استغلال سائقي سرفيس الوحدات للركاب

الوكيل-ارسلت المواطنه 'هبه جمعة' شكوى لموقع الوكيل الاخباري تشكو من سائقي السرفيس لمنطقه الوحدات وكانت رسالتها على هذا النحو.
احنا عنا مشكله بخصوص سرفيس الوحدات لا يوجد لا رقيب ولا حسيب على السرفيس

بمعنى انو لما نروح عى الوحدات عشان نشتري او نتسوق منه واحنا مروحين بنكون بدنا نركب في سرفيس الوحدات وقسما بالله العظيم ما حدا من شفيرية السرافيس بقبلو يطلعونا بالسرفيس الا طلب واقل من دينار ونص ما بقبلو يطلعونا وطبعا ما في دور ولا شي يعني انا لما كنت اشتغل بالوحدات واكون بدي اروح ع البيت ما بقدر اروح بتكسي لانو ما في تكسي اصلا بيمرق من الوحدات ولما اجي بدي اطلع بالسرفيس بحكيلي طلب وبدينار ونص وانا لو اطلع بتكسي والله ما بياخد مني يا دوب نص دينار لانو بيتي في حي ام تينه بالاشرفيه يعني بجانب الوحدات وطبعا في شغله جديده انصدمنا فيها انو هلأ بموسم العيد ما بقبلو يطلعونا ب اقل من 3 دنانير وحيات الله ولما نحكيلهم اقل بحكو روحي شوفي سرفيس تاني وما رح تلاقي حدا يطلعك اقل من 3 دنانير يعني كلهم هيك فشو نعمل احنا

مشااااااااااااااااااااااااااااااااااااااان الله تخلو في مراقب يجي ويشوف هاي الحاله لانو ما بنقدر نروح الا بالسرفيس لانو ما في تكسي بيجي ع الوحدات.

هبه جمعة
[email protected]