فنانة شهيرة ترد وتكشف عن حقيقة إفلاسها !..(صورة)

الوكيل الاخباري - أثارت الفنانة نشوى مصطفى جدلاً كبيراً على مواقع التواصل الاجتماعي بعدما كشفت عن بحثها عن أي عرض سينمائي أو درامي، موضحة أنها أصبحت لا تتلقى أي عروض وتشعر بالإشتياق للتمثيل.

البعض توقع أن ما كتبته نشوى يكشف عن إفلاسها ومرورها بأزمة مالية، إلا أنها قررت الرد بشكل عنيف وكتبت من خلال حسابها على موقع التواصل الاجتماعي الفيسبوك :" توضيح هام من يومين كتبت بوست والحقيقة كالعادة الفترة اللي فاتت بقيت اى حاجة باكتبها بيكون رد الفعل تجاهها اكبر من توقعاتى بمراحل البوست كان ملخصه انى عايزة أمثل والحقيقة اي فنان زميل هيفهم معنى ان طاقتك وموهبتك متعطلة".

وأضافت:" إنك تكون مركون على المعاش وانت لسة عندك طاقة بدليل أن العظيمة أمينة رزق كانت بتمثل لاخر يوم فى عمرها اللي تجاوز التسعين سنة وانها قدام الكاميرا كانت بتتحول لطاقة فنانة فى التلاتين المهم انه اتفهم من البوست انى لاسمح الله محتاجة امثل علشان محتاجة فلوس مثلاً وده عرفته من كم التليفونات اللي تلقيتها او من كم الناس السفلة الشمتانين الكارهين واللي بيكرهوا اي حد بيقول تحيا مصر ".

وتابعت:" واحب اوضح لكل الناس محبين أو كارهين أنى من فضل الله سبحانه وتعالى مستورة جداً وانى متزوجة من راجل بيعولنى ومن فضل الله زوجى عنده بزنس ساترنى وساتر بيتى وولادى اللي بفضل الله اتعلموا جوه مصر وسافروا كملوا دراستهم فى امريكا والمانيا وبفضل الله وبكرمه ونعمته واجتهاد زوجى الحمد لله مستورة وأن زوجى معاه جنسية امريكية وأنه من الممكن انه ننتقل للعيشة فى امريكا ودخلنا من شغله يكون اعلى بس احنا زي السمك مانقدرش نسيب مصر".

واستكملت:" وباعتذر لكل القنوات العربية والمصرية اللي كلموني علشان يستضيفوني علشان نتكلم في البوست وباشكر اخواتي واصدقائي المنتجين في الكويت وفي الامارات على عروضهم الطيبة وفعلاً الفنان فنه مالهوش حدود تقاس بالكيلومترات انا بحبكم ".

المصدر: لها

• أخبار متعلقة

• نانسي عجرم تشارك جمهورها كواليس "اشهدي يا دني" - فيديو

• ياسمين صبري تتألق في باريس إلى جانب نجمات عالميات - فيديو

• أشرف عبد الباقي يستعيد ذكريات طفولة ابنته زينة في عيد ميلادها - صور

• حقيقة وفاة جاكي شان بعد انتشار صورة مثيرة للجدل

• بعد بلوغه 45 عاماً فنان مصري يكشف سبب تأخر زواجه - فيديو

• بعد 5 سنوات.. أحمد عز يعيد شخصية "يونس" في "العارف 2" - صورة

• بعد أزمة رقابية.. استئناف تصوير "عسل أحمر" لهند صبري وآسر ياسين

• مكسيم خليل يخوض رمضان 2027 بعملين دراميين