الكرك :احنا حذرنا والعتب مرفوع .. ليش يا سمسار ترفع البنزين

الوكيل- انطلق المئات من ابناء الكرك من امام مسجد المرج الكبيرعقب صلاة الجمعة في مسيرة تحت عنوان ' لا لرفع الاسعار ولا لقانون الصوت الواحد ' .اضافة اعلان


هذا ووجه المشاركون خلال المسيرة رسالة لكل الفاسدين لا لرفع الاسعار ...لن ندفع فواتير عهركم من جيوبنا ... لا لقانون الصوت الواحد ..ولا لإفرازاته القذرة .. ان حراكنا مستمر حتى تحقق جميع مطالبة في الاصلاح والحرية والعدالة الاجتماعية ... يا كل الفاسدين لن تهربوا بفسادكم سنحاسبكم ونستعيد وطننا.

وقد هتفت المشاركون خلال المسيرة شعارات أبرزها

يا زريف الطول احمر يا دلوع .........................درب الحريه ما عنه رجوع

احنا حذرنا والعتب مرفوع ..................ليش يا مختار تحمي الفاسدين

احنا حذرنا والعتب مرفوع ......................ليش يا سمسار ترفع البنزين

يا زريف الطول وقف تاقلك....................... هذي بلدنا ومش ملك اهلك

اسأل التاريخ وروح اسأل اهلك .....واسأل عن نيسان شو سوُّو الكركيه

يا زريف الطول واسهر لحالك ..... ..................موال الشعب مهو موالك

يا زريف الطول احمر يا سمسار................ .. احنا ملينا من لعب لقمار

سرقت الشركات وضمنت الابار............ وسرقت كل الاراضي الاميريه

يا زريف الطول قرفنا هالعيشه................... .ليش سرقتوا ابار الريشه

سرقت الفوسفات ورفعت الميه ........... وسرقت كل الاراضي الزراعيه

يا زريف الطول استحي شويه .......واسأل عن نيسان وعن سنة الهيه

والي يسرقنا نشيله يا خيه ............... ومن دون الكرك ما الك شرعيه

يا زريف الطول وافهم يا مختار .......................احنا حذرنا واصدرنا قرار

قوت المواطن احمر مثل النار ............ مش رح نسكت ع رفع الاسعار

يا زريف الطول اسمعني اسمع ...........حكم الزنازين مش رايح يرجع

واسأل عن نيسان شو سوُّو الاحرار ......... والله بنعيده بهمة الكركيه

يا زريف الطول ما عندك بديل ..................يا اما الاصلاح يا اما الرحيل

احنا حذرنا وتونس الدليل .................... والي ما بفهم يرحل يا خيه