القبول الموحد في الجامعات .. بين التميز .. والواسطات .. !

زيد عبد الكريم محارمه - موضوع يشغل بال الكثير الكثير ... من اوليااااء الأمور ... شو ها المهزلة ... كل سنة نفس القصة ما في تغير ... والمصير هو نفس المصير ... سياسة فاشلة تحكمها الواسطات ... والمعدل طبعاً أخر الاهتمامات ... المُهم أنت مين وابن مين ... والأساس التلفونات ... فهذه هي أسس القبول في الجامعات ... وتوزيع المقاعد والتخصصات .. تتم عبر الاتصالات ... ولا تقول ابني مجتهد ومميز ... ولا تقول بنتي من المتفوقات ... لأنه العَدل زمان مَات ... إذا معك واسطة اقعد ودلي رجليك ... وإذا ما معك واسطة ... خلص راحت عليك ... !!!!!! اضافة اعلان


وإذا عندك اعتراض على القرار ... فوراً بقولك سوء اختيار ... لأنه الواسطة هي الشعار ... والمُعدل أخر معيار... إلي عجبه عجبه ... والي ما عجبه هذا إلي صار ... وروح اركض دور واسطة ... ابنك جاب 97 بتمرمر وبذوق الأمرين ... وابن فلان جاب 66 ... يا حبيبي أنت بتأمر ع الرأس وع العين ... فإلى متى هذا الاستهتار ... وواقع التعليم في الأردن إلى انهيار ... يا عزيزي ... سوء الاختيار ليس من الطالب ... بل من صُناع القراااااااار .... !!!!

وفوق هذا البين ... حط اثنين ... وشو تمرمر هَا الحزين ... سكان عمان ... وبنته طلعلها بمعان ... يعني المَصروف كمان بالقبان ... وقلق وتفكير وعدم اطمئنان ... البنت نايمة بمكان ... والأهل بمكان ... حتى الشب الخوف صار عليه أكثر من زمان ... طيب ليش كل ها المَرار ... إذا كل إقليم في عدة جامعات .. وفيها جميع التخصصات ... ليش ابن جرش ما يدرس بإربد .. وابن مادبا بعمان ... شو المانع ما دام بالإمكان ... !!!!!!

لكن يبدو الحكومة مكيفة علي بيسير ... سياسة تجهيل وإفشال ... ومشاكل الجامعات نصها من ورا ها الواسطات ...

كيف بدك طالب مميز ... وأنت بينهم بتميز ... وللي معه واسطة تتحيز ... ؟؟!