مشكلتي في البحر الميت !

عزيزي الوكيل :

انا امس كنت بالبحر الميت , وصلنا هنالك الساعه الثامنه مساءا, بدأنا نحضر الطعام وكل اشي واذ يقطعون الكهرباء الساعه العاشره عن طريق البحر الميت منطقه ما بعد نقطه التفتيش , اضافة اعلان


طبعا الحلو سيد محمد انك بطلت تشوف اصابعك , والشرطه بطلت تمر والكلاب طلعت والمنطقه مليانه عائلات , والي اكتشفته انو في ناس بتصير تيجي بعد هذا الوقت عمدا, وكل شب وصديقته , وشويه زعران بتسكر ,

سيد محمد احنا ممنوعين نشوي باية منطقه ( شارع الاردن بطفو , حدائق الحسين ممنوع , حدائق الملك عبدالله ممنوع و بالصويفيه ممنوع بمكه مول ممنوع ) وين اروح,,,,, صار الواحد يحتار وين يروح هو واولاده ,

السؤال انو ليش بطفو كل الطريق الى منطقه الفنادق الي ممنوع حدا يقعد فيها ,, انا بدي حقي سيد محمد لانو بنتي بنت ال 4 سنسن خافت من العتمه وصوت الكلاب , وانا زتيت كل اللحمه وسحبت حالي انا وعيلتي خوفا على مصلحه العائله من الزعران وبنات الليل ,

والمشكله انو كانت دوريه الشرطه قبل ما تطفئ الانوار ( رايحه , جاي ) بس بعدين لما انطفت الدنيا ولا سمعنا صوتهم ,

انا بتمنى سيد محمد انكو ترنو علي عشان اشرحلكو الموضوع اكثر من هيك


مروان غازي ابوزيتون
[email protected]
0796667722