سميرة أحمد تكشف عن ذكريات عالقة في ذاكرتها عن رمضان

الوكيل - تعتبر الفنانة المصرية سميرة أحمد من فنانات الزمن الجميل اللواتي دخلن قلوب المشاهدين بأدائها الراقي وحضورها القوي، وتعرف عليها الجمهور عبر الشاشة الذهبية من خلال عدد كبير من الأفلام.اضافة اعلان

وخلال تصريح خاص لصحيفة 'الوطن' المصرية، هنأت الفنانة القديرة المصريين والعرب بحلول شهر رمضان قائلة: 'بهني الشعب المصري والعالم العربي والإسلامي كله بشهر رمضان وكمان بهني الرئيس عبدالفتاح السيسي بالشهر الكريم، وبتمنى إن رمضان يعدي كويس أوي على كل الناس'.
وتحدثت الفنانة المصرية عن ذكريات كثيرة مازالت عالقة في ذاكرتها عن شهر رمضان قائلة: 'وأنا صغيرة كنت بقضي رمضان طبعًا مع العيلة وبفطر وبتسحر مع ماما وبابا الله يرحمهم، ومع إخواتي وكان بيبقى جو أسري جميل، دلوقتي بقضي رمضان مع أسرتي وبنتي 'جميلة' ومع إخواتي وولادهم ربنا يخليهم ليا يعني بفطر يوم في بيتي ويوم عند ولاد إخواتي، وبعد وفاة أختي 'خيرية' الله يرحمها بقيت بحل محلها ومسؤولة عن ابنها 'كريم' وبالمناسبة بباركله بزواجه لسه متجوز قريب وبعتبر كريم ابن أختي خيرية زي جميلة بنتي بالظبط'.
وكشفت أحمد عن بداية صومها لرمضان، قائلة: 'من وأنا سني 7 أو 8 سنين بدأوا في البيت يقولولي لازم تصومي وكده فبدأت أصوم تدريجيًا يعني أصوم أيام وأفطر أيام أو أصوم يوم للظهر وبعدين أزود للعصر لحد ما اتعودت أصوم اليوم كامل'.
وخلال حديثها كشفت الفنانة القديرة عن اول العروض التي قدمت لها، قائلة: 'أول مسلسل اتعرض ليا في رمضان كان 'امرأة من زمن الحب' وكان معايا فيه الفنان يوسف شعبان ومجموعة من الفنانين الشباب والحقيقة المسلسل نجح والناس حبته أوي'، وتضيف: 'فضلنا نصور بعض الأعمال في شهر رمضان زي 'امرأة في زمن الحب' بس عمرنا ما اضطرينا نفطر نهائي بسبب التصوير، لو كان فيه تصوير مشهد فيه أكل أو شرب كنا بنستنى بعد الفطار ونصوره وده كان بيكون بالاتفاق مع فريق عمل المسلسل كله'.
وأشارت سميرة إلى الأطعمة التي تفضلها على مائدة رمضان قائلة: 'بحب أوي أبدأ فطاري بالشوربة الخفيفة وبحب الجبنة البيضاء والفول المدمس ومبحبش الأطعمة الثقيلة على الفطار زي المحشي والبط، وعودت نفسي إني متسحرش'.