كاتب العرايض

بقلم د. فاضل الزعبي - وهو رايح عالمحكمه ميشان يشتكي حتى يوخذ حقه و يرفع الظلم اللي واقع عليه، وصل ابو فتحي (الصديق الصدوق لابي يوسف و جاره منذ ان تزوجا في نفس اليوم) لعند كاتب العرايض (أبو حلمي العرضعالجي). اضافة اعلان


بدأ أبو فتحي يحكي قصتو لأبو حلمي، القصير السمين التعبان حتى و هو قاعد عالكرسي.
و كاتب العرايض أبو حلمي يسطر ذلك على العريظه و وجهه ملتصق بها لقصر نظره و بدون نظاره ، الى ان انتهى من سرد مأساته، و طلب ابو حلمي من ابو فتحي ان يوقع على العريضه ليقدمها للقاضي.

ابو فتحي باستحياء طلب من كاتب العرايض القصير السمين المتهالك على كرسي مهترء يكاد ذقنه يلامس الطاوله، ان يقرأها له حتى يعرف ماذا كتب.

بدأ ابو حلمي بقراءة العريضه و ابو فتحي شرع في البكاء، ما ان انتهى من قرائتها حتى وجد ابو فتحي في حالة يرثى لها باكيا حانقا منهارا، لا يقوى على الكلام.

استغرب ابو حلمي و سأل ابو فتحي ، مالك يا رجل، شو صارلك.
سأله عدة مرات الى ان اجابه ابو فتحي بصوت خافت و مكسور: معقول كل هذا حصل لي و انا ما بعرف. كل هالمصايب صارت معي و انا ما بدري!!!!

نعم كل هذا يحصل و حتى أبو يوسف ايضا لا يعرف.
كل هذا يحصل لنا و كلنا لا نعرف، لاهون عنه، ربما، ادراكنا فشل في استيعاب مدى الضرر و العطل و الدمار الحاصل لنا. يعني بطلنا نستوعب و لا نحس. تمسحنا.

يعني كل هالمصايب و الظرايب و الجهل و الكرامه او عكسها و الغبن و لعانة الحرصي و احنا مش داريين.

حكوها، ان كنت تدري فتلك مصيبة و ان كنت لا تدري فالمصيبة اعظم.
و حكو كمان، اللي بدري بدري و اللي ما بدري بيقول كف عدس، اي حفنة ملء الكف من حبوب العدس.
و هاي اللي صاير مع ابو فتحي، ما كان عارف و هون المصيبه.

يعني مين فينا عارف شو معنى انو مواطن بشاصي درجه اولى او غيرها؟ و هون المصيبه.
يعني مين فينا عارف انو كيف بدو ينتخب مجلس القريه، و اذا كانت بصوت واحد و لا كتله شو الفرق او شو يعني. و هون المصيبه.
يعني مين فينا فاهم الرادار تبع شرطة السير علي اي درجه محطوط و بيقيس على نفس معدل السيارات اللي ماشيه في الشارع ولا لأ. و هون المصيبه.
طيب كيف بدك تعرف ابو لطفي (اللي بيشعل و ما بيطفي) مشمل و لا مغرب. مهو بتشوفو جاي بتفكرو رايح، و بتشوفو واقف بتفكرو قاعد، و بتشوفو صاحي بتفكرو نايم. و هون المصيبه.

يا رب زيد كتاب العرايظ و عددهم حتى لما يقرونا اللي حكينالهم اياه نحس في اللي احنا فيه. و نبلش عياط. بيقولو العياط مفيد للعينين، بس عيون مين.
اذا عرفت الجواب اسكت و خليها.