معلومه وتنبيه لابناء الوطن الاشراف

ابو هيثم انا من سكان الزرقاء ويوميا بطلع ع السوق وهاي المرة الثانيه مبارح بقابل شخص بيوقفني بالشارع وببلش يحكيلي عن اوضاع البلد والغلاء والله يعينك كيف بدك تتزوج والذهب بيرتفع والايجارات وال.....الخ اضافة اعلان


وانا بفكر انه بالنهايه بده يطلب المساعده بس اتفاجأ انه بيعرض علي الانضمام لمسيرة كبيرة بدها تقوم بالبلد ضد الحكم والحكومه وانا مربوط قدامه مافي مجال اوصل مخفر او اي جهة اللي ابلغها عن هذا الشخص مع العلم انه هاد الزلمه مش نفس الشخص اللي وقفني اول مره المرة الاولى كانت بالمجمع القديم والمرة هاي كانت بشارع شامل بالزرقاء وبعد ما أخبرته اني أحد افراد القوات المسلحه قال بانه اغلب الجماعه المنظمه لهذا الحدث هم من افراد القوات المسلحه من جميع الاجهزة..مع العلم اني لست من افراد القوات المسلحه الاردنيه

بالنهايه اكتفى بكلمه مني وهيه اني راضي بهالحال واللي من الله حيالله وانا على اطلاع بانه من علامات يوم القيامه انتشار الغلاء ف ليش بدي اروح واشارك بثورة او بالاصح باعمال خراب لازم الواحد يتعلم من الدول الثانيه اللي بعضو ايديهم ندم ع الارواح اللي بتسقط كل يوم نتيجة تقليدهم لدوله اخرى يمكن تونس نجحت بالثورة بينما ليبيا ومصر وسوريا اللي سعو للتقليد دفعو ارواح ماكان في داعي انهم يفرطو فيها نتيجة حب التقليد لغيرهم .

انا من لحظة ما وعيت عهالبلد وانا اعشقه واعشق ترابه واعشق قيادته الهاشميه من جلالة المغفور له الحسين بن طلال الى جلالة الملك عبدالله بن الحسين المعظم وسمو ولي العهد الامير الحسين بن عبد الله حفظهم الله ذخرا ودامو لنا عزا ومجدا وأسأل الله العلي القدير ان يحرس الاردن وملك الاردن وشعب الاردن من كل سفاح مأتفك وضيع تسول له نفسه ان يعبث بعقول الناس ليدمر امن واستقرار شبر من بلد مسلم مسالم يجمع في ربوعه مختلف الديانات والافكار والله الموفق المستعان.

رامي رامز علي الرمال
[email protected]