من وصفت ديانا حداد بالفاشل والمريض والشرير؟!

الوكيل الاخباري - يبدو أن أمراً ما أزعج الفنانة ديانا حداد لدرجة جعلها تغضب بشدة لتعبّر عن ذلك عبر صفحتها الرسمية على موقع “تويتر” حيث نشرت سلسلة من التغريدات جاء فيها: “استغرب من الناس اللي بتنتقد على الطالع والنازل ما بشوفوا حالهم، وهم الغلط كاسيهم من راسهم لساسهم، عالم مريضة.. على فكرة اللي بيته من زجاج ما يرشق الناس بحجارة، يعني بالعربي المشبرح اذا انتوا فاشلين ما ترموا فشلكم علينا، ولا تحاولوا تتسلقوا على حساب حدا.. وللعلم ما حدا كامل بهالدنيا الكمال لله سبحانه وتعالى، وجّل من لا يخطيء فما يقعدوا يعملولنا فيها انهم فهمانين وهني أفشل ناس.. وإذا أتتك مذمتي من ناقص، فهي الشهادة لي بأني كامل.. اذا مفكرين انه الطيب والمحترم الحمدلله ما بيعرف ياخد حقه بكونوا غلطانين، ومش كل مره بتسلم الجرة يعني اذا انت فاشل في مجالك ما ترمي فشلك.. وما تحاول تعمل بروباغندا على حساب ناس محترمة، للأسف ما خّلا حدا من شره كل يوم عنده حدا، المشكلة الناس بينسوا شو كانوا وكيف.. الله يشفيك ويشفي النفسيات اللي متلك، للأسف شو بدنا نصلح لنصلح من هالناس المريضة.. يا عيب الشوم بس، عاملين فيها هني نقاد على الكل ما حدا بيسلم منن، وهني ما عندن لا احترام لا للمشاهد ولأنفسهم قبل اي شي، على أساس بيقدموا.. فهمانين الفن غلط، الفن اخلاق واحترام قبل الالحان والموسيقى يا شاطرين، وفوق كل هيدا نسيوا لما يتصلوا فينا عشان نغنيلهم.. لأ مش كل طير بيتاكل لحمهن يلا الواحد بيسكت احتراماً لنفسه وللناس اللي بحبهم ، ولأن ما تربينا على قلة الأخلاق ونحكي على الناس بظهرها.. بس لازم بين فترة وفترة الواحد يحجّم هالناس ويعرّفهم حدودهم ..واكيد الرد بأسلوبي مش بأسلوبهم اللا أخلاقي، هني يطلعولي انا ما بنزل لحدا، بكل تواضع واعوذ بالله من كلمة أنا.. في مثل بقول لو الجمل بيشوف حردبته بيوقع وبيكسر رقبته، فمن الاحسن يلتهوا بحردبتهم”.