السبت 20-07-2024
الوكيل الاخباري
 

طائر الفينيق الفلسطيني



لا الكورونا ولا أبو الكورونا ولا حلفاؤها من الجن والإنس بقادرين على هزيمة الشعب الفلسطيني ومقاومته الروحية. لم تصمد مقاومة في العالم كل هذا الوقت من الاشتباك المباشر مع المحتل، وانتهت معظم قضايا العالم والتهم المحتل ما التهم.اضافة اعلان


 رغم جميع المؤامرات الدولية وجميع الخيانات المحلية ظل الشعب الفلسطيني صامدا وظلت قضيته جرحا ينز بضجيج دائم في وجه العالم. تقول الحدوثة:

الأول: كيفك يا زلمه وكيفو أبوك إن شاء الله تحسن؟ صار لي سنين ما شفتك

 التاني: أنا ماشي حالي الحمدلله بس الوالد عطاك عمره.

 الأول: العمر إِلَك. بعرف كان عندو القلب......الله يرحمه.

 التاني: بس والله ما مات من القلب.

 الأول: معكول هالحكي؟! كيف توفى؟

 التاني: الله يرحمو بآخر فترة ضعف نظرو كتير. مرة طلع ع البلكون ما شاف

الحفة وقع وبتعرف بيتنا تالت طابق

 الأول: لَهْ لَهْ على هالموتة، بكل الأحوال الله يرحمو

 التاني: والله تعذبنا فيه كتير وعملنالو شي 12 عملية لَتْحَسَّن

 الأول: لكان كيف توفى؟!

 التاني: صار يحمل عكازة ومرة عم يقطع الطريق، سيارة مسرعة خبطتو

 الأول: يَهْ يَهْ يا لطيف... الله يرحمو

 التاني: ربك رحيم كان فيه جار إلنا حطو بالسيارة ولحقو ع المستشفى بس النزيف

الداخلي كان رهيب

 الأول: الله يرحمو بكل الأحوال

 التاني: بس سفرناه على إسبانيا وضلينا شي 6 أشهر عم نعالج فيه والحمدلله

تحسن

 الأول: طيب كيف مات

 التاني: صار معو فشل كلوي حاد وصرنا ندور على متبرع كلية وتأخرنا وصار معو

تسمم

 الأول: الله يرحمو ارتاح

 التاني: بالصدفة إجا شخص بيعرفو من زمان تبرعلو بالكلوة بآآآآآآآآخر نفس

 الأول: لكان كيف مات؟!

 التاني: والله مرة بالبيت وهو قاعد ما انتبه ع الغاز احترقت الشقة وهو لحالو

فيها

 الأول: يا لطيف على هالموتة ما أبشعها الله يرحمو

 التاني: بس والله جارنا الله يجزيه الخير كسر باب البيت ولحقو بآآآآآآآخر

لحظة

 الأول: لَكْ فهمنا كيف مات !!!!

 التاني: والله اضطرينا نطخُّه آخر شي !!!!!!

انتهى الاقتباس.

 لاحظوا ان الرجل لم يمت رغم كل السقطات والوقعات، لم يمت الا بمؤامرة داخلية.