عشان شغلي لكن لو عليا مش هنزل أبدا العين فلقت الحجر".

المصدر: لها

• أخبار متعلقة

• تامر حسني أمام النيابة.. سر استدعائه "تيك توكر" شهير

• حقيقة انفصال بيسان اسماعيل عن خطيبها محمود ماهر

• موقف محرج لليان رايمز خلال حفلة.. جسر أسنانها الأمامي يسقط فجأة

• عبير صبري تعلن انفصالها رسميا عن زوجها بعد 7 سنوات زواج

• رحيل صادم لنجمة بوليوود.. "فتاة كانتا لاغا" تفارق الحياة - صورة

• نوال الزغبي تُقلق مُحبيها... خضعت لعمليّة جراحيّة وهذا ما قالته - فيديو

• بعد 15 عاماً من الغياب.. تيسير فهمي تكشف حقيقة اعتزالها الفن

• سرقة قصر براد بيت في لوس أنجلوس أثناء ترويجه لفيلمه في بريطانيا