فشة غل 1 بالعامية

فادي مروان فالح الجدع- عمري 32 سنة وخلصنا دراسة وحملنا البكالوريوس وصار عمري 23 وصرت استاذ مدرسة بس مين اللي بدرسهم ؟؟ صبايا فرافير وبعد 4 شهور استقلت وبس سالتني المديرة ليش ؟؟ قلتلها ريحة عطر الطالبات بعملي تحسس ضحكت وضحكت ... اضافة اعلان

سافرت ع دبي واشتغلت بشركة تكييف وقعدت سنه ونص وصارت الازمة المالية ورجعت ع البلد طبعا رجعت شحاد ... طيب وبعدين ... اشتغلت بشركة توصيل طلبات وكنت اشتغل من ال7 الصبح لل6 .... ولانه معي بكالوريوس ادب انجليزي المدير احترمني وخلاني ( اوصل طلبات ) لبيوت السفراء والسفارات ... انه يعني الولد بحكي انجليزي ... قعدت شغال 8 اشهر حتى اصابني الباصور .... بعدين رحت اشتغلت في شركة مستحضرات تجميل ورجعنا للصبايا والفرافير ... تفووت ع الصالون وتشرحلها وتغسل شعرها .. واكيد اكيد ما قعدت اكتر من شهرين .... بعدين والحمدلله بقدرة قادر صار معي ثروة من المال صار معي 2400 دينااااااار .... شو اعمل فيهم شو اعمل فيهم ... ارن ع الوليد بن طلال ؟ ابعت ايميل لبيل جيتس ؟ قلت اول شغلة بدي اعمل عمرة عشان ابلش حياة جديدة ... معي 2400 ليررررررة ... وعملنا عمرة وبقدرة قادر اشتغلت بالسعودية سنه .. صحيح ع حدود اليمن بس في النهاية اشتغلت وصارت ثروتي 3200 ليررررة ... وبسنة وحدة زادت ثروتي 800 دينار .. اللهم لا حسد .... صحيت ع حالي لقيت عمري صار 29 ... وقلت الله يحرقها من حالة طول عمري بقوول للناس الف مبرووك بالرفاه والبنين ومبرووك ما عملتوو .. نفسي حدا يقلي مبرووووووووك !!!!
ومن هاد المنطلق قررت اتجوز ... يما بدي اتجوز ... نط ابوي وقلي كلمة مش عارف اذا هي حكمة او مسبة ... واكيد عرفتوها مش راح احكيها ... قلت معي 3200 ... قلي عارف وين تحطهم ... طبعا عارررف !!!
شاءت الاقدار وربك صاب اخوي الاكبر مني بالسرطان رحمة الله عليه ... وصار بدو عملية لازالة الاورام في المعدة والعملية كلفت 7000 ...
وطبعا ملعوون ابو ثروتي لاجل اخوي ساهمت ب1500 ليرة ... والحمدلله شاءت حكمة ربك وحنيتوو انه اراح اخوي من اوجاعه .. ورحمة الله عليه
ضل معي 1500 ... صرت اصرف مناا قاااعد طبعا الاستاذ فادي اللي هو انا اشتغل في دهان الموبيليا بس بدون ما اتوسخ يعني بضحك ع حالي وبقلكم كنت شغال مشرف ( مشرف ع 3 عمال اتنين فيهم اقل من 12 سنه ) مش مشكلة المهم ما اتوسخت
بعدين اشتغلت سوبر فايزر بمحل حلويات كبير واشتغلت بمجال السياحة 5 اشهر ....
صار عمري 31 سنه
بدي اتجوووووووز .......... كيف وليش لقيت حالي خاطب والخطيبة للاسف لا هي ولا اهلها ...... طلقت وزي الخرووف دفعت 800 ليرة
انتوو بتحسبوو قديش ضل معي ؟؟
ثروتي صارت 800 دينار هدايا للخطيبة وشمات هواا .... خرووف بـ جاعد كنت
حولت شعار حياتي من ( لا تجعل احلامك مجرد فتاة ... بل اجعل طموحك حلم كل فتاة )
والحمدلله لحد كتابة هـ المقال لا عندي احلام ولا طموح ولا فتاة وبالاساس مش عارف كيف يعني اجعل ؟