كيف تصبح إصلاحياً في دقائق .. ؟

أصلاً إنت اصلاحي وإنت مش عارف .. الشغلة أبسط من البساطة ..:
1. وانت ماشي بسيارتك ارمي السيجارة على طول إيدك ..مش بس السيجارة ..كمان أي شيء مقرفاضافة اعلان

2. وانت واقف على الاشارة ..زمّر..زمّر ..زمر ..كمان وكمان ..ولا تنسَ أن الموبايل لازم يظل على إذنك
3. لازم (تفرض) على مرتك تشاركك في الاصلاح ( غصب عنها ) ..مش على كيفها ..
4. لازم تستنجد بالعشيرة وكل شويّة تحكي : قرايبي مش قلال بالبلد ..والله يقلبوا عاليها واطيها ..علماً هم أول ناس سيصدرون بيان إدانة ضدك.
5. لازم وإنت تحكي ؛ ما تحكي بهدوء ..لازم تصرّخ وتعلي صوتك للسماء ..وتحكي حكي كبير ومش مفهوم بس يجب أن يرد في كلامك الكلمات التالية : ليبرالية و راديكالية و متعفن و إذا قدرت تحط كلمة ( الكمبرادور ) ما توفر .
6. لازم وانت تطالب بالاصلاح ..تبحث عن واسطة لتمشية معاملة غير قانونية ..البلد مش إلهم لحالهم.
7. لازم تستعمل جملة ( اعرف مع مين بتحكي ) كل شوية ..وإذا ما لقيت حدا تحكيلو إياها ..احكيها لابنك .
8. لازم وإنت تناقش تستخدم جملة : الحقيقة اللي ما فيها جدال ...و جملة : غير هالحكي ما في حكي ..و جملة : مستحيل اقتنع.
9. لازم ما تصف على الدور في المخبز ..ولا في البنك ..ولا في الوزارات ..عيب واحد زيك يصف ع الدور ..والله كبيرة هاي بحقك
10. لازم تنطم و تسكت وتنظب ..قرفتني ..الاصلاح مش لعب عيال ..